3
1
0
電話號碼
26577898
營業時間
今日營業
07:00 - 20:00
星期一至日
07:00 - 20:00
以上資料只供參考, 請與餐廳確認詳情
後悔太遲先發現德記😂第一次食牛腩麵會飲埋D湯，其他店D湯都好鹹。我叫左豬手同牛肚 全部都淋 夠入味！豬手冇染色 加分👍通菜加腐乳醬 好食😋一定再幫親大家要多幫親小店
繼續閱讀
今次男朋友帶黎天瑞街市德記食崩沙腩河，舖仔細細只有2-3張枱但好企理乾淨。平時唔鐘意食肥肉同牛腩既我都覺得好好食一入去老闆好熱情咁打招呼，平時去慣既熟客仔老闆會記得哂佢地鐘意食咩同飲咩，崩沙腩既筋同肉比例好正，唔會好似出面食牛腩河咁感覺成口油淋淋
繼續閱讀
✨雲吞牛腩麵$41📝 牛腩有五舊、雲吞有兩粒。麵爽口彈牙，牛腩炆得好入味😋夠曬淋。雲吞皮薄，食落好大陣麻油味！蝦仁都算彈牙爽口，湯底都好濃牛腩味。仲送條菜，但就太淋。女仔表示食完吾夠飽，下次要加底先！
繼續閱讀
〖 天瑞篇 -- 德記潮州魚蛋牛雜粉麵 〗💛 天瑞街市盡頭嘅黃店！😋🍜 鮮蝦雲吞河 -- $30🤣 如果我住喺天瑞，肯定日日走去新北江食野... 其實天瑞其實係有黃店架！呢間喺街市盡頭嘅粉麵店，喺正對住天瑞邨個入口位度~ 位唔多，都闊落，老闆娘都好nice~ 🥢 我好鍾意食鮮蝦雲吞，所以就叫了雲吞河，不過凍熱飲品都要加9蚊實在太貴了，所以我就無加了，小失望~ 細細一碗雲吞河有成5粒雲吞！仲要粒粒都好足料，蝦肉夠哂彈牙，正！至於河粉就正常啦，辣椒油都正常，睇落細碗但食哂成碗都幾飽下的~ 🙆🏻♀️ 天瑞街坊快啲去食啦‼️‼️💰 人均消費: $30-50🥡 皇遞: 未有🙅🏻♀️~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •📈 評分💗 幸福感: 7.5/10🤑 抵食程度: 7/10👩🏻💼 員工服務: 8/10🪑 餐廳環境: 7/10⏳ 等候時間: 唔使等位，食物都係幾分鐘✏️ 整體評分: 7/10~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •📌 地址: 📍天水圍天瑞路9號天瑞商場地下天瑞街市T46號舖 (天瑞邨方向入口位)~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • 💛每次消費都係一次選擇，當你選了沒表態的店，就是放棄了一次懲罰黃店的機會。請盡能力餐餐食黃店。~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •
繼續閱讀
雖然相醜，但無阻食物嘅美味🙈原本想食豬手+水餃河粉，但係再望真啲個店名同餐牌，唔食翻樣招牌餸好似對唔住佢哋，於是嗌咗牛雜+水餃麵😂呢間位於天瑞街市內，係啲街市出口隔離，如果唔識路/搵唔到，可以圍住個街市嘅外圍行就ok。影餐牌個陣偷偷睇去入面，見到都有幾枱位比客人坐。首先講下金牌牛雜，真係名副其實！啲牛雜首先份量多，係良心小店😭可能呢到已經係街上面某啲食水深啲嘅店嘅細牛雜份量。有時食牛雜會有啲臭味或者咬好耐都咬唔完，呢間嘅牛雜都冇上面嘅問題，仲要配湯底都夾同入味。而鳳城水餃超足料！大大粒，大過隻匙羹，我睇到個陣都好驚訝！😂最後個麵都唔錯！平時唔知點解好抗拒食麵，但呢間條條分明，彈牙有咬口，唔會淋patpat👍🏻 份量都夠，如果係我食量(可睇翻我自介)，今日嗌埋凍檸水，都7成飽😂(sorry大食囉)p.s. 辣醬額外比，可以試下辣唔辣再決定落幾多，又唔會比啲湯索曬搞到極辣，好細心💜
繼續閱讀