24
11
14
港鐵尖沙咀/尖東站 N3 出口, 步行約2分鐘
繼續閱讀
營業時間
星期一至六
12:00 - 15:00
17:30 - 22:00
星期日
全日休息
以上資料只供參考, 請與餐廳確認詳情
食家推介
相關文章
已經差唔多試哂香港拉麵既我，無論雞湯、豬骨湯、醬油湯、鹽味湯都鍾意，未去到旅行時都可以係香港搵到接近日本味道既拉麵，今次介紹既係算係香港第二主流既雞白湯拉麵，呢家唔再係豬骨湯盛行，開始有好多過江龍、甚至係本地既雞白湯拉麵店。麵屋武係一間來自日本東京新橋既過江龍拉麵店，香港店係2019年開業，係日本國內擁有12間店，海外亦都有10間分店，店舖主打濃厚雞白湯拉麵，香港分店仲有限定既蔬菜拉麵同低糖質蒟蒻麵，食素既朋友都可以食到美味健康既拉麵。呢度既雞白湯底都係係日本入口，同雞肉丸同雞髀肉叉燒一樣，所以可以食到原汁原味品日式風味同啖啖雞肉鮮味。麵屋武一仲有提供迷你鰻魚丼、章魚燒、煎餃子等小食選擇，尖沙咀係一個唔錯既選擇。每次我食過江龍拉麵都會睇下日本本店既評價，日本最多人用、參考價值高既就係TABELOG，高過3.5分既餐廳已經係好好食，4分可能係日本最好食或者係米芝蓮級數，所以當我睇到呢間拉麵有3.72分，而且係同區第三名，就非常期待。香港分店係尖沙咀棉登徑，係K11附近，近地鐵站，所以好方便去到。店鋪唔算大，疲情前去人流都有，近排去人流就無。店舖裝修好有日式居酒屋風格。一個人去個時店員唔會比四人位你坐，只可以坐兩人位，大枱留比多人，雖然當時舖內一個人都無。拉麵既餐牌得一張，以雞白湯底為主既有四款濃口味選擇，分別係醬油丶鹽味丶味噌同辣味噌，另外係比較清既雞湯有醬油同鹽味，可以跟套餐有炸雞、啤酒，除左可以加配料，呢度有香港限定既低糖質蒟蒻麵。另外一張MENU有唔同既日式前菜、串燒、炸物、飯類，另一頁係唔同既飲品，好似麥茶、梳打、汽水、啤酒、日本酒。-1️⃣ 濃厚醬油拉麵 💰88（👅: 8/10）特製配菜 +💰30呢個濃厚醬油拉麵係佢地既人氣招牌拉麵，試到招牌既雞白湯加上醬油，拉麵份量唔算多，配料有蔥、洋蔥、紫菜、一粒小肉丸同兩片雞肉叉燒，如果加溏心蛋要加$12，如果加特製配菜會多一塊紫菜、雞肉叉燒、兩粒免治雞肉丸同溏心蛋。湯底用醬油同雞湯混合而成，當中既雞湯係用濃度達10度既新鮮雞隻熬製13個鐘，再加上雞骨、洋蔥、蒜頭、昆布等材料係日本熬煮成，再直運到港，保証原汁原味，湯頭呈奶白色，飲落夠濃厚，入口順滑，質地唔係濃稠個種，雞味鮮甜，同時間滲出淡淡醬油香醇味，醬油味唔會蓋過雞湯既鮮味，層次豐富，整體味道偏鹹小小，不過可接受。至於麵係選用日本小麥製成嘅直麵，係類似九州既白細直麵，即係大家係一蘭食到個種，都係我最鍾意既麵質，雖然麵條夠幼，不過唔會煮到過腍，咬落爽口有彈性，軟硬適中，掛湯能力正常，配合呢種偏重味少少嘅雞湯就啱晒。雞肉丸同雞肉叉燒都係日本直送，雞肉丸咬落肉質較鬆散，同豬肉丸既質感唔同，會食到淡淡既雞味。而雞肉叉燒有兩塊，係以雞腿肉製成既低溫炆煮叉燒，食落唔算鞋，幼軟不過未算好嫩滑，食到陣陣雞味，食落冇雪藏味，叉燒味道同拉麵本身幾夾。溏心蛋應該係最出色既配料，食落醬油味好香，夠入味，中間蛋黃生熟程度岩岩，夠流心。整體拉麵份量唔算大，大食既人會食唔飽。-🌟食物質數黎講算唔錯，未到好驚喜既雞白湯，但香港可以食到雞白湯加醬油呢個配搭，確實得呢度先有。服務就正常，不過就唔可以好隨心坐邊就坐邊。湯既質地無泓一個種濃稠，唔係鳥華亭好多雞油個種，都唔係好CREAMY打成泡既座銀/金鶴，都唔係FUSION既NOJO，係好正路既雞白湯醬油湯，雞味唔係最重不過如果鍾意醬油既你可以一試，食落未算感受到Tabelog3.72分既好食程度，但算係我會ENCORE既拉麵店，係我既總香港拉麵榜TOP10。以下係我齋輪味道方面，香港嘅雞白湯排名:1. 泓一拉麵2. 鳥華亭3. 座銀/金鶴4. 麺屋武一5. NOJO6. 立體派-👅味道: 8/10🍴環境: 7/10💰消費: $118 (服務費: 10%)
繼續閱讀
大伏，叫左碗東京醬油拉麵碗野計埋加一，接近一舊水🥲難食，味咸，份量極少五啖左右就食完男仔一定唔夠飽冇野飲包，得水都可以體諒間鋪細，d位太逼都可體諒但難食，Staff態度又有問題🤨食一蘭好過
繼續閱讀
平日lunch time 高峰時間餐廳都無客, 果然真係中伏。醬油拉麵($75 另加一）份量比一般鋪頭細，女仔都不太夠食，男人應該食完要另外3點3食tea先夠。拉麵味道吾係一般，而係非常難食，鹹到似吞鹽水，每一啖都要飲水先食得，都幾誇張。估唔到尖沙咀裝修日式既拉麵店會咁差。仲要加一，呢個價錢附近任何一間餐廳質素都好佢成條街啦。非常不建議。建議見到要倒頭走。服務方面，其實無服務可言，一般茶餐廳啊姐姐服務，無特別。
繼續閱讀
拉麵控又帶我食拉麵🍜🍜唔係第一次食白雞湯，但係第一次來麵屋武一。呢度以雞白湯底為主，有四款濃厚口味俾你揀：分別係醬油丶鹽味丶味噌同埋辣味噌。為咗要試真D個🐔白湯，又唔希望太咸太重口味，所以點了醬油。愛辣的當然點了辣味噌🌶 另外見到有個combo, 有炸🐔 + 芥辣八爪魚，包兩杯沖繩🍺。我因為唔飲啤酒所以轉了Highball 🍻個麵份量不算多，配料只有蔥，洋蔥，紫菜，一粒小肉丸和兩片雞肉，溏心蛋要另加$12. 拉麵條係我鐘意果種，幼身有咬口的😃 湯底滑滑有雞味而且不咸，有驚喜😁👍🏻辣果邊就竟然食到出晒汗，話一大匙唐辛粉真係夠辣。不過就把雞味全蓋過了😢 想專心嘆個雞白湯的要考慮下。Beer Combo $108 係包沖繩啤Orion 其實等於送份炸雞件和八爪魚俾你伴酒，都幾好食😋 炸雞個炸粉唔係硬身的，所以感覺無咁熱氣。棉登徑依家好似變咗條日本街，好多日本食店。下次又有藉口再來了🤓
繼續閱讀
之前來開附近都會食一蘭，今日想食拉麵又肚餓，一於行去另一頭搵下有邊間唔使等位。雖然去到都要等一張枱，但都算好快。舖頭唔大，但每張枱之間至少唔會太迫。講食物先，拉麵都算幾抵，八十幾蚊份量都足夠。麵質夠晒爽口，叉燒啱啱好半肥瘦，溏心蛋一咬就流晒出來，正柚子梳打飲落幾fresh，又唔會太甜，都好好飲啊﹗朋友要左咖喱薯餅，食落咖喱味好重，不過我嫌太淋，都係鍾意一般薯餅多d整體來講，拉麵不錯，喺尖咀絕對抵食，唔想喺一蘭等位都可以過來試下仲有好多唔同來自日本的樽裝飲品，見到靚靚包裝特別想試p.s.員工態度都好好，過程中有詢問我哋想唔想轉台，方便畀後面3人入座，當問到轉位嗰度會唔會對正風位，佢都好老實答有一邊會吹住，仲話唔緊要，留返原位都冇問題，令我哋感覺都好好。
繼續閱讀