7
3
2
餐廳: | 大家樂 |
---|---|
資訊: |
為推動全港減鹽減糖新飲食文化及新生活態度,環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.eeb.gov.hk/food/cn/committees/crss/restaurants.html
電話號碼
31417097
附加資料
無肉餐單詳情: 逢星期一、二及三午市供應素食菜式。
營業時間
今日營業
07:00 - 21:30
星期一至日
07:00 - 21:30
*只供外賣
以上資料只供參考, 請與餐廳確認詳情
招牌菜
相關文章
今日收工喺附近東涌大家樂買咗個早餐食,提提大家而家如果要加餐具嘅話係要另外收費($1),今日就叫做一個炒蛋蘿蔔糕炸魚柳,同埋另外加咗個雪菜肉絲米粉(細),炒蛋嚟講都幾好食,味道做得唔錯,蘿蔔糕我就通常會拎辣椒醬,味道加埋更加match, 炸魚柳亦都熱辣辣,返到屋企都仲係好熱,加埋本身大家樂他他醬汁,非常好食,另外加咗$9,有一碗細嘅雪菜肉絲米,有啲美中不足嘅係份量比較少,兩啖就食晒,性價比有少少低,如果大食嘅朋友可以唔加,檸檬茶就普通,冇乜特別
繼續閱讀
未試過去大家樂食早餐,今日早早地半路折中去左大家樂,set餐均價35蚊,米線偏硬身,味道融合唔到係埋一齊果種feel,就好似,雪菜、米線、湯,自己玩自己,煮唔出好味道,早餐都係唔試大家樂啦,35蚊可以去普通茶餐廳食,應該仲抵食d,奶茶都係一般,總結係樓下世窗奶茶好飲過大家樂🫢
繼續閱讀
次次買嘢次次漏,漏左仲話下次先比返我,不如下世先比?下次比你又點會記得啊?如果買呢間大家樂,緊記要check齊餐先好走,如果唔係就要下世先有得食😂呢間員工特別求其,十次有十一次都漏
繼續閱讀
大家樂 (東涌) 📍東涌逸東街8號逸東商場一期2樓221號舖祝各位冬至快樂☃️🎄天氣凍左想食下平民級打邊爐🍲早早上網買左二人尊享套餐(HKD 138 )。打堅爐二人餐包括以下食品:1客 四川麻辣湯底: 吾夠麻都吾夠辣,等於譚仔三小辣程度,油反而多,成層油係表面。1客 豬骨湯底 或 沙爹湯底 :沙爹味香濃,越滾越有味,吾會死咸,帶點花生🥜香。1客 美國雙份肥牛: 最低要求起碼融左雪吾係結冰都照比你,無咩牛味,佳寶牛都仲有牛味過佢,但又出奇吾鞋口吾韌。1客 丹麥豚肉:要求吾可以咁高,切得夠曬薄,但豚肉真係比較鞋口,份量都足比夠5片。2客 菜盆:有新鮮生菜🥬,秋葵同吾甜粟米🌽仲有椰菜花🥦同埋軟糯南瓜片。2客 米線(可免費轉配急涷讚歧烏冬):識食一定去到尾段吸曬湯汁精華,米線🍜夠幼滑。2客 盛盒:3粒迷你餃子🥟皮薄餡靚但餡料真係好細粒,吾夠食。魚蛋正正常常,仲有兩粒馬啼香菇丸,馬啼爽脆菇味香濃、仲有1粒芝士豆腐丸,芝士有流心效果,不錯。免費加送 1客 黃金魚肉蝦滑: 蝦🦐肉大十粒,但有陣臭味,根本是一粒蝦膠,食左啖之後掉左+8 換購1杯凍檸樂🥤 總結:過口癮系列 整體不過不失 價錢合理算抵食 網上買便D#大家樂#打堅爐#雙份肥牛#豚肉#四川麻辣湯底#豬骨湯底#沙爹湯底#美國雙份肥牛#丹麥豚肉#菜盆#米線#免費轉配急涷讚歧烏冬#盛盒#黃金魚肉蝦滑
繼續閱讀
今日去大家樂買外賣,落單嘅時候問咗收銀,佢話一個焗豬扒飯唔使等,然後我先落單。一拎完單之後就行埋去外賣區,一直望住個顯示牌,連手機都冇拎出來玩,只係用嚟望吓時間。點知等等等,等咗成10分鐘,覺得好唔對路,前面個素豬扒飯話要等20分鐘都已經整好,仲過左五六個號碼添!-然後我行埋去問,個職員先話一早放咗喺度。跟住我話完全冇顯示過出嚟,佢話係會「自動燒咗個號碼」。黑人問號❓咩叫自動燒咗個號碼?即係我張外賣單係由頭到尾都冇出現過係顯示牌⁉️💢💢 咁客人點知道要去拎外賣? 同埋佢哋係一句唔好意思都冇㗎,連鎖式集團就係咁樣,唔優冇得做,所以唔好預有咩服務態度👎🏻奉勸大家去大家樂叫外賣,要自己行埋去逐個飯問係唔係自己嗰個🙃
繼續閱讀