影片
港鐵油麻地站 A1 出口, 步行約5分鐘
繼續閱讀
營業時間
*如公眾假期是星期四會照常營業不會休息
星期一至三
08:00 - 17:30
星期四
全日休息
星期五至日
08:00 - 17:30
以上資料只供參考, 請與餐廳確認詳情
相關文章
早餐要吃好，人才沒煩惱。見到呢句就已經覺得少少肚餓🤣 呢間店因為店仔細細~主要都係做外賣，見幾個人都賣外賣攞走~不過今日有啲時間，就叫左堂食~今日叫左個<簡約早餐>，性價比好高~連埋野飲都係$20咋~ 入面有香腸+火腿+餐肉+煎蛋+多士半片。整體都係普通既港式早餐~不過一啲都唔馬虎，即叫即做~隻蛋煎得好靚，多士上面搽左滿滿既牛油，用嚟沾蛋汁，好幸福~唯一要挑剔既係凍奶茶叫左少甜，不過都仲係幾甜。🤣
繼續閱讀
香茅豬扒蛋吐司 $30-無得去台灣，但係好彩係屋企附近搵到一間好有台風味嘅全日早餐店🤩 最鍾意就係佢即叫即整嘅熱辣辣蛋治，俾人一個超級窩心嘅 good morning☺️ 雖然豬扒唔太厚，但係配埋薯蓉、生菜，就俾到人一種好清新唔太膩嘅感覺，好適合做輕食之選💓-🍴7.5/10
繼續閱讀
香港有很多地方可以食到All day breakfast，不過都是西式為主，而在油麻地內街就開設了一間全日早餐店，以售賣「吐司」為主，附近都是一些車房，這小店的裝潢設計正正別樹一格，也帶點台灣早餐店的感覺。餐廳以外賣為主，店內只有四個座位，店舖雖小但五臟俱全，所有物品都擺放得井井有條，內裏裝潢可見店主的心思，木牌整齊掛在牆上，都是各種各樣與人生有關的詞語，令人有百感交集，字裏行間，反映著生活上實際與盼望，令人反思！店內提供多款港式口味多士三文治，價錢亦好親民貼地，廿幾蚊一份三文治，另可轉套餐加薯條飲品，悉隨尊便。由於所有食物即叫即製，要有心理準備需時等候。- 五香肉丁蛋吐司跟餐，熱杏霜剛炸好的粗身薯條，蘸以茄醬，香脆可口！烤烘過的吐司搽以牛油、薯蓉，咬下去有薯粒口感，五香肉丁份量慷慨，夾雜著生菜片減低膩度，口感清爽，真正的港式味道！呷一口熱杏霜，夫復何求！在這小店吃個早餐，穩世偷閒，好像也不錯！
繼續閱讀
前日21-11-2020 (Sat)晏晝,同老公行完旺角,佢話食啲嘢,其實我唔餓,不過一場出到嚟,搵啲特色嘢食啦.搵到呢間就行嚟.呢間舖好細,大部份位都做咗廚房,咁就只有4個位,好彩我哋嚟到時,係冇人堂食,咁我哋就坐低喇,menu上有好多種特色吐司,但由於我真係唔餓,所以輕食.我要咗$18.00嘅芝麻醬咖央醬吐司,老公要$40.00嘅叉燒煎蛋吐司,大家都要同樣$20.00嘅檸樂同檸廉.從來冇諗過將檸檬加入忌廉,真係第一次咁飲,加咗檸檬,忌廉就冇咁甜,而且清新啲.芝麻醬咖央醬吐司,兩隻醬都唔厚,但味道好夾,兩隻撈埋,甜度啱啱好,而且都食到芝麻味,好味.味道: 5分叉燒煎蛋吐司材料唔止呢兩樣嘢,重有紅蘿蔔,瘦叉燒唔會太乾,而且有脆口燶邊,不過蜜味好似唔多夠.但咁樣做成吐司,真係有創意.味道: 4.5分抵食係2.5分題外話:呢間一直被我收藏,但唔知記得咩原因收藏,直到我打呢篇食評,用”亝拾壹”搵,見到荃灣有,就click入去睇,https://www.openrice.com/zh/hongkong/r-%E5%8F%81%E6%8B%BE%E5%A3%B9%E9%AB%98%E7%83%A4%E5%90%90%E5%8F%B8-%E8%8D%83%E7%81%A3-%E8%A5%BF%E5%BC%8F-all-day-breakfast-r558223.原來呢間係由荃灣搬過嚟,當年我未及幫趁就出走咗.
繼續閱讀
由於今早要看醫生，就在油麻地附近找一些咖啡店。在搜尋下，大部分的cafe 都是11時始營業。而這家吐司小店已經在八時許營業，一於去試吓。走過果欄，經過一些店子，在轉角處發覺一間有趣的小店。這家店很有台式風格，雖然面積細小，但卻的骰有趣。迎面是店外站立位置，設有小盆栽，舊式木卓配上水泥牆和鐵網玻璃窗，很樸實的樣子。店內有兩個座位，牆壁寫滿意思字詞；另一邊就懸著綠色植物，「早餐要吃好，人才沒煩惱.] 芝麻花生吐司早餐$33這吐司烘得又脆又香，麵包厚薄剛剛好，每一口都吃到醬料。芝麻醬味道濃厚又天然，輕輕的甜，混合花生醬和牛油的甘香，原來芝麻和花生就是這樣合拍，是簡樸的滋味。熱奶茶的味道很不錯。奶茶入口順滑，有茶味，又有奶滑口感，是地道的港式奶茶味道。吃過吐司早餐，能量滿滿的去看醫生。
繼續閱讀