138
6
4
開飯介紹
串燒店門面採用古式日本小店設計，予人輕鬆暢飲的氣氛。你可品嚐以不同肉類及海鮮製作的串燒和燒物，配搭日式清酒會更加滋味。
繼續閱讀
附加資料
可提早預訂/代購食品
營業時間
今日營業
12:00 - 15:00
18:00 - 23:45
星期一至六
12:00 - 15:00
18:00 - 23:45
星期日
18:00 - 23:45
公眾假期
18:00 - 23:45
以上資料只供參考, 請與餐廳確認詳情
有關獎賞計劃
食家推介
環境ok，地方大過跑馬地，坐得舒服啲，不過燈光有少少昏暗，係有懷舊居酒屋嘅感覺，整體都可以🍶串燒好好食，我地去親，食食下都食好多野，每次都滿載而歸hhh，我特別推薦雞翼、白鱔、牛舌、羊架、鹽燒牛小排、蘆筍豚肉卷。燒雞翼外脆內嫩多汁。白鱔幾新鮮，塊皮香脆可口，鱔肉彈牙，燒牛舌好香好淋，爺爺都食到。個牛小排真係好香好淋，油脂分布得好均勻，一啲都唔韌，一塊接一塊，好好食。蘆筍豚肉卷，新鮮嘅蘆筍同香口嘅豬肉都係絕配！口感層次豐富，食落唔會好膩，幾清新，真係好好食🤣個雞軟骨都好好食，好酥脆香口，鹹淡啱啱好，真係一粒接着一粒，自己都食咗三串。另外個羊架大大件，好香，一黎到都忍唔住咬咗啖先打卡🤣外層燒到微脆，充滿烤肉嘅香味，入面就保持嫩口多汁，口感豐富好食！😋除左野食，服務態度親切友好，員工好nice，樂於解答問題，服務效率高，佢地會主動關心我地嘅需求，令我地成個用餐體驗愉快，小朋友佢地好開心，以後會再黎！
繼續閱讀
前幾日同男朋友一齊去食左哩間日式串燒居酒屋，本身我都鐘意食串燒，食完之後我真係徹底愛上左哩間串燒店。講真嘅，價錢方面佢地同其他日式居酒屋差唔多，佢地嘅員工話佢哋大部分串燒都係當日串，咁的確啲野食感覺上係比較新鮮，好似雞肝白鱔果啲。以前成日覺得係香港搵一間好食、價錢又抵食嘅串燒店真係好難，直到遇上佢😍😍😍，真係要再講多次，深深愛上❤️佢地嘅雞皮蝦大葉卷，喺其他地方好少見！我最愛❤️(本身我都鐘意食海鮮既🙈)香口嘅雞皮同新鮮嘅紫蘇葉包住鮮嫩的蝦肉，味道口感超正。雞皮既燒得岩岩好，脆脆地，蝦肉又可以保持鮮甜既原汁原味，再帶啲紫蘇葉點綴下，成個feel就係清新又美味，我地仲嗌左sake，配搭起黎，除左正，諗唔到其他詞。之後就係燒日本刺身帶子！！帶子燒得岩岩好，外層燒到幾香口，同時入面仍然保持到鮮甜鮮嫩多汁。我哩個e人真係好想去問師傅點做到，真係好好食🙈(但比人阻止左🤣)燒雞翼係店員誠心推介，聽說呢度嘅燒雞翼好似經過特別既調味同處理，所以好好食好香，的確係好好食、好香，肉質鮮嫩多汁，外皮香脆，真心回味無窮。燒雞翼應該會係肉食愛好者既最愛之一🥰呢度嘅雞皮係令我覺得呢度既服務態度真係好好，有求必應，因為我鐘意食外脆內軟嘅雞皮，我男朋友就鍾意淋淋地既口感，然後個店員只係聽到我同男朋友討論緊，佢主動同我地講幫整個度身訂造版🤣佢地好好人好cute。估唔到嘅係嘅雞皮真係好正，完全滿足我地兩個唔同又麻煩嘅需求🙈哩個係佢地嘅限定串燒，燒煙肉鵪鶉蛋。以前我覺得淨食一兩粒鵪鶉蛋會有點滯，但哩個煙肉鵪鶉蛋又巧妙地搭配一齊食嘅話，煙肉獨特嘅煙燻香氣同鹹香味相得益彰，口感層次更豐富，食住一粒接住一粒咁食，絕對值得一試，不過係哩個係限定串燒，大家要睇下好唔好運啦❤️總括嚟講，南亭係我心中留下幾深刻嘅印象。佢地嘅雞皮蝦大葉卷、燒日本刺身帶子、燒雞翼、燒雞皮同限定嘅燒煙肉鵪鶉蛋都展現了高品質嘅質素。無論鍾意海鮮定係食肉獸嘅你，感覺都有適合大家嘅美味選擇！Ps. 串燒一定要趁熱食先好食！🤤
繼續閱讀
之前一直幫襯開港島區南亭，前幾日第一次去尖沙咀食，串燒質素都非常之好，白鱔燒得好香，唔腥唔多骨，羊架成熟啱啱好，最鍾意食佢哋嘅鴨舌，好香口餸酒一流，個雞腎就還好，不過雞肝又幾唔錯幾新鮮。啲員工好熱情好有活力，服務態度都好好，問佢地推薦咩sake，佢地都好熱情推介，無hard sell嘅感覺，唔同價位都有推薦一支。同埋因為我哋鍾意慢慢食飲下酒傾下計，所以我地同員工講可唔可以慢慢出啲嘢食，佢地都真係好warm有求必應。
繼續閱讀
訂咗7/9，8pm星期四夜晚，入到去全場先至得嗰幾台客，都要安排個客兩個人間隔，坐二人枱，張枱又細，座位又逼夾，張枱仲細過啲連鎖店，請食物質素差劣，燒物完全唔合格，燒烤功力全部嘢唔湯唔水，淡而無味，茶泡飯，我淨係覺得自己用好似用開水撈飯，稻庭熱烏冬個湯都係一樣，淡而無味嘅清水湯，加幾條紫菜就就俾人，月見免治雞肉棒叫做可以食落肚，我只係覺得佢整返熱俾我，一啲都唔覺得係燒出嚟，冬菇全部淡而無味，冇一樣嘢係可以比正面評價，服務唔係特別好，成個場冇人都唔會考慮俾個客坐得舒服少少，串燒一定要兩串起，每一項食完嘅食物，完全唔會有想影相嘅感覺，亦都冇辦法記起食咗乜嘢味道，淨係覺得整體感覺極差。比咁嘅錢，早知食佢隔籬嗰間。真係求其自己燒都好難難食過佢。連帶子都可以燒得咁差，又細粒，賣相又唔吸引。連俾個客坐舒服少少都唔捨得，連冇人都唔會俾個客舒服少少，等人哋開心啲買多啲野食都唔識。係唯一一餐食居酒屋，係覺得難受，45分鐘都未夠，真係就食完即刻埋單走。真係好難有咁差嘅體驗。
繼續閱讀
同朋友兩個人經過尖沙嘴見到入去試下環境都坐得幾舒服食物唔錯 選擇都幾多服務都幾好但我係唔明點解餐廳制度所有串燒一定兩串起先比叫如果係成本問題其實可以set最低消費或者set total果個串燒數呀乜都要叫兩串變相唔可以試多幾款有d得我一個想試既又要逼住叫兩串又例如我朋友唔食冬菇我又想食平時其他餐廳可以叫一串我一個人食岩岩好但依度一叫就要叫兩串 一個人食4舊冬菇又太多變相咁樣好多野都無叫黎食我覺得個制度好奇怪
繼續閱讀
您可能會有興趣的...