9
4
6
付款方式
以上資料只供參考, 請與餐廳確認詳情
之前喺元朗，食過佢個雙拼飯覺得超值。啲燒味唔算鹹，鹹蛋又好食。今次行過深水埗，就睇吓有咩燒味斬d返屋企加料。見到佢$108油雞加燒肉/$160燒鵝加燒肉。咁相差得唔係太遠咁梗係食燒鵝啦。但係俾錢嘅時候唔為意佢點斬，返到屋企一打開先發覺鵝胸部多得返四嚿，半邊燒鵝真係得四嚿胸，但又唔係厚切。再試下搵鵝脾內側個塊大肉，都唔見有。咁以為係底啦再摷下⋯⋯裏面剩係得啲骨墊底。咁下次都係買番雙拼飯才是王道，相信飯盒性價比係會好好多。
繼續閱讀
上幾星期第一次買，咁先買咗份$98蚊叉燒配燒肉。 味OK喎， 但肉質素好明唔唔係咁好，一分錢一分貨OK嘅。買完又見到d燒鵝新鮮拎出嚟， 但d皮一睇就知唔會脆嫁啦， 見呀姐係咁推薦，自己又想食鵝，隻鵝又出晒煙唔會差得去邊掛。 點知出事啦， 因為隻鵝係特價促銷貨， 推銷時呀姐話再送6條小燒骨（好短好細嘅姐）。 咁我睇住個師傅斬啦， 斬好晒我就問點解送個6條小燒骨你中要斬一半得3小條俾我嘅？佢話佢係應俾幾多就幾多，我都唔明佢講咩。 明明話推銷送6條小條，成set連埋鵝併堆一份俾你斬，但又斬一半再將另一半去配其他再充銷。 令人感覺好似水咗你斬好晒先咁。 返到去食， 小燒骨又幾好味喎， 肉質正常。 但隻鵝呢， 係我同成家人連隔離屋（小朋友過黎食飯）所有人都話成世人都末試過咁嘅燒鵝（應該話只係外型同顏色似燒鵝）完全係無味， 肉質又鞋， 都唔知係咪賣唔出拎去再淥滾水，淥到出晒煙令人以為新鮮但搞到無晒味d肉又鞋。總之就係難食，末食過咁差燒鵝。總結：叉燒：味ok但肉質唔好 燒肉： 味OK同樣肉質唔好 燒骨仔： 最好味， 肉質又最好 燒鵝：我都唔知點形容， 末講過咁 難食燒鵝。。。又鞋又無味只係外型同顏色似燒鵝嘅燒鵝 一分錢一分貨啦，價錢OK嘅，但生意手法唔太好，感覺唔老實。 最好睇住佢斬呀。同埋唔好以為出晒煙就係好野。
繼續閱讀
___________🏖餐廳簡介🏖___________ 深水埗區內一間超級！超級平！的燒味店，最平＄20已經有交易，是月光一族月尾的救星。店鋪招牌光猛，遠距離都很清楚看到《朗益》二字。之前🌶📝一直都聽過朋友推介呢間性價比非常高的燒味飯，今天終於可以一試了。- _____________🍽食物🍽_____________🍳 鹹蛋三寶飯 $28推介指數 ■■■■□今次選擇了油雞、叉燒拼燒肉😆油雞位置是翼跟少少脾位，雞肉非常嫩口，帶有醬油香味。放了一小時再吃，燒肉皮還是脆脆的😳而且完全沒有🌶📝很怕燒肉經有的超咸位置。叉燒算淋身，容易咬開，正常品質，當然不能要求甚麼半肥瘦燶邊。28元三款肉，每款有5-6舊，另外有鹹蛋半隻，菜心一條，足料程度實在令人驚嚇。- _________🌶辣椒紙總結📝__________整體：🌶🌶🌶🌶環境：🌶🌶🌶員工：🌶🌶🌶食物：🌶🌶🌶🌶(滿分為五隻🌶) - 總括而言，今次光顧朗益的感覺非常好，28元的一個外賣飯，份量超足，細食的朋友們兩個人share一個就已經夠一餐了😳由於價錢太優勝，所以對其他東西都沒有要求太多。在附近的打工一族，喜歡燒味的不妨一試呢！😉-______________________________ 📍 朗益燒味工房深水埗基隆街363-365號地舖人均消費：$28-______________________________ #叉燒 #油雞 #燒肉 #燒鴨 #燒鵝 #紅腸 #燒味鋪 #深水埗美食 #852 #hkfoodlover #hkfoodie #foodiehk #foodie #hkblogger #hk #hkig #hkeat #hkgirl #mschillipaper #為食辣椒紙
繼續閱讀
朗益燒味工房朋友買比我哋食，上OR一查原來呢間雙拼飯唔洗$20，應該係全港最平，大家經過可以買嚟試下！白切雞$108（7/10）雞肉嫩滑，但鹹咗少少，薑蓉勁咸！地址：深水埗基隆街363-365號地舖
繼續閱讀
下午收工回家，想起人們說這間燒味平，是窮人恩物，讚佢良心店鋪，。天天大排長龍，我從來未吃過，今天見不用排隊，膽粗粗叫了叉鵝反，叉燒紅腸反，燒肉飯，價值72元。千辛萬苦搭車回家。打開一看，斬到大大塊色澤暗啞，叉燒和燒肉又幹又硬又大塊，燒鵝無皮多骨，味道欠佳，我真係一塊都吃唔落，成世人未吃過咁難食的燒味。原來門囗不見人龍，是有原因，1.食物唔新鮮，2.師傅做嘢無心機，切到大大塊，3.味道欠佳。真心咁嘅出品，佢老板吃得落，我唔介意給錢請佢吃。店鋪外邊斬料價錢貴的燒味質素會好地，鋪內斬外賣飯盒會差好多，全部都是下欄嘢，大家唔好貪平。燒肉紅腸燒鵝叉燒
繼續閱讀
您可能會有興趣的...