8
3
3
營業時間
今日營業
08:00 - 20:30
星期一至日
08:00 - 20:30
以上資料只供參考, 請與餐廳確認詳情
南豐廣場入面嘅泰昌餅店做咗裝修之後，喺外面睇覺得都幾靚，所以每次行過都有想入去試吓嘅衝動，但係身邊嘅人都提我唔好亂試，始終抱有獵奇嘅心態，真係想入去試試，今晚屋企人終於話俾個機會我了我一個心願，果然係獵奇食物嘅質素😰菜心炒牛肉以小菜有飯有嘢飲黎講，其實唔貴，但係真係一分錢一分貨，牛肉係完全沒有肉味，而且充滿鬆肉粉嘅質地，味道一般，佢用咗蒜蓉來炒，但係蒜蓉完全聚集於餸嘅其中一邊，完全冇炒勻。菜心算係裏面最好味的。鐵板牛扒餐呢個真係有驚喜，上碟嘅時候見到大大塊好吸引個樣！但係塊肉絕對係喪屍肉，加上無窮無盡嘅鬆肉粉，食入口其實唔知食咗啲咩！之後講吓佢個蒜蓉汁，其實用「汁」黎形容係錯嘅，佢係杰過你屋企支牙膏，倒唔到出嚟果種！跟餐俾咗一個意粉，係就咁用滾水烚咗啲意粉，然後上面淋一啖茄汁果種，完全沒有誠意！成份鐵板餐入面最好味係即炸嘅薯條！熱檸檬茶估唔到，這一餐俾到我最有獵奇嘅感覺，竟然係杯熱檸檬茶！唔知發生咩事，全杯都係漂白水味！喺徹徹底底用漂白水係浸嗰隻杯，然後再沖一杯檸檬茶嗰種味道！！最後我哋唔敢飲放返喺度就走咗。餐廳環境坐得舒服，因為晚飯時成間餐廳根本就冇咩人！入嚟嘅人數亦都代表左一啲嘢。整體來講，呢次嘅獵奇體驗，令我明白屋企人嘅說話係要聽嘅，泰昌餅店，請你堅持繼續做好你嘅麵包，唔好做其他嘢了。
繼續閱讀
星期天，黃金週，將軍澳到到都滿了人。每一間餐廳門口都最少有十幾人在等，沒有想太多的想找個位坐下，已經很好了。不知不覺便行到南豐中心，間間餐廳都很多人。今次的彩蛋便是找到這間餐廳。剛行過的時間還以為是衹有麵包賣，沒有想過是有餐廳的。而食物方便，我覺得好港式茶餐廳，所以便食了個常餐。沙嗲牛即食麵，好港式食物不錯呀～可能是地點問題，不會太多人找到的
繼續閱讀
上次同仔仔黎經過冇食，今次經過就黎試下！一路以為呢到淨係賣包😂食物雞扒拼鰻魚意粉啲薯條都幾有薯味！鰻魚都ok🫶🏻雞扒就有啲薄，不過都好食😋不過係冇諗到😂😂個意粉咁細，同埋佢上差咗汁嘅意粉🥺不過好快問一問就即換🩷啲意粉就麻麻地🫠頂級牛扒嗯…個牛扒🥩有啲薄，不過100蚊都唔洗，其實都唔會厚得去邊我哋叫5成熟，都好有牛味！係唔夠喉姐😂😂凍檸茶、熱檸水個檸檬好鮮！酸都好食🤪menu 服務😂好大鄉里！因為好少staff,係咁舉手冇人理😂同埋佢哋真係好忙，然後有人同我哋講，掃QR CODE就得，水都係自助拎😀
繼續閱讀
今天偶然有事到南豐廣場，未夠鐘，隨便找間茶餐廳歇歇腳，見泰昌座位寬敞便入去一試。點了$38的下午茶，已包括菠蘿油、火腿和牛乳炒蛋，配上熱奶茶，價格合理啊。食物送上桌全部熱騰騰，我已經加分👍嘗過後覺得整體不錯。對一般茶餐廳服務沒有特別期望，但很高興留意到3位樓面員工都很勤快和友善，令我感覺十分良好。此外，店內座位很多也很整潔，可能當時並非繁忙時段，所以客人都可揀選喜爱位置，久坐也冇問題。下次經過一定再幫襯以表支持😀
繼續閱讀
第一次嚟呢度食飯。見食評都ok，坑口好少少嘅餐廳星期日係唔洗排隊，只想快快食個飯，呢度又唔洗等位，就入咗嚟食。餐牌價錢都合理，一般茶餐廳嘢食。叫左個鰻魚炒飯，本以為炒嘢喺茶餐廳嚟講唔會中伏點知中咗個大伏😨 因為佢根本就唔可以叫做炒飯，只可以叫做撈飯。 啲飯無炒開過，係一嚿嚿嘅，蛋都係一嚿嚿🙄 正常炒飯係蛋包住每一粒飯，炒得好香，呢個飯只係將所有材料係個鑊度撈埋一齊，醬汁都係某部份飯先有，有啲飯基本上係白色🫥 你搵啲醬汁係呀pat pat食幾啖好喊。唯一可取之處係好大碟，但咁嘅味道一啲都唔想食落去。同行友人叫左叉燒炒蛋飯，叉燒炒蛋都叫正常啲，飯就比較乾。雖然呢個價錢有湯，有嘢飲都叫合理，但下次唔會再嚟食，去排隊食番牛奶冰室好過
繼續閱讀