96
7
7
港鐵銅鑼灣站 F2 出口, 步行約4分鐘
繼續閱讀
電話號碼
67119298
營業時間
今日營業
07:00 - 21:00
星期一至日
07:00 - 21:00
*截單時間：20:30
以上資料只供參考, 請與餐廳確認詳情
食家推介
相關文章
Happy Cafe opened a while ago. A basic cha chaan teng but a joint venture between 快樂餅店 Happy Cake Shop (an old school bakery from Wanchai) and 顺景茶餐厅 Shun King Tea Restaurant, an old school cha chaan teng from Wanchai that had closed down. Both decided to combine their forces and create a cha chaan teng with a bakery outside in Causeway Bay.Menu is in English and Chinese. There is no 10% service charge and you pay on your way out. They offer basic cha chaan teng classics.I decided to get the regular set with a Chicken Leg in Swiss Sauce and Stirred Instant Noodles ($58). Set includes a drink, scrambled egg, slice of ham and a daily bread. The daily bread was a mini pineapple bun which was actually the best item. Buttery and soft. Not dry. The egg on the other hand was a bit dry. The ham was just regular ham.The noodles didnt have enough sauce so it was a bit on the dry side. The leg also a bit over cooked and the meat was dry. It didn't have enough flavour as well.It seemed the best item was the bread but I don't think I'd be back. There are far better cha chaan tengs in the area.
繼續閱讀
以前間唔中都會去灣仔嘅快樂餅店食忌廉筒同沙翁，自從結業後都心思思想食，好彩快樂餅店聯同同樣係灣仔老字號嘅順景茶餐廳係銅鑼灣重新開店❤️新店位於銅鑼灣蘭芳道，週末同爸爸2人落街食個早餐重溫當年味道。快樂忌廉筒 $15必食！快樂忌廉筒係每日人手製作❤️外層酥皮入口即化，香脆鬆化亦帶有空氣感，而忌廉內餡主要由忌廉、牛油和糖膠混合而成，口感幼滑香甜🤩紅豆沙翁 $13面頭鋪上砂糖，外表酥脆，內裡鬆軟充滿蛋香，再加上煮得綿滑的紅豆餡，甜而不膩👍雞蛋沙律香脆牛角包 $38配熱奶茶牛角包外層酥脆，內層柔軟，而且仲充滿牛油香味🧈再加上豐富的碎蛋沙律餡料，賣相和味道同樣吸引。順景的熱奶茶依然出色，茶醇厚而味道濃，同時不失奶香和滑☕️新鮮蕃茄濃湯午餐肉粒通粉 $38配煎雙蛋 及 脆皮菠蘿包 及 熱檸水番茄湯盡是茄蓉，帶微微濃稠，酸甜味道適中，而午餐肉粒煎得好香脆唔算好油，配搭通粉一齊食，正呀！脆皮菠蘿包的表皮酥脆、呈現金黃色，凹凸的脆皮不僅十分酥香可口，麵包新鮮軟熟，味道香甜但不膩。
繼續閱讀
《懷舊港式情懷🇭🇰》———————————————-#快樂順景 😚-早排經開銅鑼灣，意外發現呢間茶記，被佢門口出面嘅麵包櫃吸引咗🍞 一問先知原來係之前光榮結業嘅快樂餅店同順景茶餐廳所crossover重開嘅😊-❤️ 香蔥櫻花蝦叉燒滑蛋飯滑蛋炒得好濕潤，滿鋪成碟飯，充滿蛋香，加埋香蔥、櫻花蝦，層次豐富🤭 叉燒啖啖肉，帶點燶邊，幾好食🤤-🇨🇭 瑞士汁雞髀撈公仔麵瑞士汁味道略帶微甜，唔會死鹹，調味做得啱啱好，大大隻雞髀拎嚟配撈公仔麵簡直就一流🤣跟餐配火腿炒蛋，最驚喜嘅係特色餐包竟然係迷你菠蘿包，超有誠意😘-另外我哋仲嗌咗兩個包，呢個菠蘿包好特色，上面真係有一片菠蘿🍍菠蘿皮外脆內軟，甜度適中，認真之作😄而白汁忌廉雞批上枱嘅時候熱辣辣，一切開餡料豐富，雞批酥皮牛油味香濃，非常吸引☺️-⭐ 參考價錢︰香蔥樱花蝦叉燒滑蛋飯：$63瑞士汁雞髀撈公仔麵：$58真係菠蘿包：$16白汁忌廉雞批：$16🍌 抵deal 指數：8/10
繼續閱讀
快樂餅店 ✖️ 順景茶餐廳 🟰 快樂・順景兩間40年老字號聯手再開業，喺銅鑼灣開設全新冰室🍴，貫徹傳統茶餐廳美食，新鮮出爐忌廉筒、沙翁、各式麵包🍞，即叫即製沙嗲牛麵🐮、生炸雞髀🍗、西多士🥞等，帶你重拾當年懷舊味道！·〔 快 樂 常 餐 〕常餐大件夾抵食🤩，銅鑼灣區呢個價錢食得飽你而又好食👍🏻，真係唔多。·♡ 秘製沙嗲牛肉公仔麵｜煎蛋火腿｜特色餐包 HKD$58沙嗲牛麵係茶餐廳必叫名物🤤，沙嗲牛肉味道十分濃郁，咸香醬汁撈埋湯食，成碗都係沙嗲牛味😍!! 煎蛋係正反兩面半熟蛋🍳，蛋黃好流心；特色餐包用咗迷你菠蘿包上，係平時唔會食得到嘅配搭，有誠意💗～·♡ 瑞士汁雞髀撈公仔麵｜煎蛋火腿｜特色餐包 HKD$58原隻大雞髀大過我隻手掌🖐🏻，啖啖肉；成隻雞髀都好瑞士汁色，可見幾入味😋!! 公仔麵亦用瑞士汁加色撈勻，甜甜地好易入口。·♡ 真係菠蘿包 HKD$16麵包表面放上原塊新鮮菠蘿片🍍，內餡仲夾雜咗菠蘿粒粒，清甜果肉中和咗包本身嘅油膩感😚，值得一試。·♡ 牛油皮蛋撻 HKD$9牛油撻皮口感鬆化😙，蛋漿味道香甜，好吃😋。·📍快樂・順景銅鑼灣蘭芳道3號地下
繼續閱讀
聽聞快樂餅店同順景茶餐廳頗有歷史，之前光榮結業之後竟然重開有懷舊茶餐廳，當然要支持吓🫶🏻Menu選擇唔少：煎蛋飯、滑蛋飯、快樂常餐、快樂特餐、扒餐同全日早餐飲品更加有多款紅豆冰組合、白雪公主、黑牛呢啲🇭🇰▶️ 雞白湯叉燒湯通粉($58)套餐配火腿、嫩滑炒蛋同特色餐包(+$5轉烏冬)烏冬唔係日式嗰隻，似壽桃牌上海粗麵，食落滑身帶啲煙靭，襯返港式味道湯底亦唔係日式雞白湯，而係茶餐廳常用湯底味道，鍾意佢清得來夠味😋叉燒比想像中好，切得薄身，肉質偏瘦唔肥唔韌，甜甜地🥩特色餐包竟然係迷你菠蘿包，超有誠意😍暖暖地，菠蘿皮微脆，甜度適中，麵包鬆軟有嚼口👍🏻正過淨餐包火腿正常炒蛋可以轉煎蛋或太陽蛋，煎蛋冇太陽蛋咁熟同冇脆邊，不過蛋黃流心🍳個人幾鍾意超like呢個set！▶️ XO醬滑蛋牛肉飯 ($68)好大個啊，上面嘅滑蛋完全蓋過碟嘅size滑蛋炒得好濕潤🥚附有蛋香，炒入紅椒更有口感牛肉雖然差咁啲牛肉味🐂但份量多同軟腍加咗XO醬帶少少辣，十分惹味朋友話鍾意呢個組合▶️ 牛油曲奇皮蛋撻 ($9)成盤啱啱出爐新鮮熱辣辣好吸引🤩慶幸佢係牛油皮，焗到微燶深啡色蛋撻皮厚度適中而且唔鬆散，咬落好似牛油曲奇咁香脆❣️帶少少鹽粒鹹鹹地，平衡返蛋漿甜味蛋漿似布丁，好eggy唔水汪汪，又唔會死甜係近年食過最好食嘅一個蛋撻👍🏻推介！▶️ 快樂忌廉筒 ($15)佢哋嘅招牌！酥皮卷入面裝住大量忌廉，成隻獨角獸角咁▶️ 真係菠蘿包 ($16)上面真係有一片菠蘿🍍不過估計包味道同迷你菠蘿包差唔多▶️ QQ波- 芝士、朱古力 ($5/粒)比起一般size大啲另外有菠蘿皮▶️ 熱檸蜜 (+$6) ／熱檸水 熱檸蜜味道怪怪地🫢檸水比較酸🍋-估唔到佢每個餐都咁豐富大份🤰🏻驚死食客食唔飽，見好多客人都食唔晒要打包啲包😂服務ok嘅，係做嘢急啲，上菜超快但賣相唔馬虎性價比超級高，叫咗咁多嘢都唔使$200!! 包餅亦唔算太貴🍞唯一問題係星期六晏晝太多客人，要等一陣位同埋坐得有啲擠迫除此之外，呢度絕對係一個嘆港式茶餐廳風味嘅好地方！
繼續閱讀