影片
港鐵灣仔站 A1 出口, 步行約7分鐘
繼續閱讀
電話號碼
37021797
營業時間
星期一至日
17:30 - 00:00
公眾假期
17:30 - 00:00
公眾假期前夕
17:30 - 00:00
以上資料只供參考, 請與餐廳確認詳情
相關文章
友人帶左我去到灣仔呢間到食火鍋，其實之前從來都唔知有間火鍋嘅係呢個位，佢講到好勁咁，入面有個鍋好正，咁就一定要試試佢啦！電梯落到去，佢都算係個種幾高檔次嘅中菜廳，而唔係一般酒樓feel，而入面仲有卡位，咁岩我地坐左係入面最後一張卡位！服務同環境都唔錯！主角到啦，呢個真係必叫，花膠雞煲，半隻雞加上幾塊完整花膠，塊塊都有手咁大，有三至四塊左右，都幾正！上到黎就當然再比佢煮多陣先，花膠當然係膠先好食啦！呢個花膠絕對無令我失望，個隻膠膠味係口到好鮮味好正，鮮味真係好重！啲雞湯都好濃味，雞味好重，成個湯又湯又甜，加埋半隻雞，雞肉都唔會覺得好老，因為燉湯嘅雞一般都會老啲，佢老得黎都ok，接受到！食完呢個鍋已飽左4成！再加湯打個邊爐啦！但啲料係比一般市面火鍋要貴啲，味道都還好，但都勝在夠新鮮！幾推介大家去食呢個鍋！
繼續閱讀
御龍軒開左一排，聽左幾次湯底幾正，所以一試！門面簡單時尚隨左火鍋仲有燒肉可點兩個人打邊爐真係叫唔到幾多野，所以揀個靚湯底，叫份有質素既肉就夠叫左金湯花膠煲雞湯底半隻大雞，有不少雞腳，瘦肉同四隻原隻大花膠湯質地半厚身，未係好有膠質，但算濃郁。略略偏鹹。另外叫左一碟安格斯肥牛肉質好好，油脂分佈有如雪花，當然唔可以同和牛比，但已經係肥牛入面算好唔錯，油脂同肉味平衡，互相帶出其優點，令每塊牛都有油香肉香，口感保持嫩、滑、彈牙！熟既牛都唔會話縮埋一小塊，全憑油脂分佈平均！最後加左手打烏冬同稻庭麵，兩者我覺得後者更配合湯汁，烏冬都彈牙，但冇稻庭麵咁可以沾上湯汁，而且同牛味更相得益彰。ps 要收取醬油費，每人20，另有茶芥同小食費及加一ps 2 環境有少少熱鬧，難d傾計；可能店太忙，店員服務態度唔太好
繼續閱讀
踏入十二月，天氣明顯轉涼了。在冷冷的空氣下，特別想吃一些熱騰騰的美食。近年大行其道的海鮮蒸氣火鍋，是入冬暖身的好選擇。吃蒸鍋，食材質素和新鮮程度是最重要的，其次則是食物配搭的創意和價錢。最近來到「御龍軒」，他們的海鮮蒸氣火鍋是近期試過而又最值得推介的。餐廳位於灣仔告士打道安盛大廈地庫，屬於灣仔區中旺中帶靜的地段。不過這裡的晚市蠻旺場，七點後幾乎全場爆滿。餐牌的選擇豐富，由平民食材到時價海斑、九孔鮑、長腳蟹，樣樣齊。不過自選「海鮮蒸氣火鍋」套餐由選擇到價錢都相當吸引。每位 HK$350 另收加一，所以省卻很多點菜的功夫。一人一份套餐，再另點食材，就已經非常豐盛了。蒸氣火鍋採用兩層式鍋具，上層用作清蒸海鮮，下層則用作傳統火鍋。提供九款醬料，由客人自行組合「心水混醬」。一）蒸氣海鮮套餐可分為四個部分，最先上桌的是海鮮類。服務員會為客人蒸煮各種海鮮，不過自己親手下廚也非常簡單。因為餐牌上已寫明建議蒸煮的時間，根據指示設定好鬧鐘，美味的新鮮海鮮盛宴就誕生了！海鮮這種食材，新鮮是最重要的。這盤上的海中蝦，就必定新鮮了。因為 …… 他還在手舞足蹈地掙扎。但最後還是逃不過命運，成為我們肚子中的養份。味道鮮甜，肉質飽滿而有彈性，這些特點是游水蝦的誘人之處。除了蝦之外，其他海鮮的水準亦令人滿意。像鮑魚和大元貝的份量都不輕，元貝尤其鮮甜。貴妃蚌也值得一試。不過，我們覺得最出眾的是花甲。一向很愛吃花甲，喜歡他們的甜味突出、嫩滑而帶嚼勁，簡簡單單調味已很美味。而今晚吃到的，嫩滑度更是喜出望外。二）肉蟹、奄仔、龍蝦仔三選一套餐的其中一個賣點，是可以從魚蟹、奄仔、龍蝦仔中三選一。而我們的選擇是蟹 —— 上桌時已斬件，蒸完後可以很方便食用。肉質不少，有膏，味道幾甜。整體不錯。不過，這隻蟹還有很重要的任務。因為蟹膏等部分在蒸煮的過程中，會成為之後火鍋湯底和湯飯的元素！三）海鮮湯底火鍋吃完海鮮，服務員會移走上層鍋具，讓客人打邊爐。這時候，下層的湯底早就吸收了之前海鮮的精華，成為海鮮湯底。各種食材當中，特別推介優質的肥牛和手打丸。脆脘片也值得一吃，另外有一籃蔬菜盤。四）貴妃鴛鴦飯一般蒸鍋的壓軸環節，通常都是海鮮粥。不過這裡有另類創意 —— 貴妃鴛鴦飯，到底是甚麼東東？看著服務員送上一碟花生雜菜絲、白飯和脆米，我們起初也一頭霧水。一問之下，原來是這樣吃的：把花生雜菜絲和白飯，放到湯裡稍稍煮一下。把溫熱的湯飯，放在碗子裡。加入脆米，趁它還未軟化之前立即進食。味道，絕對有驚喜。湯底有濃厚的蟹香和蟹膏的豐郁味道。軟軟的白飯和脆米，造成一軟一脆的獨特口感。加上其他配料，味道更加豐富，充滿驚喜！絕對要留肚吃這個。整個套餐的內容豐富、質素有水準，而且可以自選喜歡食材，價格也十分公道。不論是兩個人撐枱腳，還是一班朋友聚會，這個套餐都很適合。如果大家喜歡吃蒸海鮮，值得一試。
繼續閱讀
天氣凍冰冰，最好同三五知己一齊打邊爐🍲。今次去咗灣仔嘅御龍軒，佢哋剛剛推出左一個海鮮蒸氣火鍋套餐📔，有好多不同海鮮俾你選擇，例如肉蟹🦀、象拔蚌、鮑魚、花甲🐚、大元貝等⋯啲海鮮好新鮮，全部即撈即劏。另外，仲有好多平時既火鍋配料俾你揀，加埋時令菜盤🥗，同埋鴛鴦撈飯，每人都只係＄350(另加一收費)。▫️食法：個火鍋蒸籠有兩層，首先會用蒸籠蒸熟晒你揀嘅海鮮，等啲海鮮精華流落個火鍋湯底😋，然後將選擇好嘅火鍋配料煮熟。食晒啲火鍋配料之後，將熟既米飯🍚加入火鍋湯到煮，最後配上炸米通就完成啦。▫️順帶一提，其實個火鍋湯唔會太肥，因為餐廳嚴選火鍋配料，啲食物唔會太肥膩🤔，所以可以放心食個火鍋湯鴛鴦飯。
繼續閱讀
一直都有幫襯開御龍軒，近期佢地推出左外賣服務，仲要俾按金就可以送埋個爐同個煲過黎，真係方便到無朋友。前幾日成班朋友突然話打邊爐，又無人肯去買嘢，所以就試下御龍軒個外賣火鍋！落完單之後大約一個鐘左右就送到👍🏻仲要包埋碗筷，醬料免費供應，免加一免茶芥 仲要可以慢慢打住機hea住食，真係抵過堂食食嘢除左味道，視覺真係都好重要，諗唔到外賣火鍋都可以咁靚仔哇！ 全部食物都整整齊齊，超級新鮮海蝦，野生竹笙，棉花魚肚，白鱔片，手切牛，手切牛頸，黑松露墨魚滑，黑松露餃，花甲，脆炸嚮鈴，黑豚肉，桂花蚌，鮮鵝腸，鮮粉腸，冬瓜件，皇帝菜，西洋菜，桶蠔乜乜乜醬料都絶對唔孤寒我地當目14人，叫左2個湯底，有辣有唔辣，任均選擇麻辣大內鍋，同堂食一樣出色，香味十足，一上鍋簡直不得了跟住再黎個女士恩物，花膠燉雞鍋，依個鍋係靚仔老闆誠意推介，老闆話個湯底每日燉出黎無味精，又足料，又好味，飲完湯食完料先再加清湯打邊爐，所以我地每次都會叫依個湯底，估唔到外賣都完全無失場，保持水準，真係自己响屋企整都要依個價啲花膠真係大大隻，膠質重，唔係流料黎㗎❣️個鮑片又係不得不提，雖然開好左加埋外賣時間，但仍然保持到爽口感覺同埋食落依然鮮味十足😋黑松露墨魚滑，一睇就知好彈牙呀，唔知係咪鮮打關係，食落都仲係非常彈牙，唔會散晒好粉嘅感覺，黑松露味仲要好重，睇下啲點點😀真係好多黑松露㗎掛住食都無影到好多相，連我至愛嘅必食黑松露餃都唔記得幫佢留倩影！不過唔緊要一定有下次，下次再影過開飯最緊要，我地唔客氣喇
繼續閱讀