影片
營業時間
*不定期休息
星期一至日
13:00 - 16:00
18:00 - 22:00
以上資料只供參考, 請與餐廳確認詳情
食家推介
相關文章
元朗沾麵唔係淨係得彩(想講好耐!!) 我一直都好想試呢間位於雞翼包條小巷裏面既隱世拉麵!!舖頭外面聚集左好多食雞翼包既人 好彩食沾麵就唔洗等位😌小店地方細細 得五張2人枱 亦都望到入面既日本師傅(聽講唔係成日係度)沾麵充滿彩既感覺 沾汁既豚骨味道幾濃厚 黑蒜油香濃重口味😆😆海老湯舖滿蝦油 食到蝦油既鮮甜 個湯仲充滿蔥香同好多肉碎係底 感覺幾豐富😋😋麵條散發陣陣麥香 硬硬地有咬口 都幾掛湯 但凍左會痴埋難分開 兩塊叉燒好正!!!! 肥瘦岩岩好 非常嫩滑又彈口 蛋做得流心😍拉麵都係同價! 佢後尾發覺唔記得落荀 自動比返碟荀我😂至於鈴夏同彩同赤橋既三角關係 我都聽講過下 (碗上果幾隻紅色日文子解做赤橋) 我就冇興趣深究 我淨係想食麵姐hahaaa留意返佢營業時間: 1-4pm, 6-10pm
繼續閱讀
元朗區暫時試過彩,金田家,焰, 拉麵天王... 唯獨呢間鈴夏食堂覺得好SURPRISE今晚試左豚骨沾麵同埋海老豚骨沾麵麵質唔會過淋 而且掛湯力非常好2碗相比之下肯定係海老豚骨湯底更豐富 係鮮!唯一一樣要挑剔就係香港拉麵店嘅通病 就係湯底唔夠熱不過呢間我一定會再黎幫襯!!
繼續閱讀
日本拉麵店的座位大多數只有十個左右，大家吃完就會結賬離開，不會佔著位子左聊右吹的妨礙店家做下一輪生意的。這家店亦然，地方不大，只有一張4人，2張2人枱，由於名氣不大，不存在排長龍的問題。聽說這家的沾麵和「彩」不分上下，既然如此，乾脆嚐湯麵好了。有4款(湯/沾汁麵)供選擇，魚介豚骨$78/黑油豚骨$80/海老豚骨$83/辛肉味噌$85重口味的我當然點了海老豚骨，滿滿的一碗麵奉上，第一口一定是先喝湯的。濃郁的蝦香氣，肴至微膠的豚骨湯，平順的滑過喉舌。急不及待挾上掛滿湯汁的粗麵，塞一大口的，Q彈的麵條與湯汁匹配非常。略肥的叉燒，半熟蛋，紫菜，葱，荀，經典的配角，看似平平無奇的，卻完美的襯托了這碗湯麵。嗜辣的老公則挑了辛肉味噌，紅通通的，我粗略嚐了一口，辣，但不光是死辣的那種，而是層次豐富，由淡至濃的轟上舌頭，再漸漸平淡。老公對這碗麵也是讚口不絕的，我們對這間店未被追捧感到驚訝同時亦暗暗慶幸，希望下次再捧場是不會大排長龍。
繼續閱讀
本身係元朗想食玻璃屋，但原來已經關門了。突然又想食拉麵，找了一會，發現原來‘好包’隔離個間鋪由以前做手打烏冬轉左做拉麵。要搵呢個地址係比較麻煩。入去試下呢家咩料，入到去見到老細熟口熟面，如無記錯的話就係前‘彩’既老闆，已經知道質素有保證了👌🏼👌🏼強烈推介呢到既海老豚骨拉麵，個湯底好似飲緊Lobster Bisque一樣咁濃，真係想成碗飲曬去，真·隱世·極邪惡拉麵。🤤香港有質素拉麵真係好小，呢到會係我既選擇
繼續閱讀
下午二時才一個人出外吃飯，早前在附近吃過別的店時已鎖定這店，有機會要來試一下。剛好這店下午一時才開門，我去到亦剛好剩下最後一張檯，不用等待便能吃個午餐。點了黑油豚骨沾麵，店員先給送端上冰水，過一會沾麵便送到了。嘩，很多蒜頭，除了炸蒜還有蒜蓉！非常香濃的味道，我很喜歡！豬骨湯底味道不錯，拉麵很彈牙而且很掛湯 ，紫菜有兩片 (雖然我認為再給我更多也能吃掉！哈哈)。叉燒有點肥膩，剛好有一片差不多三份一是脂肪，雖然脂肪部份很爽口，可是吃光了還是有點內疚...溏心蛋是一整個的，質感非常的好，調味亦很好！想不到麵底份量挺多，我全部都能吃完，飽飽的非常滿足。於是我著店員加了一些熱水，喝了幾口湯便離座。非常滿足，味道很好的一碗沾麵，有機會會再來的。
繼續閱讀