73
87
26
港鐵銅鑼灣站 F1 出口, 步行約3分鐘
繼續閱讀
電話號碼
92535379
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
食家推介
相關文章
終於有機會試到大名鼎鼎嘅James Bon Bon麻薯波波了！平日Lunch Hour/放工時間去都會排曬長龍見今次下晝時間去唔洗排隊就入咗去買了講真 佢的確係比一般麻薯波波大1.5倍價錢好自然都會x1.5了🤣🤣第一次食 試咗基本口味先買咗原味、菠蘿皮、抹茶、伯爵茶$10/粒 盛惠40個大洋（？？仲有好多特別口味 價錢界乎於$15-20不過就要試咗先知值唔值得我俾貴啲encore了之前買過一次送人 貪佢個袋夠特別手抽住「名牌包包」咁送人個次就新鮮出爐 放入袋之後無封實因為出緊煙我今次買就攤凍咗啲嘅～咁就以我呢4款口味去做評價啦首先講咗統一感受先欣賞嘅地方：煙韌度💯分開咗兩個時段黎食第一次係買完即食 第二次係放咗大概6個鐘仲要焗住咗我個人就覺得佢無因為時間而變質🤣🤣都一樣咁chewy原味就係麻糬本體唔係外脆內軟係整體都偏軟的買完即食個轉 有脆皮個啲款的確係好脆！個人最推伯爵茶 茶味最出唔太啱我口味嘅地方：偏甜🐜我知架啦 一定有人會話食甜品品甜不如唔好食！咁呢個的確係我個人口味唔知係好定壞啦不過要以我食過嘅麻薯波波黎比（連鎖麵包店）佢會更加甜可憎第二轉焗淋咗之後啲脆皮已經軟曬了☹️不過我係係一個散完熱嘅情況下焗住佢的但佢都淋得比想像中誇張唔記得咗影餐牌唔知佢係寫抹茶定綠茶因為我假設佢係抹茶但食落係似綠茶 不過都有少少俾佢嘅甜遮咗茶香懶人包🍞最好買完新鮮食放耐咗建議焗一焗返先食推薦伯爵茶、菠蘿皮特別口味無試排隊未必會買
繼續閱讀
😅味道一般價錢卻不一般👎，服務態度又差👎，比錢消費都仲要比人黑面🌚。禁啱同朋友經過見佢啲嘢睇落幾吸引就想試下新野，順便支持下本地消費。買咗幾個麻糬波波同布丁杯嘅嘢，因為我同朋友第一次試佢個布丁杯，想拎多個匙羹share食試下，全程都唔該前唔該後，都仲要咁惡，貼錢買難受，不可一不可再🤡🙅♂️🙅♂️我知你有權唔俾，但唔洗無咁禮貌咁串😒🌚👎👎👎👎👎👎👎👎👎👎👎👎
繼續閱讀
上網話呢間麻薯波波好好食，又見咁多人排隊，經過會有人龍，所以見無野做就去排下隊。但食過覺得好普通！個麵包皮要即刻食先脆，隔多一陣就已經軟哂。味道又同普通麵包店既麻薯波波差不多，如果要再排隊買就不了。
繼續閱讀
睇咗其他食評，所以唔敢有太大期望。嗰日啱啱經過，本身好鍾意麻糬波波嘅我係好奇心驅使之下走咗去排隊。可能因為唔係好多人等嘅關係，店員態度正常。除咗基本口味，仲有當日新鮮出爐嘅唔同口味貼咗出嚟。我買咗紫薯、芝士粒粒、開心果柚子麻糬波波，加一個開心果布甸。包裝為成件事加咗唔少分，睇到唔同顏色嘅麻糬波波，摸落手仲係暖嘅，心情莫名好起黎。我一直拎到中環先至食，所以麻糬波波扁+塌咗係正常，意料中事。一打開個袋有好大陣香味，我即刻攞起顏色鮮艷嘅紫薯波波咬咗一啖，質地十分煙靭，唔太甜。口味呢樣嘢好個人，我比較鍾意淡口嘅，所以對於我嚟講味道OK。芝士粒粒口味正常，反而開心果柚子有驚喜，裏面有酸酸甜甜嘅柚子醬，好香同麻糬波波好夾。開心果布甸冇乜特別，但係上面鋪滿咗好多開心果果仁碎，布甸質地柔滑。如果我下次經過，應該會再幫襯。
繼續閱讀
哩間店地方淺窄，帶住小朋友千祈唔好去，因為店員會趕哂你啲小朋友出街，不停意思你阻住佢做生意，明明小朋友都行埋一面，都唔可以，要趕到佢地出店先得，太差了，以後都唔會去
繼續閱讀