2
0
1
付款方式
其他資料
當面支付
以上資料只供參考, 請與餐廳確認詳情
之前間唔中都會嚟買下外賣，點知愈來愈差，經過今日直情要用不知所謂嚟形容。平時都習慣係依度嗌咗個粉先，再係隔離買個蠔餅，我嗌個陣得我同另一個客，咁我諗住蠔餅個邊至少都要等十分鐘，咁就拎埋先返過去。結果我返到去佢話未有，另一個就答我整緊，心諗得兩個客都做唔掂？一路等，一路有之後嘅客都已經拎咗佢哋嘅野食，我就再追啦，又話整緊喎。跟住就有另一個女仔好嬲咁走返嚟，原來人哋嗌咗個兩餸薯粉，返到屋企發現乜餸都無俾。。咁啲餸其實都整定咖啦，個啊姐就拎住人哋個粉唔知做乜！人哋差野，係咪應該即整返啊？佢哋又好笑喎，繼續整其他單，完全無視個個女仔。到我啦，收銀個個終於發現我仲未拎到我嘅野食，整個個就係咁拎另外個客個張單話係我嘅，就開始整，我就一路講唔係我嘅。結果原來係無咗我張單🙂佢哋就一路係度搵張單，無視我企咗係度，之後我重複咗四五次我個外賣係乜，整個個仲死拎住唔係我嘅個個係度整，完全無人整我個個。我燥燥地就話係咪應該整咗我個個先？整個個就串串共話:我手上依個整先咖，整埋咪整你個個。好多單咖我都快緊咖啦。你！無！咁！嘅！能！力！就！唔！好！接！咁！多！單！啦！結果我個加錢嘅加底米線同之前一樣份量，而我個蠔餅已經等到淋晒🥲
繼續閱讀
💛💛💛💛元朗麻辣黃店💛💛💛💛💛💛推介涼拌涼皮💛💛💛💛請支持 #黃色經濟圈 💛💛尼到元朗心思思想食麻辣喺黃藍地圖搵到走鬼檔~作為愛辣之人點可以放過麻辣涼拌嘅黃店！無堂食，只有外賣諗唔到食涼粉定涼皮好喺老闆娘面前選擇困難咗好耐都無話我最後選了涼粉，食到底發現老闆娘加了涼皮比我試😭😭😭😭💛💛💛💛🥺🥺🥺🥺老闆娘sooo nice and sweeet💛💛涼拌涼粉 大辣 $25好食，正常味道及唔上天水圍俊記嘅四川涼拌不過都係元朗國民唔錯嘅選擇💛加上老闆娘夠哂nice💛食得開心
繼續閱讀
今晚外賣回家，諗住有靚靚宵夜食。叫左一碗小辣酸辣粉，點知令人好失望，係一個失望又要空肚既晚上。酸辣粉，固然要又酸又辣。穩陣起叫左小辣，真係好難食，好淡，唔酸又唔辣。完全連譚仔10小辣都無。湯底唔期望係雞湯/高湯，但好似清水咁淡...唯一可取係送左幾片娃娃菜...但由於太難食，成碗扔左落垃圾桶！係呢個飲食業冰河時期，想支持小店，但小店食物質素咁樣，真係令人非常失望。呢間鋪頭主打「川辣」食品，然而湯底如此失手。唯有再幫襯唔會再食酸辣野，食下炸物，可能更好！願店主見到我既意見並改進！真心，唔好食
繼續閱讀
平時成日經過 今日終於試到姐姐有推介 不過我就嗌左撈薯粉手撕雞 平時撈薯粉會黏埋一注呢間個餅薯粉撈一撈底個d汁就鬆左酸菜同黃豆都好味既 嗌左小辣係正常辣度 個人覺得都幾好食 😋大家可以一試呀
繼續閱讀
呢日唔洗返工, 一條友喺屋企hea爆。連晚餐(其實已到宵夜時間)都係等男友放學返來買畀我食。早排見大坑渠附近有間賣四川食品嘅外賣店開左,一直都未試過, 一於就叫男友買返來畀我試下食物主要分左炸物, 手抓餅同酸辣/涼拌粉類。我地叫左泡椒無骨鳳爪, 招牌自製重慶小雲吞,同埋豬耳薄千張涼拌涼粉。本來我想試招牌"真"手撕雞的,但已賣晒好豐富泡椒無骨鳳爪 ($33)Errr.. 其實我以前未食過泡椒嘅野,所以冇得比較,但呢個其實我唔係好feel到有辣味,係酸酸的~ 好開胃~鳳爪都已去晒骨, 可以一啖就啪入口, 啖啖肉~面頭仲有芫茜, 特別香~(如果唔中意食嘅人記得叫佢走喇)最底係切到好幼嘅青瓜絲,吸晒d酸汁, 豬耳薄千張涼拌涼粉 ($37)其實本身個粉底係$25, 我加左豬耳$7, 同薄千張$5,所以係$37。呢個好食! 夠大碗!我當正餐食都夠飽!酸味十足~ 岩晒我!我叫小辣, 唔太辣, 可以下次試叫中辣~涼粉上面有d毛豆, 炸黃豆同酸菜做配料~炸黃豆夠晒脆, 我好中意食~酸菜都幾酸~薄千張其實我唔太知係咩來, 食落似厚身豆皮咁~但我覺得好好食~吸晒d汁~份量都幾多! 1d都唔小家!豬耳唔洗夠一定係爽口同脆啦~佢份量都幾多~ 抵食!涼粉其實我又係之前冇食過,今次第1次食, 都唔錯~用來涼拌真係好夾~招牌自製重慶小雲吞 ($35)呢個主要係我男友食,我食左幾粒試下啦~都幾抵食, 有成十幾粒(我冇數確實幾粒)。小雲吞個皮都幾滑~個餡都OK, 但略嫌唔夠滑~個湯(定汁?)係酸辣粉/涼拌咁~界乎中間啦~唔係麻辣, 係酸辣來~而且都幾酸下~我個人覺得OK,但男友覺得過酸,如果唔太食得酸,可以叫店主輕手D總括, 我覺得都姆好食,價錢又唔貴,我咁中意食川菜..以後一定成日食都似
繼續閱讀