影片
港鐵元朗站 A 出口, 步行約7分鐘
電話號碼
97228975
營業時間
今日營業
10:00 - 19:00
星期一至日
10:00 - 19:00
公眾假期
10:00 - 19:00
以上資料只供參考, 請與餐廳確認詳情
「Days In The Sun」係元朗一間充滿特色嘅Cafe，主打自家製餃子，提供精緻嘅多國菜式。純白小屋設計配上色彩繽紛嘅花花佈置，營造出舒適又寫意嘅環境，絕對係打卡一流嘅好地方。除咗豐富嘅All Day Breakfast，仲有各式各樣嘅甜品選擇，啱晒放假同朋友一齊嚟chill下！✨精品手作餃子套餐呢個套餐包含兩款精心製作嘅餃子，分別係黑松露三重芝士同三鮮豬肉，用料非常用心。黑松露芝士餃子味道濃郁，芝士香氣四溢；三鮮豬肉餃子則食到鮮蝦嘅爽彈口感，韮黃嘅獨特香氣亦都突出，整體嚟講，餃子味道出色，配搭充滿心思。跟餐仲有兩件迷你瑪德蓮蛋糕，黑朱古力同蜂蜜牛油味，味道幾好，食完想再嗌多件添。✨All Day Breakfast配料相當豐富，包括黑松露炒蛋、烤豬肉腸、烤蕃茄串、熱香餅多士、新鮮水果、煙三文魚同烤大啡菇等等。黑松露炒蛋香滑可口，比我想像中好味，烤豬肉腸大大條惹味十足。烤蕃茄串同新鮮水果可以平衡整體嘅味道。煙三文魚同烤大啡菇都非常新鮮，調味恰到好處唔會太咸。熱香餅甜甜地好開胃，材料豐富夠哂飽，值得一試。✨榛子拿鐵咖啡味同榛子味搭配得幾好，入口順滑，味道香甜，榛子嘅甜度適中，唔會過膩之餘都有濃濃咖啡味，亦無比奶味蓋過，我自己唔係咖啡迷，我都幾滿意。✨Dirty分層細緻，Espresso咖啡濃郁香醇，撞落冰凍嘅牛奶度，味道有豐富嘅層次感，咖啡嘅香氣、牛奶嘅順滑口感融合，平衡得不錯。
繼續閱讀
入到嚟, 見到個佈置好有 engagement party👰🏻嘅感覺, 仲有 天花都好 eye catching, 天空嘅自然光射入 天花係玻璃同埋白色嘅布 , 好正! 期待下次 喺 sunshine🌞 之下食 lunch！家常手作餃子套餐四款味道可以選擇, 我揀咗韭菜豬肉. 嘩, 一上枱 我見到 餡料透出餃子皮, 食落去果然皮薄餡靚, 唔係commercial 嗰種餡料味道 同口感. 個底呢係煎到脆口, 但唔會油膩. 喺餃子上面 有個裝飾物, 網上寫叫做 繁花, 初時以為用嚟裝飾, 唔會好食, 或者得個甜字😏, 點知食落去係有曲奇餅嘅口感同味道, 問一問職員, 原來係唔同顏色有唔同味道, 例如藍色就係蝶戀花味, 真係好欣賞 呢份心思👍🏻Mini Madeleine x2：焗到外脆內軟, 而蛋糕 濕潤度啱啱好, 就係因為食咗呢個朱古力馬德蓮蛋糕, 所以我再 order 多兩個其他味道😆沙律：個 dressing唔會太酸, 係偏甜d d, 沙律菜食落係 fresh 嘅！Hot Hojicha Latte入口已經飲到 Hojicha 嘅味道, 唔會奶味重, 所以個 Hojicha 同奶嘅比例 👌🏻. 仲有鍾意佢就係唔會好甜😊Matcha Mochi Pound Cake好啱 Matcha lovers, 因為入口已經重 Matcha 味, 鍾意嗰陣回甘味！仲有個外皮焗到脆, 咬落裏面Mochi 煙韌, 真係味道同埋好咁都好好, 整體唔會好甜！Honey Butter Madeleine味道甜甜地, 食落有種幸福嘅感覺, 口感都係外脆內軟！pet friendly 😺🐶地點方便就腳元朗西鐵站 exit C入去 Yoho Mix 商場右邊有條天橋沿住天橋行, 左面有部電梯, 落去下面就見到 cafe 啦！
繼續閱讀
元朗用心小店Cafe🤩入面兩個職員都係後生仔女，超好禮貌。入邊枱凳用咗木系顏色，而且周圍有好多花花做裝飾。佢哋有個corner用嚟打卡，仲有近排大熱嘅Jelly Cat公仔！超級推薦佢哋嘅餃子套餐個餐除咗有餃子，仲有沙律同馬德蓮蛋糕！餃子脹卜卜大大粒可以揀唔同口味或者同一個口味都可以，推薦黑松露芝士餃子，黑松露味道香濃，配埋芝士超級好食！每隻餃子都脹卜卜餡料十足。好驚喜呀，餃子餐竟然配埋甜品🤩平時一粒都好貴㗎，推薦！全日早餐都幾抵食㗎，平時呢啲早餐比較少會配pancake，佢哋有鹹有甜，鹹有腸、三文魚、黑松露炒蛋同大啡菇！甜嘅就係pancake軟軟熟熟唔會太甜！上面有少少糖漿同水果味道唔錯。佢哋嘅黑松露炒蛋超多黑松露醬，所以食落去好香。飲品方面，佢哋嘅飲品好犀利超多選擇，有紅色拉花藍色拉花等等，下次大家可以過嚟探索。今次揀咗焙茶latte，焙茶味道香濃，自己唔鍾意飲太甜，所以揀咗少甜效果唔錯！另外冰菠蘿咖啡好正㗎，視覺效果100分，唔講仲以為係Cocktail，菠蘿汁同咖啡比例適中，咖啡味唔會太苦，視覺同味覺享受佢哋嘅甜品好吸引，藍帶甜品✌🏻所以叫咗個麻糬磅蛋糕外賣，外面係抹茶蛋糕，內裏有香香軟軟麻糬❤️
繼續閱讀
元朗新開CAFÉ，老闆係法國藍帶學完師番黎開嘅小店。星期六做完運動立即黎左試。店舖入面唔算太大，但裝修得幾靚好多打卡位，上面窗有自然採光，有塊白布做遮掩唔會太曬！但通風抽氣麻麻，食完全身外套好大陣油煙味。☀️All Day Breakfast $128 💫8/10All Day 幾豐盛，有水果Waffle、黑松露粉蛋、黑醋沙律、德國腸、煙三文魚、車厘茄、Portobello菇菇，每樣都幾好食，食材新鮮，唔錯。 ☀️精品餃子套餐 $98 💫7.5/10三鮮、黑松露芝士各3隻！煎得唔夠脆口，如果有冰花效果會更好。餃子皮唔算厚，食落個餡料都有肉汁，但黑松露味唔夠出，芝士亦唔多，失望。套餐仲有意大利香醋沙律，太重手，浸哂好酸！兩件Mini Madeleines有牛油香，做到外酥內軟，口感幾鬆軟，但食落有沙沙地砂糖顆粒。☀️Pistachio Matcha Latte $58 💫7/10呢個係期間限定，本身好愛開心果，加上呢排真係大熱食材，見到都忍唔住點！飲落有淡淡開心果味，但唔算太突出，可能始終有抹茶牛奶底，不過不失。☀️Hand Drip $68 💫8/10呢款Brazil Santo Do Amparo，飲落碳烤味好出，又唔會太濃幾易入口，唔錯唔錯！總結：環境唔錯，食物正常，下次會想試下佢嘅甜品，因為主打都係法國藍帶甜品。
繼續閱讀
【元朗靚靚餃子Cafe🥟Days In The Sun💐】-男朋友係餃子控😛知道元朗開咗間餃子Cafe梗係要試吓佢🤣本身見到個價錢六隻餃子要成舊水都有啲卻步🥹但係真係好好食👍🏻水準對得住個價錢🫶🏻推薦比大家！-餐廳喺元朗西鐵站行6分鐘就到💐入面係玻璃天花，以白色為主調，配合埋玫瑰花牆⛲️🪴好似個溫室花園咁🫶🏻咁啱今日太陽幾好😍陽光灑落嚟超舒服～同埋呢度仲有好多Jelly Cat公仔超得意！-🥟餃子套餐🥟第❶款係『家常餃子套餐$88』包6隻大大隻手作餃子+瑪德蓮蛋糕x2 +沙律🥗，而第❷款就係貴十蚊嘅『精品餃子套餐 $98』多咗【黑松露芝士餃】同埋【三鮮餃】可以揀，仲有得雙拼😙今次小編試咗【香菇雲耳豬肉餃🍄🟫】同埋上邊嗰兩款精品餃子😍隻隻都大隻飽滿😋脹卜卜咬落去仲充滿肉汁🤩同埋同埋個餃子皮真係好煙靭🤯真係好好食！六個足料餃子食完都夠曬飽😛再啪埋兩件香濃朱古力味瑪德蓮蛋糕🍫正！好味指數：🌕🌕🌕🌕🌖-😋Red Velvet Latta♥️ $30（跟餐減咗$15）超可愛聖誕樹拉花🎄仲有店主手寫卡一張🥰好有心思～好味指數：🌕🌕🌕🌕🌘-😋Sunshine🍸 $43 （跟餐減咗$15）呢杯係特製菠蘿泡沫冰咖啡🍍飲落幾清新😙免頭嘅泡沫令到成杯嘢飲落更加順滑好味指數：🌕🌕🌕🌕🌗-📍DAYS IN THE SUN (元朗)元朗鳳攸北街9A昌威大廈地下28號舖💸人均消費：$130
繼續閱讀