1
0
0
港鐵寶琳站 A1 出口, 步行約5分鐘
繼續閱讀
營業時間
星期一至日
10:00 - 20:00
以上資料只供參考, 請與餐廳確認詳情
相關文章
岱民茵怡店喺茵怡市場入面，環境相當乾淨整潔，小菜款式又多。最鍾意呢類開放式廚房，可以清楚睇到哂廚房師傅處理食物嘅過程，同煮咩嘢餸。我已經唔記得咗幾時去買過飯盒，但記得係一定有叫到煎肉餅，另外一款我就唔係太清楚係咩餸。
繼續閱讀
雖然已經盡量stay at home，但食糧都會有耗盡的一日，今日又係時候一次過入幾日貨。辛苦完撲餸仲煮咩!? 當然外賣。兩餸三餸飯開到成行成巿，咁岩我屋企附近又有一間，簡直造福大家。小店以開放式設計，除了睇到今日食乜餸之外，仲睇到大廚點忙着炮製每款小菜，好有鑊氣架! 每日大約有二十多款不同小菜，仲會無間斷咁供應，勁呀! 其實每次揀餸都令我好頭痕，因為好多款都想食，哈!***************************19/02/22午餐今日有咩小菜揀呢？有椒鹽豬扒、炸雞鎚、粟米炸魚柳、炒散花、小棠菜、紅腸炒芽菜、蕃茄蛋、咕嚕肉、麻婆豆腐、酸菜豬肚、涼瓜排骨、雲耳蒸雞等等，記唔到咁多啦.....我要了盒兩餸飯($25)，通常一菜一肉，均衡啲，仲會揀啲我唔多煮的餸菜食，今次就要了炒散花拼咕嚕肉。嘩! 可能阿姐見我好細細粒，唔長肉咁，想我食多啲，所以一點都唔吝嗇，舀了大大盒白飯俾我，而餸菜都唔少架! 散花炒得剛好，仲有啲爽口，味道少少辣，唔會太鹹，又唔算好油，岩我! 另一款是咕嚕肉，大約有六七件，仲有三色椒、洋蔥和菠蘿，好豐富! 每件咕嚕肉都有骨有肉，又唔多肥膏，唔係啖啖肉，正合我心水。味道酸咪咪，好入味，用來佐大大盒的白飯就岩晒。***************************22/02/22午餐除了兩餸飯，其實還可選擇淨餸($35)，不過感覺好似無咁抵，所以今次繼續要盒兩餸飯($25)，同樣有菜有肉。今日的選擇比上次多，但大部份跟上次一樣，只是改咗幾款，分別有蒜香豬扒、炸雞鎚、粟米炸魚柳、炒散花、蒜蓉白菜、紅腸炒芽菜、蕃茄蛋、咕嚕肉、麻婆豆腐、酸菜豬肚、咖喱雞、煎肉餅、芙蓉蛋、雲耳蒸雞、,豉汁蒸鯧魚(收費不同)、煎紅衫魚等等。經一輪掙扎後，點了紅腸炒大豆芽拼蒜香豬扒。同樣大大盒白飯，可食足兩餐，哈! 紅腸炒大豆芽好爽嫩，加了豆卜、紅腸和唐芹，添上鹹香，亦有不少芡汁可佐白飯，味道不會過鹹，但今次就油咗少少。還有蒜香豬扒，足足有三大塊，每件都連少少骨，可算是啖啖肉，仲幾厚肉添! 每件煎至金黃，肉質雖不算好腍嫩，但一點都唔嚡口，見到沾上不少蒜粒，都幾有蒜香味，味道不錯! ------------------------------老實說，一盒兩餸飯我一次過食唔晒，$25真係平過自己去街巿買餐餸煮一餐，的確是省妹外賣之選。不過，我又唔會常常買，因為我也好享受自己下廚的過程，亦喜歡吃自家製的食物，點都清淡啲，合自己口味啲。
繼續閱讀