125
19
5
開飯介紹
供應分量足料的打冷滷味、生猛海鮮的潮州菜館，加幾道熱辣辣的即炒小菜和啤酒，是三五知己聚腳、宵夜之選。
繼續閱讀
營業時間
今日營業
17:30 - 02:15
星期一至日
17:30 - 02:15
公眾假期
17:30 - 02:15
公眾假期前夕
17:30 - 02:15
以上資料只供參考, 請與餐廳確認詳情
有關獎賞計劃
優惠
88折
【荃葵青】$100 通用現金劵 **無限兌換**
$88
$100
招牌菜
食家推介
放工同朋友食晚飯，揀左佢公司附近的明記，聽佢講呢度啲餸好食又大碟，平日晚都一位難求㗎。一上樓梯就比佢嘅潮洲檔吸引住，龍蝦、瀨尿蝦、凍蟹🤤潮洲滷水都正喎。真係好旺場喎，得返最尾嘅枱咋。坐低後伙計就開茶同送上前菜、餐牌等，效率好高。⭐前菜潮州三寶入面嘅二寶，有鹹菜同花生，淨係啲兩樣嘢都可以食到成鍋白粥🤤呢度真係做得好出色，爽脆鹹香，正。⭐椒鹽白飯魚炸得香脆乾身不油膩，白飯魚算大條，並無厚粉漿👍香口野真係幾正。⭐沙嗲牛肉芥蘭沙嗲汁香甜惹味，牛肉嫩滑好好食，唯芥蘭略生少少，有啲青菜澀味。⭐黃金四季豆主角來了，非常喜愛食鹹蛋黃嘅朋友指定要點呢樣，佢本身仲想嗌埋黃金鮮魷同黃金九肚魚，不過如果全餐都食黃金嘅話肯定好熱氣，制止佢先至唔叫咋。個鹹蛋黃醬好厚身，完完全全包住條四季豆，鹹香鮮味極正🤤食落一啲都唔膩。⭐白飯啲餸咁正咁係要整返碗白飯啦😋傳說中嘅大排檔字體，又真係唔係好睇得明😆PS～有wifi😆
繼續閱讀
今日和同事途徑荃灣，同事說想去吃潮式打冷，就想起朋友介紹過的📍明記潮式海鮮菜館，於是走去試試，店舖門面雖然小但上到一樓去地方很大。一進門口已經見到很多食品映入眼簾，潮式的打冷瀨尿蝦、凍蟹、鹵水鵝雜等等連龍蝦都有……相當吸引。坐下在桌面放有花生🥜和潮式的鹹菜🥬，花生香脆而潮式鹹菜相當醒胃。吃潮州菜少不了要點熱門的鹵水鵝片，因此今天叫了蠔仔粥🦪，配一個孖寶🦢鵝片和蒸白鱔套餐。💢蠔仔粥大大碗上檯了，熱騰騰的粥上面灑滿了芫茜滾起來十分之香噴噴。粥内蠔🦪仔很多且非常肥美，配合了方魚碎粒的鮮香味，使湯味道變得很濃美味，而且蠔肉咬落爆汁又沒有腥味，整碗粥水準不錯。💢鹵水鵝片🦢切得很薄刀功很好，而且鵝皮薄沒有肥膏又沒有骨，入口肉質幼嫩沒有粗鞋的口感，配上的鹵水汁味濃惹味亦不會過鹹。下面墊底的花生亦炆得很腍口，豆腐的表皮已索滿了鹵水汁，全部都變得入味又惹味。👍💢豉汁蒸白鳝上檯時熱辣辣香氣四溢，啖啖肉沒什麼骨，只是簡單的用豆豉和蒜蓉來蒸，帶出了鱔自身鮮味和油脂香味，肥肥白白的鳝肉質彈牙，真是吃食不停口。😋🔷️今餐所吃菜式雖然不多，但每款的份量都很足夠，兩個人有點吃不完，售價亦算親民，想吃潮州打冷是一個不錯的好去處 。
繼續閱讀
朋友在荃灣工作，一直向我介紹「明記海鮮潮州菜館」，這天過來探望他，有幸一試，果然名不虛傳😁「明記海鮮潮州菜館」的滷水拼盤（$160）提供豐富多樣的選擇。它包括各種滷水食材，如豆腐、豬耳朵、墨魚片和紅腸等。每樣食材都經過精心烹調，入味而且口感鮮嫩。滷水的湯汁香濃，讓人回味無窮。無論是單獨品嚐還是搭配其他菜餚，滷水拼盤都是一道不容錯過的美食。春菜腩肉（$98）是這家餐廳的必食菜品之一。腩肉經過緩慢燉煮，肉質鮮嫩多汁，配上軟綿的春菜，口感豐富。腩肉的肥瘦適中，入口即化，帶來濃郁的肉香。這道菜的味道濃郁而不膩，是肉食愛好者的絕佳選擇。椒鹽九肚魚（$128）是「明記」另一道美味食品。九肚魚經過炸至酥脆，外層裹著鹽和椒粉的調味粉，吃起來香脆可口。魚肉鮮嫩，口感細膩。椒鹽的味道恰到好處，不會過鹹，能夠突出魚肉的鮮美。這道菜絕對是海鮮愛好者的必點菜品。總的來說，「明記海鮮潮州菜館」以其滷水拼盤和各式潮洲小菜吸引了許多食客。無論是滷水拼盤的豐富口味，還是春菜腩肉和椒鹽九肚魚的獨特風味，都展現了這家餐廳在潮州菜系中的獨特魅力。如果你喜歡潮州菜，這間餐廳絕對值得一試。明記海鮮潮州菜館 (天保大廈) (荃灣)地址：荃灣鱟地坊72號天保大廈1樓
繼續閱讀
今日路經荃灣 ，見招牌咁熟嘅，原來旺角食過,明記打冷👍🏻 見今日天氣開始又熱熱地🤪最啱就係食凍凍地既野 諗都唔使諗就食🤤打冷啦，打冷唻講第一樣要order既梗係食大眼雞🐟魚都好大條 魚質新魚肉質唔梅😍配埋豆瓣醬真係絕配😘有魚當然要嗌碟菜食吓啦😛春菜腩肉😗湯底好惹味、超林腩肉👍🏻好入味！又唔油膩，推介推介！餐廳環境都幾闊落幾舒服 最緊要係乾淨😌平日唻食既話都多人幫襯！如果再晏啲，我諗應該要等位😗
繼續閱讀
喺荃灣收工，約朋友去打冷，就搵左間明記海鮮潮洲菜館食，喺大河道嘅天保大廈1樓，地鐵站B1出口行天橋過去會易行啲。平時去打冷一定會叫椒鹽系列同黃金系列，但最近大家都要戒熱氣野，今次就食啲唔熱氣嘅先啦！不過前菜係炸魚仔無得避，就試左少少，第一次食，都幾香口幾脆，可惜唔食得咁多🥲之後叫左大碗嘅蠔仔肉碎粥，蠔仔大隻鮮味足得黎，份量都多，都好夠食👍🏻另外再叫左滷水三拼，墨魚、豆腐、五花腩，墨魚彈牙爽口；五花腩肥瘦適中；豆腐放底吸左滷水味都唔錯😋最後叫左個鵝片，薄切大片口感都幾好嘅～整體品質價錢都唔錯，有機會下次要食番啲熱氣系列過足癮先🤣
繼續閱讀