13
18
10
港鐵旺角站 D3 出口, 步行約10分鐘; 港鐵油麻地站A2出口，沿窩打老道步行約10分鐘
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
食家推介
小弟首次執筆寫食評，皆因不吐不快之故。昨晚同家姐點了香茅豬扒湯河及撈檬各一客，豬扒全無香茅味，肉質又鞋又柴，又有點過咸，好似隔夜食淨咁，舊肉連普通茶記的炸豬扒都比唔上，感覺十分無癮！就算嗰碗湯河其實也好一般，河粉略嫌淋了一點，連加一實收百六蚊，食物質素完全對唔住呢個價錢，印象中我已經是第二次幫襯，如無意外應該唔會再有下次，免得又再中伏。昨晚因除夕關係，好多食肆提早打徉，去食呢間似乎真係命中注定！
繼續閱讀
李錦基真係賣好多廣告，一開個電視就見到佢。住咗附近咁多年，梗係點都試吓啦。佢喺窩打老道渣打銀行隔離，真係好易搵，地點都好方便。入到去就覺得係普普通通嘅茶餐廳，完全覺得冇咩特別，諗住試完個小食就走。我自己一個就叫咗個炸蒜蓉牛油雞翼同埋叫咗個蝦仁豬肉卷。蝦仁豬肉卷味道都好唔錯，隻蝦都仲係好彈牙，豬肉味唔係好重，佢裏面有啲青瓜紅蘿蔔絲，咬起上嚟好多餡喺個口度，口感好豐富。炸蒜蓉牛油雞翼就等得比較耐啦，佢有4隻，估唔到咁大份。每一隻都好大隻而且好脆口，咬落去啲雞又喺個口腔到爆曬出嚟，即刻要搵張紙巾墊住個下巴。唔係誇張，真係好多油飛出嚟，原來都真係幾好食。不過一個人食，食唔到好多，有機會再向大家推介。
繼續閱讀
今日姑仔提議去‘不漏洞拉’(李錦基越南餐廳，窩打老道65號地下D舖)午餐，佢話好耐以前見到老闆賣廣告已經打算去試，而我就係第二次到訪此店。店內座位尚算寛敞，環境衛生比合格高分，食物保持水準，價錢合理而份量亦足夠。我哋三個人叫咗三杯椰汁綠豆蓉冰，值得推介；姑仔想食茄汁牛腩湯河，我就鍾情扎肉拼蒸粉包及生牛肉湯河，最後加多個咖喱雞麵包；以上份量三個人都食唔晒。小插曲：今日用餐有幸由老闆親自上飲品，我就即時要求合照以作留念。✌🏻
繼續閱讀
海南雞飯其實係白切雞飯，豬頸肉飯得四塊豬頸肉，仲要冇汁，擺明搵傻仔，連埋兩杯涷飲，夠胆死收二百二十幾蚊，呢間嘢再係咁做落去，睇嚟一定好快會發達，而家諗起呢間嘢，真心要講句，冇下次
繼續閱讀
咖喱非常入味，咖喱汁點法包一流，有牛腩和雞可選，牛腩很嫩，牛筋够淋。蔗蝦鮮味彈牙。春卷很脆，新鮮炸的。粉卷都不錯，函料很香，粉皮有咬口。牛肉粉都好味，湯底濃，牛肉新鮮，粉都夠滑。價格算平，服務都 ok, 值得推薦。
繼續閱讀