54
7
2
元朗西鐵站F出口沿Yoho Mall指示牌方向行，穿過天橋向左轉行二百米
繼續閱讀
電話號碼
22178862
營業時間
今日營業
11:30 - 00:30
星期一至日
11:30 - 00:30
以上資料只供參考, 請與餐廳確認詳情
有關獎賞計劃
今日嚟到元朗呢間 巴打火鍋館 就算天氣熱辣辣都係要打邊爐㗎😆 一入到去冷氣好夠 座位闊落 非常適合打邊爐😇 入到去坐低睇睇點餐紙 淨係湯底嘅選擇已經有好多 食物種類都好齊全 睇完再用QR code落單 好方便～ 坐低見到星期日至星期四嘅優惠 係8:30前入座嘅$1雞煲或者全單88折呀🤩 因為我哋都係想打邊爐 就要咗全單88折 揀好嘢食就落單啦😬 川味麻辣湯底 $118好快火鍋湯底就嚟啦 喜歡食辣嘅我哋梗係試吓佢個麻辣湯底啦 一上枱就已經好香 今次揀咗小辣中麻 唔算好辣 喜歡佢嘅麻味 啱啱好😋 湯底入面有好多配料 有芽菜、萵筍、木耳、豬紅、仲有紅薯粉 好正😆 鬼馬炸油條 $68等緊湯底滾嘅時候 梗係食吓小食先😋 呢個油條炸得香脆唔油膩 配埋墨魚滑同蟹籽 好好食！ 炸物雙拼 $58鍾意食響鈴又鍾意食油炸鬼嘅我哋 就揀咗雙拼 兩樣都新鮮炸得香脆 一上枱嘅時候已經勁香 響鈴超大嚿 淥幾秒就食得 吸哂湯 超好味😋 爽口牛胸油 $88新鮮切得夠薄 淥一陣就食得 爽口得黎又唔會覺得油膩～ 芥末魚籽丸 $48丸子夠彈牙 配上淡淡芥末味 不錯～ 美國雪花肥牛 $138呢個牛切得好靚🤩 油脂分布平均 又有牛味 淥幾秒就食得 食多幾嚿都唔會覺得膩😗 大推👍🏻 紐西蘭羊肉片 $98呢個羊肉片都好靚 食落唔算好勁羊臊味 仲有少少爽口 正👍🏻 讚岐烏冬 $22好耐冇食過呢隻粗身嘅讚岐烏冬 煙韌有咬口 吸埋啲辣湯 好好食😆 秘製黑松露餃子 $58細細地半份啱啱好 食落好香黑松露味 餃子脹卜卜 咬開仲有肉汁😇 整體嚟講 呢間 巴打火鍋館 環境舒適 服務態度好 食物質素真係不錯 又有多一個打邊爐嘅選擇啦😌
繼續閱讀
【原生椰子雞鍋】呢度呢原生椰子雞鍋好出名，真材實料，係將新鮮嘅椰子切開，用佢嘅肉同椰水煮成湯底，總共落咗三個椰子，係三個咁多，真係第一次見，佢係落完椰子之後，再落支裝蒸餾水，即係完全冇添加。🥹🥹🥹 之後，再加入新鮮雞件，椰子嘅香味同埋雞肉嘅鮮嫩多汁，令人回味無窮！🥥🐓☺️【本地新鮮手切吊龍】手切吊龍一上枱影睇得出顏色好靚嘅鮮紅色，一睇就知好新鮮彈牙，輕輕喺鍋入邊淥10-20秒，一啖食落去啲肉質鮮嫩多汁，非常美味。😆😆😆【自家手打墨魚滑】最後係呢款自家手打嘅墨魚滑，手打嘅質感特別彈牙，保留咗墨魚嘅鮮味同獨特嘅口感，食得出粒粒墨魚肉！🦑👍🏻👏🏻呢間餐廳真係幾好，而且地理位置又方便，下次一定會再嚟 。🥹❤️
繼續閱讀
店員會即場為你泡製椰子雞鍋，倒入3個椰子水，真材實料加入雞件煮，湯滾後再焗3分半；一開始我哋先飲湯，椰子雞湯超級清甜！雞有半隻，份量足夠兩人食，雞肉嫩滑，好味，多雞髀既部分呢個椰子雞都係1蚊雞煲優惠，另加30蚊！即係原本二百幾既椰子雞30蚊可以食到，超抵！牛方面，點咗馬扇古吊龍伴，牛味香濃有咬勁，都唔錯脆脘魚腩片真係好味，魚肉香又夠爽脆，會有一兩條魚骨，食既時候要注意黑栢葉都爽脆，加埋吸晒椰子湯汁既皇帝菜食，味道甚佳嘢飲方面，叫咗兩杯特飲，咸檸七、檸檬柚子蜜都份量充足，適合打邊爐飲佢有1蚊雞或全單88折優惠，計過係揀1蚊雞優惠較抵！
繼續閱讀
唔係冬天先可以打邊爐🍲嘅夏天都可以😌呢度好正有多種唔同嘅湯底✨鍾意養生嘅我當然會叫佢養生湯底鍋系列之一⭐️（椰汁花膠燉🐥雞鍋） 打邊爐除咗湯底好之外食材都要好新鮮👍🏻今次店員推介我叫我哋試吓佢哋個騸古吊龍💥真係好有肉味好正😍之後我哋揀咗新鮮手切肥牛添🐮✨佢哋仲有🐽豬天梯啊唔係度度有好好食， 爽口兼彈牙😀🙌🏻除咗打邊爐之外我哋都嗌咗個小食屋估唔到咁好食，就係椒鹽脆骨腩🌟一啲都唔油膩， 而且炸得好鬆化佢哋仲配左喼汁配埋醬汁食嘅時候更加有層次感😋佢哋仲有手打檸檬茶添個茶底都幾好🍋👍🏻呢度食物質素都好之外， 服務都相當唔錯， 店員個個都好Nice😀🫶🏻佢哋對面就係YOHO Mall商場嘅嘢食唔啱嘅話真係可以嚟呢度試吓😉交通又方便🚝🚘🚖
繼續閱讀
元朗雞地美食雲集，今日放工就約咗朋友去食晚飯，我們就決定試試這間位於鳳攸東街好順意大廈地下的「巴打火鍋館」。店內餐桌頗多，而且很闊落，地方乾淨。火鍋醬料椰汁竹笙燉雞鍋 $218椰汁竹笙燉雞鍋味道濃郁，雞件嫩滑，竹笙爽口，加埋杞子等配料，感覺很滋潤，我們都先喝幾碗湯，再把湯底打邊爐。新鮮騸古吊龍（細） $248牛肉真的很新鮮，而且很有咬口，絕對唔係韌，而且很有牛肉味，我們叫的這碟只是細碟，但份量已經這麼多。桂花蚌+珊瑚蚌 雙拼 $138新鮮爽口彈牙，份量十足。自家手打墨魚滑 1支 $48墨魚滑QQ彈，最好的是可以一支一支咁落單，份量唔會太多，人少少打邊爐最適合不過。皇帝菜 $48皇帝菜新鮮青綠，打邊爐最鍾意食皇帝菜係因為皇帝菜本身獨特的味道。可樂 $16打邊爐又點少得汽水呢？我最鍾意就係飲可樂啦。
繼續閱讀
您可能會有興趣的...