425
11
2
港鐵尖沙咀/尖東站 B1 出口, 步行約3分鐘
繼續閱讀
電話號碼
23673838
開飯介紹
親民價的日式燒肉店，主打九州產的黑毛和牛，油香十足且有不同部位，可單點或加配成豐富的套餐。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
食家推介
相關文章
成日約會都會去尖沙咀行街覓食👫 加連威老道呢邊d嘢食好似多到食極都食唔曬咁😂 今次黎左食日式燒肉😋 覺得暫時呢個燒肉係我食過最滿意的~~ 食得好滿足😭 不論係肉質定係環境，而且性價比好高👍 完全符合到呢三點✅·🌟805黑毛和牛盛🐂 $323 (連白飯)！！！推推推！！全部都係黑毛和牛😭♥️ 呢個set包大判燒黑毛和牛肩胛肉😱😱超大一塊！油脂極豐富～好似食sukiyaki咁 最後點埋溫泉蛋👍🏻另外仲有黑毛和牛小排！全部都好juicy🥵🥵油香爆發🤗🤗·🌟牛舌盛👅 $136 (連冷麵)牛舌份量超多，而且又大塊😋 薄切爽口，牛味非常濃!! 兩種口味都好鍾意、熱辣辣既燒肉配埋冷麵酸酸甜甜特別開胃 一絕😍🏆·🌟辛辣味增牛腸🐂 68好掛住日本食既牛腸鍋😭❤️ 見到即刻點左黎食😋 牛腸爽口彈牙，油香爆發但完全唔會膩！個醬甜甜辣辣，真係好好食！！💯·🤍黑毛豚無骨小排 68可能和牛太驚艷～食呢款反而有d遜色🥱·🤍泡菜牛肉湯 58最近天氣凍，熱辣辣飲👍 甜甜辣辣，牛肉份量多👍 配埋白飯真係一流😍 不過我想食燒肉多d 嘿嘿♥️·🌟紫菜飯 38 紫菜飯是燒肉必備的🔥 👦🏻食完冷麵都比我叫佢食多碗紫菜飯😏 流心蛋+紫菜+珍珠米 同埋 燒肉 簡直就係perfect comboooooo～·人均：$350·評分🪄 (滿分5🍑)味道：🍑🍑🍑🍑🍑環境：🍑🍑🍑🍑🍑性價比：🍑🍑🍑🍑服務態度：🍑🍑🍑🍑🍑回頭率：🍑🍑🍑🍑🍑·📍 燒肉801 (尖沙咀)尖沙咀加連威老道14號地舖🚇尖沙咀B1出口步行3分鐘
繼續閱讀
尖沙咀「燒肉801」從外而內都以鮮紅色做主調, 非常搶眼吸晴, 加深了我對呢間燒肉店嘅印象。今晚放工行經撞正唔洗等位, 就同同事入去食返餐。餐廳設大部份卡位, 坐得舒服。除咗抽氣做得唔錯, 完全無油煙感, 冷氣亦相當充足。呢度主打日式燒肉, 有牛嘅不同種類部位、九州雞肉、海鮮等…設定了好幾款盛合選擇, 加錢可以轉set加配飯/冷麵/生菜。【801盛 (Single)】HK$198大判燒!黑毛和牛肩胛肉:來自九州嘅黑毛和牛, 雪花牛脂分佈均勻, 烤後滲出少量牛脂, 肉質超嫩滑, 沾上温泉蛋蛋汁食, 嫩滑口感double up! 超推介!!腿前牛小排: 牛小排帶dd厚度, 肉味濃郁香甜, 肉質比預期林。蔥鹽雞腿肉:雞腿肉嫩滑冇雪味, 配搭香蔥食, 極為香口美味, 一試愛上!另外加咗HK$38升級套餐追加冷麵,爽滑冷麵, 吸咗少少酸尾尾湯汁, 岩哂邊食燒肉, 清新解膩。【神聖 (Single)】HK$168一次過食到牛嘅三個不同部位, 加咗燒汁, 係烤嘅過程中滲入, 令味道更提升。特上牛胸腹肉、腹前牛小排 口感味道都差不多: 肉質結實, 油脂分佈平均但唔算多, 口感軟嫩帶少少嚼勁。牛板腱肉: 薄切令口感嫩滑, 盡吸鹹甜燒汁, 非常惹味。【極上厚切牛胸腹柳】HK$138厚切牛胸腹柳每邊界開成網紋, 有助均勻受熱, 肉質有如豬潤般軟腍, 燒汁醃得入味, 甜甜地又不失肉香。
繼續閱讀
知道有呢間餐廳好內，開鋪初期成日大排長龍，今日襯平日，六點鐘就早早過黎食晚餐😆餐廳主打日式燒肉，有不同種類的牛部位，九州雞肉，海鮮，另外有坊間少見的肉臟，種類都幾多。每張枱都有一個燒烤爐同抽煙系統，雖然吾係所有煙都吸得盡，但室內只係有好少的油煙味，環境都不錯。Menu 有好幾款盛合選擇，加錢可以轉set, 有飯，冷麵或者生菜。Double 801盛 (300g) $388生菜set 加$25 大判燒!黑毛和牛肩胛肉😍呢個係餐廳名物，黎至九州的黑毛和牛，雪花分布幾均勻，燒完之後牛脂味豐富，配埋温泉蛋一齊食，口感更滑😋腹前牛小扒有6片，厚薄適中。每邊燒一陣就食得，呢款肉味更濃，配埋生菜，泡菜同辣醬食，清新減膩😆葱鹽味雞腿肉香葱係另外上，可以後期加落去，或者燒烤時一拚燒埋。九州雞腿肉質彈牙，好好食😍不過比較難燒，幾容易痴網。極上厚切牛胸腹柳$138上枱賣相好靚，牛柳捲成一舊，兩邊都𠝹開左幾刀，幫助均勻受熱。呢款肉肉質軟腍，燒汁腌料幾入味👍🏻果然係餐廳名物！涼拌三點盛$58份量幾多都幾大堆頭🤣最鍾意芝麻菠菜，咸咸香香，解膩一流👍🏻總括嚟講，呢個價錢可以食到九州黑毛和牛，真係性價比之選😍
繼續閱讀
朋友喜歡吃日式燒肉，今日同佢去燒肉801吃燒肉慶祝她生日。午市好抵食，選擇多，用合理價錢可以享受到美味的燒肉，午市送味噌湯和白飯。803神盛可以一次試哂特上牛胸腹肉，牛板腱肉和腹前牛小排。三款都好食，有牛肉味，值得試下。806牛舌盛有醬油牛舌和鹽味牛舌，各有特色，牛舌香，有咬口，我鐘意醬油，朋友比較欣賞鹽味。愈吃愈開心，我們追加了鹽燒黑毛䐁無骨小排和單點鹽燒特上牛胸腹肉。特上牛胸腹肉和䐁肉都肥美，有肉味和口感。飲埋跟餐的可樂，今餐好滿足!人均消費$220左右，抵食好食。店通風好，座位舒適，服務令人滿意，值得再訪。
繼續閱讀
今次已經係第三次食呢間，今日先發現佢轉咗個menu，同朋友叫咗個$498嘅二人餐，再加個白飯set & 冷麵set(白飯set 有埋泡菜同麵豉湯，抵過就咁叫白飯)。今次嘅食物質素都係無令人失望，我覺得比起頭兩次食，啲肉質仲靚咗。今次叫呢個 set有鹽味牛舌、黒毛和牛小排、黒毛和牛上肩肉、極上厚切牛胸腹柳、蔥鹽味雞腿肉同埋黑毛豚無骨小排。所有肉都好新鮮好嫩滑，有入口即溶嘅口感。最驚喜係塊極上厚切牛胸腹柳，幾乎有兩隻手掌咁大！起初以為咁厚會好韌，點知入口嘅口感係極嫩滑！由於叫咗個飯同冷麵打底，結果食完都係大滿足，真心覺得呢間嘅燒肉性價比好高，尖沙咀呢個價位有咁嘅質素真係無出其右。唯一美中不足係飲品選擇較少，今次都係頹飲可樂，如果佢有多啲特飲選擇就perfect。
繼續閱讀