150
17
4
港鐵元朗站 A 出口, 步行約7分鐘
繼續閱讀
電話號碼
61767259
獎項殊榮
米芝蓮必比登推介 (2023-2024)
營業時間
今日營業
12:30 - 19:00
星期一
全日休息
星期二
詳細營業時間
星期三至日
12:30 - 19:00
*星期二不定時休息
以上資料只供參考, 請與餐廳確認詳情
食家推介
相關文章
平日難得早放 又難得經過無人排排排立即點招牌抺茶壓餅 以餅代（蛋糕）為4月壽星女賀一賀佢外皮熱辣辣煎得香脆 一刀切開 抺茶漿慢慢流出 食落味🍵濃郁 不會死甜但滑溜 3x價錢表現合理😌
繼續閱讀
一路都好想試倆口小吃既刈包，不過自從佢哋入圍米芝蓮之後就好多人排隊，根本唔會想走過去食😆咁啱今日見到佢哋開舖冇人排隊，就行過去試吓啦🩷佢哋嘅舖頭位於小巷，如果唔熟架步容易會Miss咗，雖然只係細細嘅一個舖位，但係都裝修得好有心思，而綠色為主題，有長凳可以比客人買完嘢食之後坐喺低食，仲有有壁畫可以俾人打卡🥰今日揀咗嘅係蝦餅刮包同泰式奶茶壓餅，睇住佢哋即整真係好治癒呢！等咗大約10分鐘到就有啦，拎上手係熱辣辣嘅，超級期待！本來諗住拎返屋企食，都忍唔住要坐低即刻食😍食咗一啖先發現呢個決定真係冇錯！🥹佢哋個刈包真係好好食🥹包體超軟熟，綿綿又夠熱辣辣，而且蝦餅夠厚又有汁，一啲都唔會乾噌噌，加上酸蘿蔔同埋生菜，令到個包唔會油膩，連埋醬一齊食，簡直就係Perfect match ！反而壓餅就有少少過於期待，雖然佢真係做到爆漿效果，但係感覺唔係好泰式奶茶，反而食落有少少焙茶味，而且面頭嗰啲椰子脆脆唔夠脆，食落去口感有少少硬，未至於差，但如果俾我揀，我一定會留返個quota食多個包😗總括嚟講佢哋嘅嘢食都好味嘅，但係又未去到米芝蓮推介嘅級數🤫不過間唔時食吓個刈包都唔錯㗎！最後要提返一句，佢哋逢星期一係唔開㗎！
繼續閱讀
📍倆口小吃倆口小吃係近期元朗最hit既掃街必食之一🔥最出名就係刈包同壓餅呢兩樣都係我每次去都一定會食既野❗️無得輸✅🫓韓式泡菜炸辣雞刈包 （$50）望住張相就知呢個刈包既足料程度‼️唔洗我多講🤣入面有舊勁厚身既炸辣雞🐥炸雞係即叫即炸所以入面係非常脆口同juicy❗️一路食d汁一路滴落黎🤣包入面仲有一片片既蘋果、泡菜、洋蔥等等配料同秘製既泡菜芝士醬真係好夾‼️熱辣辣又軟熟既刈包加上脆口juicy既炸雞呢一個真係食完會令你幸福既包‼️🥹信我‼️要試‼️🫔抹茶忌廉芝士壓餅 （$37）壓餅size唔算大個價錢真係少貴但又係一樣值得一試既item👍🏻食呢個壓餅真係要好小心🤣每次一咬入面既抹茶cream cheese 就係爆出黎🙈好濃厚既抹茶甘甜味加奶香味如果你中意抹茶食物既呢個會好岩你🍵🫔芋泥壓餅配肉鬆 （$32）呢款係一個咸咸甜甜味道既壓餅入面既芋泥好香滑亦重奶香味🥛上面既肉鬆就好足料不過我都係中意抹茶壓餅多d😚溫馨提示💕食倆口小吃真係要係食之前拎定張紙巾出黎因為一啖咬落去會有爆汁爆醬既風險🙈🙈🙈
繼續閱讀
唔知大家有冇食過倆口小吃未食過一定要去試吓🫶🏻🫶🏻🫶🏻是一對年輕情侶開老闆是倫敦四季學廚做過好多間米芝蓮佢既功力主要係起挑選食材，非常講究和新鮮，同埋精益求精嘅技法和手藝次次去都賣哂傳統果隻🥲👉🏻👈🏻佢啲食材真係好新鮮好好食😋今次食的是台灣香腸刈包，除了有足量的台灣香腸，還有菜脯、蔥絲、青瓜絲、蒜味醬，即叫即整，包身軟熟有口感，鍾意食蔥嘅人一定好開心，這刈包是滿滿的蔥花😍😍😍而醬汁口味亦非常獨特，一試難忘，好juicy ！喺門口忍不住即刻食，好食到唔想抹嘴住😂
繼續閱讀
今日終於有機會試吓呢間人龍排隊店。可能平日下午關係, 唔算多人。因為唔太肚餓,打算只叫刈包試試。下單時, 店員稱只剩下傳統刈包及菠蘿炸雞刈包兩款可選,最後只好選了傳統刈包。我自己對刈包其實興趣不大, 與 Burger 比較，我更喜歡後者。下單後,可能不太多人關係,幾分鐘已完成可取。傳統刈包加柚子醬--五花滷肉 酸菜 花生碎 莞茜及柚子醬。材料係正常傳統配搭。打開包裝, 看見一層肥一層瘦嘅五花腩肉, 賣相相當吸引。放一片入口肥而不膩,入口溶化。再整個包所有材料一齊食下, 味道相當豐富。但最大問題是個包,不知道是否剛剛蒸好未放涼嘅關係, 個包食落相當黏口黐牙, 希望只是個別問題。整體上,我覺得都值得一試,下次有機會都會試吓其他食物。
繼續閱讀