影片
港鐵炮台山站 B 出口, 步行約5分鐘
繼續閱讀
營業時間
今日營業
10:30 - 19:30
星期一至日
10:30 - 19:30
以上資料只供參考, 請與餐廳確認詳情
相關文章
🇭🇰梅窩麻糬王·呢間我已經買過好多次啦 食過咁多間都係最鍾意佢個質地 而且因為佢而家開咗好多間分店 好輕鬆經過就可以買到😈·原味$25/6個 l 朱古力味$35/6個不過可能因為佢依家去流無咁快 佢即買凍咗冇咁好食 一定要返屋企焗返熱先會出面脆 入邊煙靭😍今次試咗佢朱古力味 朱古力味超濃 而且入面仲有啲朱古力粒 焗完之後微微溶化 好好食🍫原味就同之前一樣都係好香芝麻味同蛋味 超香🥚🤤·#rbyeat#rbybakery #rby北角 #rby炮台山 #rby灣仔 #rby筲箕灣 ·📍北角電氣道302號地舖📍灣仔灣仔道110號地舖📍筲箕灣東大街76A號地下B1號舖📍長沙灣元州街334號南廬大廈地下5號舖📍荔枝角青山道489-491號香港工業中心A座地下A5C號舖
繼續閱讀
近期周街開咗好多間賣麻糬波波嘅店舖🤓，呢間梅窩麻糬王就係其中一間，而且開咗好多間分店，呢日經過油麻地好景，竟然都開咗間，仲要唔使排隊🤪，咁梗係要買番兩袋啦，麻糬有原味、朱古力味、紫菜肉鬆味同雙重芝士味，除左原味$25/6粒，其他都係$35/6粒😆❣️朱古力味麻糬波波$35/6粒呢間麻糬波波嘅特色就係比起其他店舖做得更加煙煙韌韌，特別推介朱古力味，味道濃郁，好似食咗成排朱古力咁🍫❣️雙重芝士味麻糬波波$35/6粒芝士味香濃🧀，如果再焗返嚟食會更加好味，凍食芝士味冇咁出🤓🏦是次消費總額 $70👅好味度：8.5（10分滿分）呢間麻糬王十分推介，首推朱古力味麻糬波波，其次芝士同紫菜肉鬆都好味，好景呢間梅窩麻糬王反而比較少人排隊，所以經過成日都會買到，有時新鮮出爐熱辣辣，$35仲可以揀2隻口味，推介👍🏻
繼續閱讀
作為麻糬控，真係會好想試哂唔同店鋪嘅麻糬波波！呢間梅窩麻糬王近年好出名，仲越開越多間分店，今次嚟到北角呢間分店，離遠行緊去都聞到香噴噴嘅味道，忍唔住買返包試下～雙重芝士麻糬(6粒)💰HK$35口感煙煙韌韌，芝士味濃郁，一咬開就發現中間充滿住芝士，好味又邪惡，令人忍唔住想一次過食哂6粒～下次經過會再試埋其他口味，款款好特別好吸引～
繼續閱讀
唔知有冇人同我一樣，由細到大都好鍾意食麻糬波波😍煙煙韌韌，而且有好多唔同嘅味道選擇，的確係好多小朋友嘅至愛☺️梅窩麻糬王最出名嘅一定係佢煙靭嘅質地，的確佢比起坊間普通麵包店嘅麻糬波波係真係唔錯！仲有好多味道選擇添😋我自己就最鍾意佢嘅朱古力味，濃郁得來又不失煙人嘅口感。另外原味嘅麻糬波波都唔錯㗎 ！當然最有驚喜嘅就係佢嘅芝士味，我一直都覺得香濃嘅芝士味配埋煙煙韌韌嘅麻糬波波口感真係好夾，經過嘅朋友仔不妨可以買一包試吓😋
繼續閱讀
不嬲都好鍾意食麻糬波波估唔到而家麻糬波波，已經進化到，可以入邊有唔同嘅餡料！傳統嘅芝士，朱古力，都唔算新奇呢個梅窩麻糬王主打每日唔同時段，都會有新鮮出爐嘅麻糬波波而且之前經過佢哋舖頭出邊，都成日見到大排長龍。而且佢哋嘅餡料竟然係超級邪惡嘅肉鬆紫菜味，一咬落去鹹香味好濃郁，而且同麻糬波波嘅外皮好夾，令人忍唔住一口接一口。睇咗之前啲食評都投訴話入邊比較油膩但係我個人就覺得可以接受唯一要注意嘅，就係麻糬波波一隔夜，就會變硬，唔好食！所以記得要新鮮食啊！
繼續閱讀