72
44
13
餐廳: | alfafa (樂富廣場) |
---|---|
資訊: |
為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。
詳情可瀏覽:https://www.wastereduction.gov.hk/zh-hk/waste-reduction-programme/food-wise-hong-kong-campaign
開飯介紹
餐廳選用天然健康的優質食材,如無激素的牛肉及雞肉製作西式料理。餐廳坐位闊落,設計時尚,適合和家人或朋友分享。
繼續閱讀
營業時間
今日營業
08:00 - 22:00
星期一至日
08:00 - 22:00
公眾假期
08:00 - 22:00
公眾假期前夕
08:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
今日午飯時間同同事去咗呢間食西餐,叫了Y5 Alfafa海鮮飯。店員首先上餐湯同餐包,餐湯係金黃色既南瓜湯,餐包又煙煙韌韌,配牛油真係一流呀!呢個海鮮飯係廚師推介的,有四隻藍青口、一隻烤虎蝦,仲有蜆肉,魷魚,同大西洋鱈魚柳,飯就係金黃色嘅,真係色香味俱全,貴少少都抵呀,餐廳環境又坐得舒服,店員服務都好好啊!
繼續閱讀
今日嚟樂富行UNY見到呢間Alfafa,估唔到服務同食物質素都唔錯👍🏻是日餐湯係南瓜甘筍湯,餐飲可免費配有機茶,我哋叫咗蘋果茶同埋雜莓茶。加錢又可升級其他飲品。All Day Breakfast黑松露醬炒蛋•炸阿拉斯加魚柳•雞肉腸•煙肉•火腿扒番茄• 炸迷你薯餅•alFafa招牌沙律•法國牛角酥聽個名就覺得好豐富😋炒蛋滑溜,成個combination 好平均,有菜、魚同肉,而牛角包🥐都唔錯。大西洋鱈魚柳照燒汁炒意粉大西洋鱈魚肉質厚實,照燒汁有日式風味,無西式芝士醬咁油膩。呢度嘅甜品好吸引呀😍今次試法國芒果熱情果蛋糕,賣相好精美,有法國feel!🛎️必試指數:8/10🔆
繼續閱讀
第一次光顧食早餐,門面早餐牌吸引光顧,可能還早當時餐廳唔算多人,見服務員吹水,但Order 嘢食時,差服務態度、很無禮貌早餐食物ok , 但服務員需要改善態度,不應在客人問嘢無耐性又竟很串回應客人,餐廳有收服務費就要注意改善!
繼續閱讀
今次試咗Alfafa嘅早餐,正!Egg Benedict嘅蛋白柔滑得嚟,蛋黃流心,戳破咗個黃金流淌得好滿足😌。加咗king oyster mushrooms,真係香口得嚟有咬勁,超正。Morning glory and sesame bun超出預期,外皮酥脆,芝麻香味襯得起啲菜,唔係普通包包那麼單調。配搭杯Matcha latte,溫潤嘅抹茶香味與咖啡間唔中嚟點醒神,順滑嘅奶泡,與coffee亦是match得好。這份餐單,食物之間互相襯托,口感層次分明,人一試就難忘記。不過,如果你係咖啡控,個hot coffee又真係溫暖心房,咖啡香濃郁,醇厚又唔苦,真係啱曬現代人忙碌生活裡嘅一個暖心暫留。 餐廳嘅氣氛舒適,食物質素有保證,我覺得朝早行過嚟,食個早餐開始新一日,真係咁上下開心啲🌞。吃得開心,開心吃,Alfafa真係做到咁簡單嘅快樂。下次再嚟,我會試吓其他推介,希望都有驚喜。
繼續閱讀
從來冇試過有咁差服務既連鎖餐廳第一 落單揀嘢飲可以選擇唔要冰,結果杯嘢飲少咗三份一 …仲要有職員特登攞個空杯裝啲冰出黎話比我知佢地本身杯冰有幾多,做咩呀而家係?!第二一間連鎖餐廳可以唔夠現金找續,但係餐廳隔離本身已經有間銀行分行喺度,唔夠散紙既行過隔離分行唱散紙真係有咁困難咩?咁樣係做生意既態度黎架原來?雖然野食唔算差 中規中矩,一般連鎖店既質素但係咁樣既服務質素,真係連普通小店都不如,以後都唔會再幫襯呢間野!
繼續閱讀