3
0
0
電話號碼
31134949
67709183
以上資料只供參考, 請與餐廳確認詳情
相關文章
第一次寫食評，老實講，唔係真係超級識欣賞食物。淨係可以話俾人聽好食唔好食。呢間餐廳好耐無人寫過食評！而我就第一次黎呢度食附近番工，就周圍食下野！今次呢到呢個熟食市埸！$26，肉燥雞扒撈拉麵 連 凍珍珠奶茶本身想食鹽酥雞肉燥飯，不過2:15黎到卻已經賣哂飯。呢度無下午茶餐，選擇亦唔算好多！「今日推介」就有5個餐！食落D拉麵酸酸尾尾又幾開胃，食物客觀D黎睇，其實唔係一食難忘，但呢個時勢，$26你求D咩？我覺得物超所值。而個珍珠奶茶本人覺得好味過貢茶果D，飲到茶味之餘，果浸甜味又唔係貢茶果種好突兀唔夾既果種甜味，珍珠爽口彈牙又唔太黏韌。最最最加分既係，老閭上餐時，會有溫馨提示，呢個飯餐既特別地方，自豪地標榜一下無落味精，用料上盛，所用既茶引以自豪。我覺得，唔係驕傲，而係對食物既一份熱誠同執著。今次亦送左鹽酥雞俾我試下，再加幾句，最緊要食得飽，食得健康！當中亦有聽到佢對唔同食材既一D閒聊，感覺佢應該對食材都好了解，點樣好點樣唔好，而佢就追求新鮮，唔落防腐劑等等。即整即食，仲笑言「有次有D客埋黎問要等幾耐，佢就話唔等得就唔好食，呢度樣樣都即刻新鮮整俾你」單單係佢既熱誠，仲親切，已經為食物加加加加加好多分 附: $26基本上佢話轉乜都得，麵底可以轉，轉出前一丁都唔洗加錢，汁茨可以轉，叫飯/河粉等等，叫佢加多D都得。
繼續閱讀
又嚟呢個熟食市場,見到個招牌以為有D日式食品,但係俾個招牌呃咗,午餐有5款,成個星期呢款式都set好,當然以港式為主台式就有D,日式就欠奉,呢檔最近厠所位,雖然都隔咗幾十呎咁遠但仍然有D味,所以做外賣多,堂食就得兩三張檯,多數係學生妹幫襯.今日食咗個炸排骨肉燥飯同椰汁珍珠奶茶($22),响呢度最貴嘅一餐都係咁平而已.椰汁珍珠奶茶有椰汁味無茶味,珍珠亦少,炸排骨竟然係新鮮炸起或者番炸,入口熱辣辣又夠脆口,好正!肉燥都幾好味,出乎意外!.呢個熟食市場午市只得5檔,現已食咗4檔,下次食埋個檔就嚟個總結.
繼續閱讀
上星期有晚要開會開會前食定飯打底記起同事話呢度d飯餐抵食又叫左黑椒蘑菇雞扒飯跟茉香珍珠奶茶送埋外賣都只係20蚊果然係抵食相信因為係晚飯時間所以等左唔駛十分鐘就有得食黑椒蘑菇雞扒飯既黑椒汁份量多,夠撈飯,但蘑菇就無晒影,雞扒切碎上易食,味道一般茉香珍珠奶茶較甜無茶味服務一時時有時幾有禮貌但之前試過叫麵食有陣酸”叔”味
繼續閱讀