41
2
0
以上資料只供參考, 請與餐廳確認詳情
食家推介
相關文章
Ovo cafe裝修完之後聯同大飯糖推出新menu，餐牌上部分菜式含蛋、奶或五辛，有清晰表示素別。特上套餐賣相精緻，食完都幾飽，套餐價錢根據主食嘅價錢而定。特上套餐 Jumbo Set1. 餐湯/沙律2. 小食3. 主菜4. 甜品5. 飲品芒果金柚有機沙律紫薯甘栗餅 (含蛋)紫薯甘栗餅好好食，外皮炸得酥脆，但一D都唔油，入面嘅紫薯餡質感綿滑，夾有栗子粒。旁邊伴有2塊素蝦片，幾香脆。忌廉汁芝士焗西蘭花 (含奶)呢款小食亦有純素版本，不過要另加$10。西蘭花表面鋪有芝士，勉強有拉絲嘅效果，但我覺得芝士嘅份量唔夠多。芝士田園野菜玉米石斑扁意粉 (含奶) ($148)石斑嘅質感似Green Common嘅素魚柳，醬汁用上粟米湯整成，所以整體感覺唔會太膩。韓式野菜蟲草花炒粉絲 ($138)清清哋嘅炒粉絲伴有少少麻油味。配料有本菇、蟲草花、椰菜等。宇治金時表面放有紅豆同糯米糰子，底下似係抹茶味嘅蒟蒻，味道比較甘。新鮮水果盤檸檬冷萃荔枝烏龍茶似飲緊凍檸茶。風乾白桃烏龍茶 (熱)
繼續閱讀
以往常去午餐，因為除了環境靚，也認為這是一間符合健康飲食又好味的餐廳。但現在的餐單，似乎與健康飲食不符。我通常幫襯它的輕食餐，但是：（1）甜品太大，除非一心來食甜品（2）小食中大部份是煎炸物，高油脂與健康不符，只能選擇西蘭花，但前菜已有沙律，小食又只能揀西蘭花？所以，建議小食中的甘薯不要油炸及配蝦片，如果是蒸甘薯之類，對因為注重健康飲食而幫襯的顧客，可以多一個選擇。如果餐單能改一下，我也會多些來吃午餐呢。
繼續閱讀
OVOCAFE相信大家都唔陌生，出名出品靚味道唔差，不過以往偏西式新派素食為主。近期同大飯糖一同搞搞新意思，OVOCAFE 2.0捲土重來下，菜式更多元化。同以往更大轉變係，更多variety，好多都可以走蛋奶轉素芝士等，全素蛋奶素等唔同顧客都可以因應自己需要選擇。不可能菠蘿石斑漢堡伴芒果柚子沙律 HKD 128 （Rating: 8.7/10) 野菜蟲草花炒韓國粉絲 HKD 98 (Rating: 8.5/10) 鹽酥素雞脾+川辣杏鮑菇 HKD 52 (Rating: 9.0/10) ［全素含五辛］痴線呢個好推薦！香口得嚟食落唔油膩，辣椒加上啲五香粉，以及好似蝦米形狀嘅炸蒜，川辣味道突出。配襯好爽口嘅炸杏鮑菇有啲似食緊雞肉🤤至於素雞脾其實係酥炸腐皮卷，一咬落去脆卜卜，但好得意保留到水分同少少腐皮嘅煙韌十，食落唔會成啖油又嚡又乾，加少少鹽調味已經好香口😙芝士忌廉焗西蘭花 HKD 52 (Rating: 7.8/10) 意大利蔬菜湯伴純素麵包 HKD 48 (Rating: 8.2/10) ［全素］每日餐湯唔同，當日咁啱係菜湯，不過佢比一般茄膏溝水足料，成碗湯明顯多蔬菜再blend. 味道以南瓜、甘筍為主，清楚仲食到蔬菜嘅質感冇打到全碎。雖然冇列明，但飲到應該有洋蔥，食齋自己酙酌。全素麵包同burger嘅麵包有幾分相似，帶有幾分麥味唔甜唔油，偏乾身帶嚼勁，建議點湯一齊食，否則乾到有啲似食緊光酥餅😂宇治金時爺爺 HKD 85 (Rating: 8.8/10) 七色花茶 HKD 58 (Rating: 8.0/10) 花茶都幾足料，淡淡地嘅花茶用作消滯一流。薰衣草、菊花等都係飲落舒服溫和，唔會太刺激。認真，注意健康素食嘅朋友喺度會有好多選擇，而且唔需要犧牲味道實屬難得（大家都知健康餐係咩料啦）環境靚好多花草可以影🌸燈光亦比以前光猛，幾適合一班朋友一齊慢慢傾計。就算唔係素友，想必都總有好多吸引都大眾嘅options, 單係甜品已經三版menu…😂
繼續閱讀
今個月個schedule 幾乎full哂，今日難得可以休閑下就約左個朋友去銅鑼灣食晏，食完晏行個街，然後就book左去灣仔按摩，以前一個月點都最少會按一次，但自從疫情後我就再無keep住按摩，今日有時間就鬆一鬆。.按摩完成個人爽哂，由於我哋仲未肚餓所以就四圍搵下有無甜品食，行行下見到OVO x大飯糖呢間素食餐廳有甜品，見到餐廳裝修好靚好多花好園藝feel 我地就入左去食。.乳酪雪糕 $45近排愛上乳酪雪糕無咁甜，酸酸地好好食.北海道3.6軟雪糕香蕉朱古力西多士 $58雪糕幾重奶味，不過好快溶。西多士有驚喜，西多微脆入面既朱古力唔會好甜，I like !.椰皇燉桃膠樹記腐竹糖水 $58冬天除左要食雪糕外，都要食返啲滋潤既糖水補下既😂腐竹糖水唔會太甜，不過配埋桃膠就有少少唔夾🤔可能我對桃膠一般般(´▽｀)
繼續閱讀
OVO Cafe X大飯糖前身為OVO Cafe，一直以來口碑不俗; 隨後跟隨名家品店OVO Studio和OVO Garden，搬到舊灣仔街市。這橦三級歷史建築，以前方的船形流線設計為重點，呈現典型的Bauhaus建築風格。現在為OVO Studio增添現代藝術的元素，而cafe跟大飯糖的聯乘則加強了幸福感，是為優質生活。餐廳充滿著園藝設計和擺設: 綠化的牆身、蘭花處處、後方的盆景、拾級而上的多款植物，配上多張用實木製成的桌椅，有一種如在庭園中用餐的感覺。餐廳的氛圍溫暖喜悅，那種溫暖不只是光潔明亮的燈光和裝潢，是一種真正的溫度。🌱 所看到的客人都是輕鬆愉快地，一邊談笑一邊享用左美食，是人與人之間的幸福;🌱 選擇素食是對動物和地球的關懷;🌱 餐廳上上下下，由老闆到前線到宣傳員工，為客人送上美味素食的背後，更蘊藏著當中的心、用心和親切有善的服務，照料客人的身心。我欣賞餐廳的:於我曾到訪過的素食餐廳中，它是最全面的: 不論於味道、裝潢、舒適度、價格、服務等等; 即使對比普通的餐廳亦完勝。我的用餐體驗正如餐廳的理念一樣 “Eat good, feel good, do good” ，
我實在很喜歡。如你有進行靜觀飲食，你可同時細味我創作的小標題，那是我品嘗每道菜式後的感覺和體會。此外，由於吃素人士注重素食的分類、食材的配搭、調味、以及營養的均衡，因此我亦寫上分類和所吃到部分菜式的食材，以供參考。I 鮮果沙律 I 「麻雀雖小，但五臟俱全。」吃素講究食材，從一碗多元化的沙律中，就看到餐廳誠意滿滿。吃得清爽舒心, 胃口大開。材料：鮮果（西柚、芒果、西瓜、香蕉、菠蘿）、果仁、松子、葵花子、炸燕麥皮、藜麥、蕃茄和沙律菜。I 甘筍湯 I 「純粹的美好」以甘筍打成的熱湯，暖橙色系的湯面灑有少量香草。每一啖都是甘筍蓉，甘筍味天然清甜，好滿足的口感。I 川辣脆炸杏鮑菇 • 鹽酥雞髀 I . “Why not be sugar and spice?”(辣、五辛) 杏鮑菇菇身爽脆，川椒粉惹味。最特別的是鹽酥雞脾，造型以木棒支撐著一卷炸腐皮而成。外皮脆身，內裡的素雞肉一絲絲，一絲不苟。儘管內外的材料相同，仍能以烹飪魔法做出不同的效果。I 紫薯甘粟餅 I 「山系的甜」(奶) 炸皮薄身，入口香脆，內餡香甜滋味，有紫薯蓉和甘粟粒，紫薯味濃郁。即使套餐裡不可選擇這款小食，我仍然堅持一定要單點必吃。I 瑪嘉烈特芝士薄餅 I “Simple is better, less is more.”(奶) 羅勒葉新鮮，滿口清香; 香濃的芝士香氣四溢，芝量多呈拉絲。Pizza餅底薄脆香口，非常 crispy! 比很多餐廳做得更出色。I 油漬番茄羅勒醬松子意粉 I (五辛) 意粉唔單止有蕃茄,羅勒醬,松子還有粟米心,蕃茄乾,紫洋蔥粒,意粉軟硬適中,酸溜溜的蕃茄乾和菜式配搭好均勻。I 呂宋芒果沙冰 I 啖啖芒果蓉沙冰，真材實料。
I 鮮果爺爺 I 「果漾椰椰」(奶) 牛乳雪糕聳立在椰皇上，鮮果下的底層內有乾坤，是用椰皇水做的啫喱。啫喱晶瑩剔透，味道清甜，好重椰皇味。鮮果: 芒果、西瓜、香蕉、菠蘿I 鮮果芭菲杯 I (奶) 同樣是香甜的牛乳味雪糕和鮮果，底層還有細細粒的小丸子和蒟蒻，口感好豐滿。
繼續閱讀