影片
以上資料只供參考, 請與餐廳確認詳情
相關文章
屋苑group有街坊介紹人寵共樂的餐廳，早早就想過來探個究竟。這天天公不做美，只好掉下狗狗兩口子先來探路。前身的聯和墟街市翻新後，變成粉嶺版的小型中環街市，集本地商販cafe餐廳。外圍有寵物空間進食，又有戶外公眾場地可以休憩。本身對CAFÉ 的出品沒有期待，但這裡的蟹肉扁意粉卻有意外驚喜。意粉的賣相吸引，蟹肉的份量十分豐富，幾乎每一啖的意粉都能品嚐到蟹肉。醬汁或者有上湯燴煮過，加上菇菌作配搭，令整體味道更為豐富。當中，炸脆的羽衣甘藍香口之餘，帶有少量鹽花的製作方法及出品，有點像厚身的紫菜，它的美味程度實在讓我對羽衣甘藍完全改觀。週末午餐包一份主菜及一般飲品，又可以加購湯。僅為$5的粟米湯非常高質，是可以看得出來的足料。菜單有標榜食材來自蔬菜統營處，支持香港出品之餘亦是信心保證。焗豬排飯比意粉更出色，無論蕃茄或茄汁也是自然的甜，飯粒分明而醬汁又不會過多，夏日食感覺清爽。由於用鐵鍋可以保留到豬排肉汁，飯粒又不會焦，食到一半仍然熱辣辣。好味同時有菜有肉，營養平衡。炒飯底飯粒乾爽同茄汁絕配，上面的車打芝士好濃味，芝味十足。豬排好像有十片還要不是冷凍貨色，輕輕醃過保留豬的鮮味，男朋友大讚。香蕉雪糕窩夫比預期中出色，香蕉表層配上焦糖薄脆，又甜又可口。窩夫賣相精美，但個人認為麵粉夾層比較厚實，加上牛油製作，食一半過後已經有飽滯感。然後，芒果雪糕卻是非常出色，香滑之餘，亦有豐富的果肉。難得凍cappuccino咖啡也做得底蘊濃厚，加上少有的奶泡作頂層的點綴，品嚐得到的香滑之餘，也沒有過份的甜，的確是一杯好啡。Mocha相對上咖啡味沒那麼突出，然而可可味濃厚，非常容易入口。菠蘿雪葩是我在日本餐廳吃過的，日本進口貨非常高質，雪葩綿滑無纖維感，卻又有如飲純果汁的味道。狗狗有自己的menu，全是新鮮蔬果及健康肉類濕食。等天氣轉好，一定要帶狗狗來食飯。
繼續閱讀
呢度附近好多嘢食 知道呢間新開裝修好有特色 所以就同朋友決定試吓嚟到撞正見到天空上有好靚嘅雲同呢間嘅純白外牆設計好襯XD感覺帶埋寵物過嚟會好寫意反正佢哋歡迎寵物 仲提供埋狗狗餐- - - - - - - - - - - - - - - - - - - - - - - -1. 煙三文魚凱撒田園沙律坊間好多沙律入面係有紫色嘅菜味道有啲苦澀個種 其實我係唔太鍾意所以呢度嘅沙律就好啱我食全部都係青菜 仲有麵包糠同埋小番茄聽講部分時令蔬菜係來自統營處 食得放心同埋欣賞有配埋檸檬片 可以吱落煙三文魚2. 是日餐湯＋熱朱古力本身主食係有奉送奶茶/檸檬茶/檸檬水是日餐湯係要+$5 熱朱古力就係+$10今日係蘑菇忌廉湯 雖然質感唔算好稠但飲落好有顆粒感 好多細粒蘑菇熱朱古係好香濃嘅朱古力 唔算好甜幾似超好飲嘅美X牌子改良版(唔會甜漏)3. 秘製燒春雞(半隻)配薯菜呢度薯菜唔係用普通薯仔整成咁簡單仲有紫薯薯條 食落都好夠紫薯味春雞燒得唔錯 雞皮焦黃到好易起好似同雞肉變成隔膜咁 即係好脆雞肉一定要連皮食先最好食4. 烤澳洲肉眼扒(280g)呢個都有配埋薯菜 同埋一個醬汁牛扒叫咗7成熟 表層係好焦香酥脆切開裡面仲會保持鮮嫩多汁 肉質細膩蘸埋醬汁 趁熱入口 感覺柔柔軟軟5. 香蕉班戟兩塊班戟好香蛋味 食落質地比較鬆軟加埋楓糖醬喺上面 多份濃郁甜味側邊仲有忌廉、草莓、蕉糖香蕉可以互相配搭住咁入口 口感都好豐富
繼續閱讀
Wake up bistro 位於聯和墟，門口有一種香港風情，以舊式魚市場主題，好有風味。裏面有户外枱凳可以坐露天，而且係pets friendly!餐廳仲有提供汪汪餐，有養狗嘅朋友仔可以帶埋小毛孩去一齊食餐好嘅～先講寵物餐，食咗個魚肉B餐，毛孩食得超滋味！1分鐘就已經食晒全兜飯，食到舔舔脷😋餐嘅營養都平衡得好好，睇一睇材料除咗蛋白質仲加咗好多蔬菜，兼顧到狗狗嘅健康。人類嘅膳食亦都非常優秀！吉列豬扒飯炸得外脆內軟，外面乾爽唔會太油膩，炸粉唔會太厚恰到好處，裏面嘅肉汁仍然鎖住，嫩滑彈牙，用嚟送飯一流！個人覺得羊架係最好味，大大支肉帶少少肥膏，唔會太膩之餘羊油好香，亦都唔會覺得好羶，肉質鮮嫩口感豐富，黐住骨嘅筋位仲好有咬口，食到欲罷不能😍肉眼扒大大塊好有牛味，有嚼勁得嚟唔會太煙韌，燒五至七成熟最保持肉質又唔怕太生唔衛生，加埋餐廳嘅秘製醬汁，鍾意牛扒嘅朋友必試！總括而言，店內無論係寵物餐定係人餐都好出色，價錢合理有餐有飲品仲有餐湯，鍾意可以食埋甜品，香蕉pancake都做得好好味～推介大家尤其養寵物嘅你可以試吓wake up bistro!
繼續閱讀
香港地樣樣爭新，翻新保育實為罕見。難得從小生活嘅社區有一個舊市場保育為餐廳，新舊共融，值得一讚，必試。特意抽空喺休閒早上吃個早餐，希望掃走Blue Monday。廚師推介：F餐班尼迪煙肉鬆餅、煙三文魚、田園藜麥沙律、牛油粟米雖然喺簡約嘅活化空間、溫柔天然採光、寧靜嘅環境進早餐，$54實在不貴！但圖片與實物的落差實在失望呢，我還滿心期待的…Where is my quinoa going? 我嘅藜麥都跑光光了，剩下四粒。還有班尼迪蛋的靈魂醬汁通通私奔了👋🏻👋🏻煙三文魚只有薄薄的一片，幸好跟煙肉鬆餅味道也可以，奶茶出奇的也不錯。一切尚算沒有到很壞😉看大家的食評都很不錯喔，還是跟大家去吃午餐或晚餐比較好。
繼續閱讀
黎到粉嶺特別多嘢食嘅聯和墟呢間餐廳好特別！座位設計都係，比人一種新穎嘅用餐感覺✨-Lunch set多款西餐揀而且價錢都係$50-70就有包埋嘢飲添真係好抵！某幾款用材仲係本地蔬菜同新鮮豬肉👍🏻-炭燒雞扒叻沙扁意粉 $58雞扒好嫩滑🥹叻沙味都濃郁而且辣度好足👍🏻意粉都煮得啱啱好👍🏻👍🏻呢個價錢但份量一啲都唔少！個碟嘅容量其實好深🤣-咖喱芝士漢堡蛋包飯 $64又係好大碗🤤漢堡扒入面有芝士流心超好食，啱啱好就算食完都唔會漏🤤而且蛋都好嫩滑好好味😋咖喱汁撈埋一齊食好夾！-凍薄荷朱古力咖啡（加忌廉）濃郁薄荷味，同朱古力咖啡都好夾！👍🏻凍朱古力咖啡朱古力味都好濃郁唔會太甜兩杯都係額外+$10就有😚嘢飲有soda，汽水，花茶等等好多選擇👍🏻👍🏻-焦糖香蕉朱古力窩夫拌日本雪糕 $76朱古力雪糕唔會太甜，同窩夫一齊食都好好味窩夫軟熟好香☺️而且可以揀叫起-餐廳最特別之處就係pet friendly！有幾款狗狗餐可以揀👍🏻啱曬大家一齊帶埋寵物過黎一齊食🤣
繼續閱讀