445
9
5
開飯介紹
人氣韓國燒烤店，招牌為燒韓牛，當中以肩胛肉及護心肉最為推薦。餐廳設有遊玩區，適合一家大小共享天倫。
繼續閱讀
營業時間
今日營業
12:00 - 16:30
17:30 - 22:00
星期一至日
12:00 - 16:30
17:30 - 22:00
以上資料只供參考, 請與餐廳確認詳情
有關獎賞計劃
食家推介
相關文章
炑八燒烤今日帶埋老婆同個仔去觀塘必去既親子韓燒，有得玩又有得食。今次知佢地有新主題，所以順便試下新野。媽咪圍爐取暖套餐：可以食足玩足2小時，某d食物仲可以refills，而且食物選擇種類又多。拼盤：包括有韓式大蝦/特製LA骨/月見韓牛前胸肉/香烤梅花肉/蜜糖雞腿肉，以上全部都可以無限續叫。韓式大蝦：每一隻都好似我成隻手掌既size，啖啖肉。特製LA骨：醃得好入味，而且肉質好嫩。牛前胸肉：肥瘦適中，牛味極濃。梅花肉：好厚好大塊，肥瘦相間，豬肉味好出。講起依個餐最特別就係可以烤野食，有香蕉/柑/紅棗/腰果/棉花糖/紫薯餅可以放爐邊慢慢烤熟，有驚喜之餘亦好創新。除左大人有好野食之外，點少得小朋友嗰份，我就叫左幾個小朋友餐試下，大人小朋友都arm食。春日華爾滋盛合便當：個飯盒做得好精緻，成個琴譜咁，小朋友見琴都雙腰發光，好食又好睇，又健康。繽紛兔仔造型飯團：兔仔造型好可愛，而且仲有小朋友最愛既炸雞。春天協奏曲全日早餐：依個餐大人小朋友都鍾意，塊魚柳有半條手臂咁長，炸魚個火喉剛剛好。終於到大人小朋友最愛既甜品環節甜蜜朱古力火鍋：朱古力好濃唔會太甜，有好多配料，棉花糖/藍莓/士多啤梨/雪糕/多士。-春日合奏曲窩夫：佢地窩夫係即叫即做，又香又脆又厚，拍得住出面既小食店，面頭仲有好多cream同朱古力。旋律甜品饗宴：依個係3款甜品中最有驚喜，竟然係一個音樂盒，上面仲擺左唔同口味既蛋糕，好玩好食又好睇。#炑八韓烤親子餐廳 #韓烤親子餐廳 #香港親子餐廳 #親子餐廳 #韓系童心空間 #韓屋 #親子韓服 #親子假日好去處 #親子好去處 #小朋友放電之選 #邊食邊玩 #KoreanBBQ #meokbangkidzone
繼續閱讀
聖誕將來臨，一家人提前慶祝食聖誕大餐。我見到這間主題是親子餐廳，今次一早預約左同阿女，老公一齊試下先。如果人多仲可以坐包廂，可以保持一定的私隱度。人少都可以坐卡位，座位非常闊落。聖誕佈置裝飾好可愛，真係添上了不少聖誕氣氛。這裡還有一個兒童波波池和玩具部份，空間比比想像中大，已經足夠小朋友玩耍。我們叫了牛肉、豬肉和雞肉，這些都是經常會吃的主要肉類。韓國人注重肉類的質量和口感，因此選擇優質的肉類是燒烤的關鍵。肉類被切成薄片，這樣可以更容易烤熟並提供更好的口感。薄片的肉類還可以更好地吸收調味料和醬汁，使味道更加均勻。聖誕禮物小跑車內裏包含傳統的韓式壽司，炸雞，粟米和雞蛋，非常精緻和豐富，小朋友都吃到停不了。三味牛小排三味牛小排的味道鮮美、口感豐富，結合了鹹甜、微辣和微酸的風味，非常惹味。香烤豬五花豬五花肉經過烤制後，肉質鮮嫩多汁，味道豐富濃郁，結合了鹹甜和煙燻的風味，是一道令人垂涎欲滴的美食。梨汁雞腿肉梨汁為菜肴提供了清新、淡雅的水果味道，使整道菜肴更加爽口和清爽。雞腿肉經過烹調後，肉質嫩滑多汁，口感豐富。梨汁的酸度也有助於軟化和嫩化雞肉纖維，使其更加嫩滑。韓牛前胸肉韓牛前胸肉肉質嫩滑，口感柔軟，韌度適中，不會過於嚼勁，但也不會過於軟爛。人參雞湯具有清淡的口感、濃醇的雞肉味道和輕微的甜味，同時帶有滋補的人參風味。這使得它成為一道受歡迎的健康湯品，被認為對身體有滋補養生的功效。最後去到尾聲，食埋雜果pancake已經好飽了!飲品整得非常精緻，好有聖誕氣氛，可見他們放了不少心思，小朋友見到都非常興奮！這間餐廳令我有意外驚喜，食物味道高質精美，價錢非常合理，大人小朋友都好開心。
繼續閱讀
親子韓式燒烤觀塘依間韓式親子燒烤，真係每次黎都有驚喜，今次再黎個波波仔竟然開放番，仲要今次撞正聖誕，成間店都佈滿濃厚聖誕氣氛。唔經唔覺已經第3年黎依度，每次阿仔都好開心，每年都會對依個熟悉又陌生既環境好雀躍。由細細個陪食到依家自己食飯同去玩，好感動。講番今次食左乜野先。韓牛前胸肉：肥瘦恰度好處，好新鮮，牛味好重，最重要係自己落手落腳煎，幾多成熟都可以。梨汁雞腿肉：用新鮮梨汁去醃製，所以食落去少少甜，韓式甜味嗰種，醃得好入味，阿仔都話正。香烤豬五花：真正靚既五花，就係肥瘦肥瘦咁，層次分明，食落口唔會太油，夾埋佢地配既生菜，唔會太膩。人蔘雞湯：味道直情好似我喺韓國飲嘅一樣，好香人蔘味，雞都好嫩，飲完全身暖晒。三味牛小排：牛小排醃得好入味，雖然冇牛前胸肉咁嫩，但都係好重牛味，都幾大塊。聖誕禮物小跑車：阿仔見到架跑車便當即時雙眼發光，好適合小朋友，有炸雞翼，又有魚板，仲有粟米飯，一陣就食晒。朱古力忌廉沙冰：好濃朱古力味，啖啖朱古力碎。士多啤梨沙冰：新鮮士多啤梨打出嚟嘅沙冰，啖啖都係士多啤梨。終結：依度已經成為咗我哋同小朋友嘅回憶，成為咗我哋親子飯堂，每次黎到充滿驚喜。⭐️⭐️另外12月23-26號聖誕節期間16:00-21:00會有聖誕人出巡/表演魔術/大派禮物期間仲有薑餅人DIY
繼續閱讀
睇fb 知道炑八韓燒親子餐廳出咗一連串 #聖誕主題活動 同 #聖誕兒童餐 ，即刻book位去食😆我真係廿四孝媽媽👩🏻觀塘店波波池已經重開，今次坐得近波波池，可以輕鬆食住睇佢哋✌🏻輕鬆😌玩樂區除咗有波波池同滑梯🛝，仲有煮飯仔、超市、積木同其他玩具🧸大家記得幫小朋友換埋韓服影相留念📷店員姐姐提我哋🔆12月23-26日16:00-21:00時段會有聖誕老人出巡、表演魔術、大派禮物🎁，有興趣可以盡快book位而逢星期一至四叫兒童餐會送一套3件薑餅人曲奇，可以即場比小朋友diy做甜品🤪兩個仔盡情玩嘅時候，我哋就盡情食🔥🍖燒肉叫咗韓牛前胸肉、香烤豬五花、三味牛小排、梨汁雞腿肉三味牛小排最正！厚度適中，燒完油脂超香🤤梨汁雞腿肉就抵食👍🏻燒到脆卜卜之後叫咗個人參雞湯配飯，冬天飲碗熱雞湯，好舒服，仲好味過韓國食😆雞肉好嫩滑～兩個細路分別有 #聖誕禮物小跑車 同HO!HO!HO #聖誕老人便當 ，賣相勁靚❣️聖誕老人飯團靚到諾諾問點整出嚟😂飲品同樣有驚喜暖笠笠棉花糖朱古力內有暖心聖誕老人朱古力KitKat朱古力忌廉沙冰 我偷偷飲咗兩啖都覺得好開心😆派對士多啤梨香蕉奶昔 小朋友之選👍🏻裝飾好可愛最後食埋個KitKat朱古力趣脆窩夫🧇冬天食朱古力真係特別正，窩夫外脆內軟，加埋cream,好滿足❣️
繼續閱讀
點解咁鍾意帶小朋友嚟？因為呢度完全係一個一石二鳥嘅好地方😂👍🏻既能滿足大人韓燒嘅慾望，又可以俾小朋友放爆電，大人燒得好放心，小朋友又玩得好開心🥳小朋友仲可以免費着韓服🇰🇷😍佢哋真係著得好可愛🎎仲要呢度嘅抽風系統做得勁好，燒完個身都唔覺得有韓燒嘅味道👅講返啲嘢食先😋- 王者牛肋骨🐮 $298牛味好重，我好鐘意😍- 雪花厚切五花肉$238🥬用生菜，包住肉（沾韓醬）加埋泡菜&生蒜片🧄一齊食，好鬼正！🤪當日侍應好好💌牛同豬都有幫我哋燒埋🩷- 春天協奏曲全日早餐$168小朋友勁like 炸💜紫薯，條條都超甜塊炸魚柳都好出色，而且勁大塊😆- 繽紛兔仔造型飯團$162呢個飯真係整得好有心思同好靚🐰個女爭住食😛- 花漾音符焦糖鮮奶特飲 $42呢杯味道偏甜🥛- 韻律朱古力狂想曲 $42🤣其實即係一般既熱朱古力🍫-韓國啤酒🍻$57唔苦，好易入口，食韓燒飲絕對爽！- 旋律甜品饗宴$168🐻🦄呢個甜品侍應捧出嚟嘅時候，我啲小朋友簡直尖叫🙀佢哋好鍾意好鍾意❤️❤️另外，餐廳做緊優惠，消費$500可以玩一次轉盤拋波波，我哋滿$1000所以可以拋兩次✌🏻最後得到張優惠券，下次生日book場🥳可以有七八折&布甸兩份🍮 🍮一家人咁樣食一餐真係好開心😁
繼續閱讀