109
10
12
港鐵康城站 B 出口, 步行約10分鐘
繼續閱讀
開飯介紹
來自台灣的鼎王麻辣鍋，裝修以時尚中式風為主，地方寬敞。招牌麻辣鍋的湯底可以選擇麻辣鴨血鍋和酸菜白肉鍋，其中推薦麻辣鴨血鍋，加入豬骨、蔬果、大豆芽、香料及藥材熬製，味道溫和。而且鴨血和豆腐都能無限免費添加。
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
食家推介
相關文章
位於將軍澳康城商場裏面的鼎王麻辣鍋是一家台式火鍋餐廳，最近我和三個朋友在晚餐時間來到這裡用餐。進入餐廳後，率先收入眼簾的是各種火鍋配料的台式配料吧枱。這個配料吧枱上擺滿了新鮮的生熟蒜蓉、辣醬和白飯等等配料。另外火鍋鴨血和豆腐是無限添加的，不用就住就住吃。我們點了鴛鴦鍋作為湯底，口味小辣、小酸，另外一邊是養生清湯。在配料方面，我們點了牛舌、手切牛黃喉、鵝腸、排骨酥、珊瑚蚌、老油條、蜂巣干層凍豆腐、高麗菜和日本黑豚腩肉等。其中，牛舌和手切牛黃喉非常爽口，鵝腸和排骨酥也很有嚼勁，鮮味十足。珊瑚蚌的肉質鮮嫩，老油條和蜂巣干層凍豆腐口感有趣，令人過足口癮。日本黑豚腩肉則肉質鮮嫩，入口即化。酒水方面，我們點了鼎王戰鬥碗暢飲set和支336ml的台灣啤酒，是非常之地道的配搭。除了以上的配料，我們最後還打包了鴨血，沒有另外收費這個待遇，實在令人感覺良好。餐廳的裝修和食物風格都非常之接近原本的台式設計， 很是正宗。侍應態度殷勤。因為冷氣比較凍，餐廳還預備了披肩給女士保暖，整個體驗無可挑剔。
繼續閱讀
同女友睇完戲諗唔到食咩，經過見到鼎王唔洗排隊就去食。嗌左個鴛鴦鍋，一碟牛頸脊、豬肉片、萵筍、炸豆皮、綜合丸。牛頸脊黎到覺得好細碟同好碎，但都算啦，預左出街食一定係無自己買嘅好。而重點係碟丸綜合丸入面有手工蝦丸、手工花枝丸、芝士丸、貢丸，每款各兩粒，首先祿左花枝丸，女友食個陣話有陣酸味 (我地係放麻辣個邊)，但佢自己又無為意係變壞，以為隻丸係咪酸酸地? 成粒食左跟住我一咬，就肯定係變壞嘅味道!! 我地同侍應講，問佢地啲丸本身係咪有酸味? 佢地話本身啲丸唔會有酸味，之後佢話一係換過兩粒其他丸比我地，我地就話要返雪藏丸隱陣啲，揀左牛丸。咁佢地都好識做，比返4粒牛丸我地。跟住我地問個侍應，隻蝦丸會唔會都有機會變呢? 個侍應好有信心咁答我地唔會 (那裡來的自信?)我地祿埋兩粒手工蝦丸，今次女友叫我試食先，一咬落去又係酸左變壞了!!我地同返侍應講，佢都無話換返啲咩比我地，淨係無奈話唔好意思。其實就算佢地再話換返啲咩丸比我地，我地都唔食啦。講真，都食到無癮。本身仲諗住嗌海鮮，但佢地處理食物嘅情況咁惡劣，仲點敢食海鮮? 嗌一碟丸8粒，有4粒都變壞，太差了!!!整體環境其實坐得幾舒服，可能因為都無乜人嘅關係，靜靜地又唔迫。侍應服務都好，又可能因為知道我地食左啲變壞嘅野唔好意思，加鴨血加湯嘅次數都好頻密。但真心，啲食物係變壞，環境服務幾好都係假，令我都好無信心同好懷疑廚房點樣保存食物?強烈建議該餐廳應好好保存食物，特別係天氣炎熱，食物好容易變壞，請再三注意!!! 我就唔會再幫襯，但都希望唔會有其他食客再食到啲變壞野。
繼續閱讀
有位長頭髮矮嘅女職員態度極差，食過好多次入座之前都係講90分鐘內無限加鴨血豆腐，食嘅期間加咗一次鴨血，之後再叫嗰位女職員加，佢加咗兩舊俾我同我講：小姐我見你入邊仲有好多 不如你食住先 但係我之後就睇返個火鍋，入邊只係得兩舊，但係我有五個人。嗰位女職員態度惡劣，好似唔想做咁。之前食其他職員都會主動過嚟加鴨血豆腐，但係可能嗰日冇乜人啦，基本上只係得嗰位女職員喺度。之後我哋埋單同佢講拎走個鍋，返到屋企發現佢一舊鴨血豆腐都冇加過，但係之前食有職員同我哋講如果我哋拎走個鍋，佢哋入到廚房會再加鴨血。
繼續閱讀
食過台灣嘅點都要試埋香港嘅鼎王. 好多野都同台灣做到好足嘅， 咁當然香港係貴過台灣啦😆😆都食到台灣個種feel.但唔會話好似，叫做有多個選擇咁😅間唔中食下都可以嘅
繼續閱讀
下午茶忽然想食火鍋，即刻諗起鼎王下晝有$328/2位火鍋餐好抵食，已經食過幾次，個餐其實好夠食，因為豆腐同鴨血任添，其他單點食材係唔平嘅，甚至可以拍得住貴價火鍋店，但食材新鮮，白饍、牛小排同去皮雞脾肉好正。可能俾人感覺性價比唔高，每次去都冇乜人，但呢個二人火鍋餐真係抵食的，真心推介。因為店內真係唔多客，服務好好，店員會主動睇睇客人需唔需要添加鴨血同鹵豆腐，鴨血又大件又滑，超好味，小朋友去食都啱，小辣其實唔算辣，只係少少惹味嘅感覺。
繼續閱讀