影片
港鐵香港站 C 出口, 步行約8分鐘
繼續閱讀
營業時間
*最後落單時間 :21:00
星期一
全日休息
星期二至六
12:00 - 22:00
星期日
12:00 - 21:00
以上資料只供參考, 請與餐廳確認詳情
相關文章
聖誕節日氣氛濃厚，今日去左中環蘇豪嘉咸街既FlyingBao。搭長扶手電梯之後要上少少斜，就唔洗行太多路。FlyingBao係台灣菜，主打刈包同台式小食，仲有酒飲。餐牌有五款不同口味刈包，六款小食同飲品。經典豬五花 $65刈包叫左經典豬五花，即係豬腩肉+醃菜+芫荽+花生粉。刈包超熱，質感非常軟綿綿，好少食到咁嘅中式包，真係幾好食。豬腩肉皮同脂肪非常有彈性，味道唔錯，而醃菜個汁幾惹味，食落少少辣辣地，再加上甜甜地既花生粉，最後一片芫荽，味道口感都好有層次。台式開胃泡菜 $30小食叫左台式開胃泡菜，係自家製。凍兜兜上枱，分量唔少。大白菜同少少紅蘿蔔酸酸哋又脆口，真係好清爽健康。鳳梨梳打 $30呢度飲品有咖啡茶，汽水，梳打同酒。我叫左杯鳳梨梳打，顔色好靚，係黃加淺紫色，飲落菠蘿味都唔假，同埋好少甜，冰好多，夠凍。12點至2點午市套餐3樣加埋有$30折扣。
繼續閱讀
.今次黎到中環SOHO區食刈包 呢間餐廳睇落成間酒吧咁樣 不過原來佢係可以食包 🤣🤣 好多台灣野食 🤓呢日見餓餓地 但又唔想食好多野就喺附近搵下野食🤤 搵到呢間刈包🐷而且最近有好多唔同嘅優惠 呢日，去到仲有七折💕.🐷辣台妹 👅7.5/10 $65本身以為個包會辣死人 原來佢係用咗甜辣醬 裏面仲有幾舊炸雞🐓 加埋一齊幾好食🤤.🐷經典豬五花 👅8/10 $65呢個包嘅味道層次比較豐富 裏面有幾個五花肉 好香🤤 上面仲有一啲花生碎 令到成個包更加香🥜不過如果大家唔食芫荽 記住要走芫荽‼️.🐷台式開胃泡菜 👅8/10 $35覺得呢一個真係好需要 有甜甜酸酸嘅味道 開胃一流‼️.🐷珍珠奶茶 👅7.5/10第一次飲用啤酒杯裝嘅珍珠奶茶 份量岩岩好 甜度都係啱啱好 冇叫到少甜 好岩我地呢啲勁怕甜到糖尿病嘅手搖嘅人🤓.味道👅：8/10賣相👀：7.5/10扺食💰：7.5/10（最近經常有折扣 大家可以去試吓）服務🙇🏻♀️：9/10.
繼續閱讀
.早兩日同朋友去咗中環嘅蘇豪區 但係大家都有少少肚餓，不過又唔想食太飽😂😂所以我地一人食左一個刈包 因為我唔係好食花生 所以冇試朋友個包 淨係試左個辣台妹其實我同朋友都唔係好食得辣 不過，我哋問咗店員 佢話唔係好辣 原來係用咗甜辣醬🤣🤣裏面仲有幾舊炸雞覺得唔錯而且炸雞嘅份量都算ok另一方面最得意嘅就係佢個杯係用啤酒杯裝珍珠奶茶 🤣🤣第一次見到呢一個組合佢個珍珠奶茶味道都OK呢間餐廳係蘇豪區嘉咸街 去到要行幾級樓梯先到 （係幾級姐 唔係幾層） 有少少唔起眼但係係一間值得推薦嘅餐廳💕整體推薦指數： 4/5
繼續閱讀
#FlyingBao 📍 中環蘇豪嘉咸街49號地下C號舖菜圃蛋刈包 $60菜圃蛋炒得好，食落層次口感分明，配料比例啱啱好，有口感同埋配埋花生醬嘅調味恰當😋😋😋炸花枝丸 $45炸到金黃色嘅花枝丸，上面灑滿胡椒鹽咬落香香QQ既滋味台灣鹽酥雞鹽酥雞嘅外皮保持酥脆、食落去內裏多汁
繼續閱讀
朋友👩🏻💼超鍾意瓹窿瓹罅搵嘢食，呢日同佢一齊喺中環，佢又搵搵搵🤣，行吓呢度望吓嗰度，仲專登揀啲橫街小街先嚟行，真係行到我腳都軟埋🤣，行到呢處，見到餐廳名字幾得意，食包包，朋友話不如試吓呢間，我已經非常之攰，咁就梗係舉腳贊成啦😆- $80 嘅「Rose 新調酒」：淺粉紅色，幾 fruity, 好輕身😆- $40 嘅「珍珠奶茶🧋」：唔係好甜，凍冰冰，幾清新😆- $45 嘅「甜不辣」：「甜不辣」喺台灣係相當常見嘅小食😋，呢度做得幾香口🤩- $40 嘅「蕃薯球」：圓轆轆甜甜哋外邊仲脆脆哋😋- $65 嘅「豬五花刈包」：維基百科大約咁樣形容：「割包，亦作刈包，為臺灣知名小食之一，常見是將發酵的麵餅蒸熟後夾入腩肉、酸菜及其他餡料」🤩；呢度嘅「豬五花刈包」非常肥美，充滿豬油香味😋- $60 嘅「Eggcellent」：菜譜加蛋刈包，仲加咗啲好厚身嘅花生醬，幾有趣🤩
繼續閱讀