44
16
0
港鐵荃灣西站 D 出口, 步行約6分鐘
繼續閱讀
營業時間
*Last order: 20:30
星期一至日
12:00 - 21:00
公眾假期
12:00 - 21:00
以上資料只供參考, 請與餐廳確認詳情
相關文章
最近開始嘗試食素，今日去咗GREEN Common，試咗佢哋嘅未來黑椒漢堡同樂樂雞，估唔到竟然咁好食！未來黑椒漢堡第一啖咬落去，真係有驚喜！個漢堡扒好Juicy，完全唔覺得自己食緊素肉。個黑椒醬汁都好惹味，令到成個漢堡更加好食。我個人覺得佢比其他快餐店嘅漢堡更加美味。樂樂雞我仲叫咗樂樂雞嚟食。樂樂雞嘅口感同麥當勞嘅麥樂雞真係好相似，食落去好有童年回憶。樂樂雞嘅口感同味道都同麥當勞嘅麥樂雞好似樣，有8-9成像。我個人比較鍾意樂樂雞，因為佢食落去比較有肉感。
繼續閱讀
素食餐廳愈來愈多，而且愈來愈好食。佢哋嘅菜式真係令我喜出望外！呢個芝士焗豬扒飯用咗新出嘅 Omnipork，口感同味道都非常似真嘅豬扒，而且仲多咗蛋白質，少咗脂肪。芝士醬濃郁香滑，配埋紅米飯，真係好正！我平時都鍾意飲奶茶，但係一直都擔心奶茶嘅脂肪含量太高。Green Common 嘅燕麥奶奶茶用咗燕麥奶代替牛奶，脂肪含量低咗好多，而且味道仲更加香濃。呢個新肌肉能量碗真係超大碗，有藜麥、Omnipork 午餐肉、牛油果、紅腰豆、花生醬、羽衣甘藍等等，營養豐富，味道又好夾。吉列脆魚手指係我最鍾意嘅小食之一。Green Common 嘅吉列脆魚手指外層炸得好脆，內裡嘅魚肉鮮嫩多汁，真係好好食！
繼續閱讀
其實幾好食，唔明白點解執淨呢間分店我地叫左素香腸番茄意粉同埋焗素豬扒飯，兩樣都係番茄系列😂😂香腸嘅仿真度幾高喎！仲好食過真腸🫢同埋2種醬汁都好香濃，好掛意粉！
繼續閱讀
從網上得知純素餐廳Green Common最近再推出新餐單，有港人至愛的All Day Breakfast，於是帶同媽咪去素一素==========🔹無花果沙律配黑醋橄欖油 $78輕盈清新，沙律菜新鮮爽甜配以香甜無花果，同時加入香脆腰果碎及鮮甜車厘茄， 配以酸甜黑醋，夠開胃推介指數：8.5/10==========🔹雙色凍豆腐 $32配以日式芝麻醬及川味新豬肉麻辣紅油汁芝麻醬清新易入口，麻辣汁辣度適中；豆腐軟滑帶豆香推介指數：8.5/10==========🔹新吞拿牛油果他他 $58配以玉米脆片，擺盤精緻新吞拿魚細滑帶點魚香，配及Creamy牛油果，非常滋味；玉米片輕怡脆口推介指數：8.5/10==========🔹All Day Breakfast $118OMNI新餐肉2.0、黃金脆薯餅、新鮮牛油果、原隻大啡菇、串串車厘茄、茄汁焗豆、沙律菜及法包新餐肉減鹽後味道剛好，口感緊實；牛油果同樣軟滑Creamy，啡菇菇香濃郁；車厘茄大顆香甜推介指數：8/10==========🔹石鍋雞樅菌雜菜 $72配以健康藜麥飯加入珍貴雞樅菌，配合冬菇、西蘭花、胡蘿蔔、秋葵及燈籠椒等雞樅菌爽嫩清甜，其他配料皆新鮮入味；醬汁加入微辣薑汁，集甜酸辣於一身，味道層次豐富藜麥飯輕軟帶點嚼頭，加點醬汁可以多吃幾口推介指數：8.5/10==========🔹有營牛油果燕麥奶昔 $48容量充足，加入少量脆脆增加口感牛油果奶昔輕甜飲到淡淡燕麥香，軟滑細緻推介指數：8.5/10==========🔹日式焙茶燕麥奶 (熱) $39焙茶香濃郁帶點回甘，配以清香燕麥奶毫無違和感，甜度不高推介指數：8.5/10
繼續閱讀
Green Common 呢排 sell 緊新餐肉 2.0 配方，又有好多新菜式推出，令真漢子急不及待想去試下。🤤🐎睇餐牌先知「細素港式情懷」停咗，不過我一向覺得呢個系列價錢太貴唔係好抵食，sorry。😅今次叫咗：🍔 新牛肉漢堡 Plus $88Plus 版分別係加咗 daiya 純素車打芝士同牛油果，唔 plus 就賣 $68。之前見 Green Common IG 話出咗隻新嘅牛肉漢堡扒，但睇返啲相又唔似餐廳供應果塊。Anyway 牛肉味好濃又唔算好乾，加埋厚切新鮮番茄同牛油果，大大個漢堡包可以兩份 share，都算抵食嘅。醬汁係普通茄汁嚟，塊芝士就不過不失啦。🧀🍙 新餐肉芝心飯糰 $68真心講，睇餐牌覺得有點 hea，純粹見佢荃灣分店限定所以叫，但原來超好食喎。飯糰個面煎到脆脆哋，極似失傳已久嘅煎糯米雞（唔知道係點嘅可以請教吓爺爺嫲嫲 🤣），啲飯又煙煙韌韌好似食緊粽咁。個新餐肉完全唔咸，同埋竟然進化到有少少彈牙，估佢唔到。😬🦷🍓 草莓燕麥奶綿綿茶 $49可選無糖，半糖，或走奶蓋。好香燕麥奶味，唔太甜，啱哂女士們飲。🌾話時話個新餐肉飯糰好似唔太複雜，應該可以買啲新餐肉自己返屋企整。不過由一個唔識煮嘢嘅人講出嚟係咪毫無說服力呢？😂😭
繼續閱讀