59
2
3
| 餐廳: | 豐生水起 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
開飯介紹
位於大埔的高級火鍋店，由香港星級名廚陳國強打理，以原湯養生功夫火鍋為主題，火鍋用料上盛。其中，黃湯鴛鴦花膠雞鍋更是人氣之選。
繼續閱讀
附加資料
中菜名廚陳國強在大埔開的火鍋中菜館，早巿供應點、燉湯、小菜套餐，晚巿供應小菜、火鍋，餐廳以真材實料靚湯作主題,所有出品優質、美味、物超所值！
營業時間
今日營業
10:00 - 15:00
17:30 - 23:30
星期一至五
11:30 - 23:30
星期六至日
10:00 - 15:00
17:30 - 23:30
公眾假期
10:00 - 15:00
17:30 - 23:30
以上資料只供參考, 請與餐廳確認詳情
-
網上訂座服務暫停
食家推介
相關文章
天氣炎熱但無損打邊爐嘅意欲，放工約埋朋友圍爐吹水，可能真係外面太熱，去到餐廳未有太多客。呢度出名食火鍋，但都見佢有小菜供應，見到隔離枱叫了咕嚕肉，好靚，好大碟，本想都叫但朋友話怕太飽，話下次先再試小菜。必叫呢度嘅花膠雞湯，湯底超濃厚，飲晒個湯食埋花膠同雞，再加湯打邊爐，出品高質，新鮮，少有嘅高質素火鍋，地方乾淨光猛，舒適，可以再去！有朋友不吃牛，店家體貼地用兩格鍋上花膠湯底，大家都食得開心。食飽埋單時，原來仲有雪糕送，打完邊爐，再涼一涼，甜一甜，大滿足！
繼續閱讀
☀☔全港籠罩住一股打風暴雨的氣氛, 心情也跟天氣ㄧ樣。 👩突然接到朋友來電, 相約到大埔太和豐生水起火鍋, 多次幫襯都ㄧ級棒, 好想再食,於是ㄧ口答應。 食左消暑冬瓜盅, 味道清香, 消氣即散。 朋友係餃餃個friend, 試左招牌鮮蝦雲吞、韭菜餃、魚皮蛟, 新鮮入味。 當然少不了新鮮蔬菜及檸檬薏米水, 真係夏日的必order的。食完餐美味火鍋, 煩悶心情一掃而空 💓, 非常療癒。 朋友冇選錯火鍋店, 美味食材相伴𣈱所欲言, 一樂也。😊😊❤❤👩👩
繼續閱讀
叫左個北海道牛乳海鮮湯底，d料同餐牌張圖差極遠。我同朋友差唔多食晒湯底料，湯底接近煲乾，都無野上枱，唔明出碟菜同肉有幾難。侍應有好幾個，但係成晚都好似叫唔郁。一句講晒唔會有下次。
繼續閱讀
一家人去食晚飯，叫咗好多嘢食，6個大人，四女兩男，食咗$2700，其實都真係好多。但食完全晚大家都係想罵佢，講真，$450/人，我去食日本餐會滿足啲。我哋有叫小菜有打邊爐。首先講服務，係好勤力，但啲嘢做錯哂我哋坐近廚菜出菜位，佢一張圓枱無轉盤，上親菜都喺同一個位明明佢哋有車仔，叫佢哋將啲邊爐嘢放車仔，個阿姐就淨係識得張啲嘢放上菜位，真係諗住我哋碟碟傳黎食？食西餐呀？我哋係咁自己推入去中間，推到唔夠位，叫佢放車仔，叫一次先放一次，第二碟再上又放返同一個位，根本張枱就唔夠位。叫咗個菠蘿咕嚕肉，食咗一半叫佢轉細碟，叫咗三次都係應完就算。到叫到佢轉，佢又留埋個菠蘿殼喺隻碟到，佢真係覺得張枱咁大，有咁需要留個菠蘿殼比我哋送飯？打邊爐叫佢加水又係，叫幾次都係應完就算，啲味精湯好貴咩？我哋全晚都係加一次啫。我哋打邊爐有生嘢，有隻匙羹放咗喺碟生豬肉到，個侍應唔知做乜走過嚟執嘢，張放喺生肉嘅匙羹放喺我哋碟蒸魚到，之後我哋無人再食嗰碟魚，仲有大半碟剩。都唔知佢咩事，生熟分開佢係咪唔識呀？個匙羹放喺生豬肉到好明顯唔係唔小心放錯啦，就算係，你都唔係放落啲熟嘢到呀？之後講嘢食。叫咗碟蒸斑同蒸鱔，先講斑，唔新鮮，無乜魚味，魚肉唔彈牙，魚肉、蒜頭、豉油，三個味完全分開，個碟底勁重油⋯唔知咩事。蒸鱔個豉汁ok，唔腥，正常合格。但個鱔啲肉唔係彈牙嗰隻，係散嗰隻😢咕嚕肉雖然係好脆，但係佢個皮都好厚，仲吸哂啲油，一陣油味。我基本上都咬走咗啲皮，食咗舊肉就算。蟲草花蒸雞，個獻汁包實哂啲雞，食落口漿實哂，又係一舊放棄。蝦乾勝瓜啲蝦有沙嘅，食咗少少就唔想食佢啲蝦乾⋯火焰砵酒蒸蠔仲戇居，唔知咩事個蠔要炸咗再蒸，蒸出嚟一pat粉漿黐住啲蠔肉，完全搞唔掂。仲要無味，得少少酒味，無咸甜，唔知佢想我哋食啲乜😰個事頭婆出嚟點火，仲要差啲燒着佢個茶壺😮💨玩唔慣就唔好玩呢啲嘢啦，我哋坐喺隔離覺得好恐怖😮💨佢點火之前完全冇諗住拎開側邊啲嘢，我哋都忍唔住出手幫佢搬開咗啲菜，估唔到佢燒着自己個茶壺。雞手鴨腳咁，火又點極唔着，總之就嚇親人。叫咗胡椒豬肚湯，個湯完全冇胡椒豬肚味，普通味精湯⋯食咗一件豬肚，又係冇豬肚味，不過都估到，啲材料有味，個湯就唔會咁嘅味啦。手切肥牛真係好肥，一大舊肥膏嗰隻，肉得三分一左右。豬肉就正常啲，但兩碟肉都係細碟。陳皮牛丸唔知咩事，啲牛肉蘇到喊，我咬完即刻放返低，之後無人敢食。墨丸唔彈牙，唔知佢係咩墨丸⋯其他蔬菜類嘅生嘢係正常嘅，呢啲都好難錯嘅。總結，$2700幾食啲咁嘅嘢，我就真係唔會返轉頭，今次當比人呃，絕對無下次。
繼續閱讀
去大埔探朋友, 順便揾食……找到間養生鍋火煱, 試下先火煱店成巷成市, 發現這間有多款湯底, 見食材好認真。店家端上鍋子上桌, 提醒大家要先飲湯! 我哋試海鮮鍋, 牛奶嘅白色, 配有新鮮肥美嘅蝦和蜆, 味道非常鮮甜, 飲落好舒服, 要一而再, 再而三, 再添飲 😆一試難忘我哋食量不多, 就分別另試蔬菜拼盤, 牛肉, 墨丸和魚丸, 冰豆腐……好開心蔬菜盤有車厘茄, 加埋南瓜, 還有鍋中的粟米, 幾款顏色, 見到都靚! 粟米和蕃茄特別鮮甜, 食出食材有挑選過。南瓜要淥多陣先淋身, 但就常忘記撈起, 結果溶在湯中墨丸係有墨魚味道, 彈牙。魚丸不是平常的, 感覺到魚肉比例多, 所以食出原食物嘅真味道。好味最後試了期間限定赤玉帶子, 帶淺橙紅色, 據說多礦物, 非常鮮甜, 帶乾瑤柱嘅鮮味, 但帶子嘅質地易咬開, 值得一試, 食唔停口本來都已飽, 見湯底咁甜, 就忍唔住叫了烏冬, 吸收晒湯底嘅精華, 好好味飯後傾下偈，又口痕試了邪惡炸魚皮和鮮魷。無特別期望, 點知試出師傅功夫, 魚皮表面不油, 乾身, 香口, 送酒一流。鮮魷炸漿不會厚, 連食材貼實一起, 無甩出來, 又係不會成口油……又食又傾又飲, 渡過一個愉快滿足嘅晚上原來間間火煱店貌似一樣, 但真係可以有大分別。。。現在都多靚食材靚牛靚海鮮可買回家自己打邊爐, 咁出街食梗係揀啲自己無辦法在家準備到嘅嘢食, 好彩揀啱咗整體環境/服務/食材/味道令整餐晚餐感覺非常良好……回家路上仍記住嗰啖清甜嘅湯嘅味道, 飲完一路完全無口渴感覺, 感到真係原食材煮出來嘅真材實料湯底。下次去開探朋友要encore試第二款先
繼續閱讀