影片
港鐵尖沙咀/尖東站 B2 出口, 步行約4分鐘
繼續閱讀
開飯介紹
主打特色茶飲，包括冷泡茶、奶茶、養生茶等，配料必試自家每日新鮮製造小芋圓。參考台灣夜市，亦有供應日式即烤麻糬。
繼續閱讀
營業時間
星期一至日
12:30 - 22:00
以上資料只供參考, 請與餐廳確認詳情
相關文章
呢間茶理史喺厚福裏面嘅小巷度，要鑽入去先見到，但係值得入去嘅🤤 今次叫左琥珀白玉奶茶加龍珠寒天($23+6) 其實睇中英文名都唔知實質係咩，但係見佢係初嚐必選就揀左佢。出到嚟見佢咁紅都有奇，心諗唔通係港式奶茶，但飲落原來係thai tea，大家都知thai tea出名甜，所以佢都的確比普通奶茶甜，即使我地叫嘅係半糖，但不過我好鍾意。 佢配料比得好足，兩種配料加埋都差唔多半杯。白玉嘅質地比平時嘅珍珠比較煙韌有咬口，而寒天就比較爽口，兩樣同時啜入口就會有唔同嘅層次🧋比起附近ChaTraMue，我會揀呢間cp值高啲嘅🤤
繼續閱讀
本身諗住幫個朋友買一杯嘢飲，所以大熱天時都專程行過嚟買。一行埋去個女店員已經勁唔耐煩咁樣講「冇喎，嗰個係舊menu嚟」。然後揀咗另外一杯，佢全程都勁黑面，好似我一行埋去嗰下已經得罪咗佢咁⋯⋯俾錢嗰陣時用八達通，我發現收多咗錢，佢先望一望自己個mon，原來真係佢撳錯咗，先勁唔耐煩咁樣拎返$6現金出嚟俾我。利申我自問真係由頭到尾都好好態度，反而係我唔該前唔該後。而杯嘢飲無論係賣相定係味道都一般，如果唔係朋友話想飲，我真係唔會幫襯，好似欠咗佢咁🤷🏻♂️ 老實講附近大把手搖飲品可以選擇，連最簡單嘅服務質素都冇辦法取勝，真係自求多福喇👋🏻
繼續閱讀
最近上緊迷你兵團2，睇戲送咗個小Otto比我😍 所以呢幾餐飯都會見到小Otto嘅蹤影😜 第一站就帶佢去飲茶理史😎🧋 自從買咗奶茶套之後就用少咗好多手搖飲品嘅膠袋，不過支開咗嘅飲管會長期暴露空氣中，成日掂到啲嘢就少煩😥💛芋香鮮乳地瓜小芋園 ($32)由我第一次幫襯到而家，我都係嗌緊呢一杯🌝 好少有嘢飲係芋香陣味唔假🍠 佢芋頭同奶個比例我都覺得好好，兩邊都飲到👍🏻 而且仲有好多料❣️ 我飲完杯嘢之後淨低啲配料好Otto仔一樣高😳同埋佢個杯嘅包裝應該改咗嚟，極容易撕開，方便我食埋入面啲配料🤣 (不過我好耐冇飲，都唔知幾時轉)💛海鹽雲頂芒芒 ($36)幾香芒果味🥭 入面有好多果肉粒😋 有冇人知雲頂姐係乜？我哋睇Openrice啲人話佢係奶蓋，但唔知係咪有咩特別所以先叫雲頂😂 🐡：佢陣味唔係平時啲奶蓋嚟，佢似溝稀咗嘅奶蓋味，再加啲海鹽🧂 由於佢啲芒果唔算好重芒果汁嘅味，所以本身冇話特別濃地，再配埋好light嘅雲頂，呢個組合會好過配濃濃嘅芝士奶蓋👌🏻
繼續閱讀
小朋友口喝，入去買支冷泡茶，真的不知有什麼味道⋯⋯純粹一問，帶帽長髪、目無表情、不發一言、不屑一顧只指一指個位置，示意就係這裡！毫無禮貌！賣野賣到無靈魂⋯生不如死！無下次⋯普通茶$26太貴、咀臉太猙獰帶住口罩都feel到～
繼續閱讀
在尖沙咀吃過午飯後，打算周圍逛逛，每次吃個飯後總覺得意猶未盡，要不吃個甜品，要不就買杯手調飲品一邊走著一邊喝，也是一種享受。本想找一間經常光顧的手調店，但走著走著發現轉角有間茶理史台式飲品店，於是就試一試別的吧！每次去台式手調店，珍珠奶茶都是我必點的，於是點了一杯重培烏龍白玉奶茶，天氣有點涼，所以點了少冰和半甜。入口茶底不是太濃，吃到淡淡的奶味，白玉是珍珠的口感，煙煙韌韌，但沒有珍珠自身帶著的甜，由於半甜的關係，喝上去不是太甜，反而每喝完一口覺得有種淡淡的烏龍茶香留在齒腔。
繼續閱讀