787
24
9
| 餐廳: | 小魚兒 (金馬大廈) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
開飯介紹
以霓虹為主的裝修風格，主打川菜有烤魚、麻辣香鍋，亦有客飯套餐等選擇。肉身厚實的烤魚口味款式多而且配料豐富，做到烤魚的麻辣鮮香。
繼續閱讀
營業時間
今日營業
12:00 - 15:45
17:30 - 21:30
星期一至四
12:00 - 15:45
17:30 - 21:30
星期五至六
12:00 - 15:45
17:30 - 23:00
星期日
12:00 - 15:45
17:30 - 21:30
公眾假期前夕
12:00 - 15:45
17:30 - 23:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
#MC帶你去尖沙咀.其實疫情前已經食過依間烤魚店，味道真可以媲美內地啲烤魚店😋，完全有北上烤魚風味，夠曬「川味」‼️.🥢 碳火風味烤魚主打烤魚嘅「小魚兒」，淨係烤魚同埋口味都差唔多有30個選擇組合😱；魚嘅種類有海鱸魚🐠、江團魚🐟、凌波魚🐠、鴨嘴魚🐟，而口味更有9大款，大部份都可以揀大中辣之餘🌶️，仲可以揀大中小麻，超級貼心🫶🏻！🥢 古鎮水碼頭毛血旺 配海鱸魚 $308+$108本身海鱸魚已經肉質細嫩厚實，性價比非常唔錯👍🏻！今次就嗌咗重口味少少嘅「毛血旺」，依個口味除咗偏辣惹味之外，而且所包含嘅配料更加相當豐富😜，有牛栢葉、鴨血、𠝹花魷魚、大荳芽、青瓜片、紫洋蔥、芫荽、滑豆腐、寬粉條等。海鱸魚都幾大條，食落無腥味🤤，而且好貼心地已經將條魚開邊🥰，平放曬放成條魚，平均受熱之餘♨️，仲勁容易起肉，每一啖肉都係熱辣辣☺️。✅ 牛栢葉︰入味爽脆✅ 鴨血︰挺身無散開✅ 𠝹花魷魚︰鮮味爽韌✅ 豆腐︰好嫩好滑✅ 寬粉條︰吸收曬湯底精華，入曬味.🥢 加選配菜︰萵荀 $48不論打邊爐定烤魚，都會點萵荀片😂，因為吸汁之餘，口感爽脆鮮甜🤤，十分推薦‼️.✨ 小編貼士喺 社交平台 / OpenRice 訂枱有更高折扣優惠，會抵食好多嫁😜。
繼續閱讀
「小魚兒」位於尖沙咀地鐵站附近，今日食咗呢度嘅烤魚🐟、龍蝦🦞、燒扇貝等等，非常滿意。🔹️爆漿鳳梨香辣豆花 - 江團魚🐟❣️ $366烤魚幾大條，足夠2至3人食，我哋第一次食就叫BB辣先🌶，真係岩岩好，唔食得辣既都接受到。條江團魚啲肉好肥美嫩滑，而且無乜細骨， 好多骨膠原。配菜包括鳳梨、豆花、芽菜、木耳、寬粉，萵筍等。🔹️蒜蓉牛油澳洲龍蝦🦞 $198呢碟澳洲大龍蝦真係非常推介，有成1斤重一，$198真係好抵食，龍蝦非常鮮甜，超厚肉，好食👍🔹️蒜香牛油燒扇貝 $38🔹️炸雙皮奶 $43
繼續閱讀
服務極差，呼呼喝喝。午市，個場得幾個食客，3，4張吉檯，入去冇人講過要等齊人先入得，喺門口一路冇人理，冇人問，睇住我自己入去坐都冇講過要攞位。侍應仲幫手抹枱，我自己搵緊QR code 想落單，scan 咗 code 又冇反應，咁我等啦。坐低咗10分鐘，有個短髮女人先大大聲喝我，話：‘’先生！！！！等齊人先入得喎！！！！你咁樣坐低唔得喎。‘’Ok，既然我地錯，咁我 5 個一齊走，唔阻你地做大生意。Bye Bye。
繼續閱讀
江團魚（$348）今次就嗌咗老壇酸菜豆花口味嘅大麻大辣!!烤魚應該是先有炸過嚟，肉質非常緊致，一啲都唔會鬆散😍讚👍🏻!! 味道非常不錯，又麻又辣🫰🏻鍾意食川菜嘅，你一定唔可以錯過！另外佢本身個底都包咗好多嘢～有芽菜、木耳、薯粉等等嘅配菜🤩避風塘波士頓龍蝦（$368）十分之有鑊氣嘅一道菜，唔同坊間嘅避風塘會有少少甜甜地。佢係辣味同蒜味比較重🫰🏻龍蝦預先榨過嚟都好香口🥰荔枝乳酸爆球梳打（$38）嘢飲甜度適中，加埋爆珠，解渴一流👍🏻白桃紅茶（$42）桃味香甜，勝在份量夠大👍🏻整體嚟講，餐廳位置方便，以尖沙咀物價嚟講算係合宜🫰🏻食物味道都係中上，最緊要係嗰度啲職員都好Nice，服務周到💥推薦大家去食～
繼續閱讀
呢間餐廳主打烤魚，而且川菜、冒菜、燒烤咩都有。而家仲可以用親民價錢食到澳洲龍蝦🦞。🦞避風塘澳洲龍蝦 $198可以揀避風塘/蒜蓉牛油兩種調味。龍蝦大隻厚肉，連龍蝦頭都好多肉，肉質鮮甜彈牙。價錢比起喺酒樓食平一半，估唔到會有咁高質素嘅龍蝦。🌽蒜蓉牛油粟米$38粟米味道清甜，牛油香好重。海量蒜蓉好香但係唔會太濃太嗆。調味好食到令我會想試下蒜蓉牛油龍蝦🦞。🍍脆焦糖燒菠蘿$48菠蘿酸酸甜甜啱晒解膩，焦糖夠厚夠脆。🍢燒羊肉串$25🍢燒牛肉串$23兩款望落好似🤣，不過一食落去就分到，因為羊肉好羶好香。牛肉串就多啲筋位比較有咬口。🌶️冒菜套餐C（八款配菜）揀八款配菜先$68（有啲配菜要另加錢），加粉麵$5。加一芳嘅水果茶先$18。麻辣肉碎✨金菇娃娃菜✨滑牛肉 +$3美國肥牛 +$3✨墨魚丸牛丸✨炸支竹我哋揀咗雲南酸辣湯（BB辣），加埋麻辣肉碎好有小鍋米線嘅感覺。酸辣湯微酸小辣好開胃。BB辣啱晒我呢啲想食辣又怕辣嘅人。仲以為會似出面米線鋪每樣一兩件，結果樣樣配料都咁多，成座山咁勁誇張。🌶️辣子雞$108揀咗BB辣，照舊係好溫柔嘅辣度🤣。雞肉炸得香脆又鎖住肉汁，即使放喺炸雞店嘅標準都係top。不過有唔少碎骨，小朋友/老人家食嘅時候要小心啲。🦑椒鹽魷魚鬚$98經典嘅酒樓椒鹽魷魚鬚！麵衣特別香脆，魷魚鬚好彈牙。咁大份都完全冇墊底，份量好誇張。
繼續閱讀
您可能會有興趣的...