186
8
2
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
食家推介
相關文章
佢哋最近有個感謝祭嘅活動，只需要$398就可以食到！我之前就試過佢哋灣仔分店嘅感謝祭，覺得性價比超高，所以今次又再嚟試下。真係太值啦！💰💯上次去嘅時候冇坐到鐵板前，但今次係觀塘分店就坐喺鐵板前邊，有一種另外一番風味嘅感覺。😎食物方面同上次一樣，依然係一級棒！味道真係好到爆燈！👌我特別推薦大家嚟試下佢哋嘅感謝祭套餐，絕對唔會令你失望！每樣菜都好出色，啲肉好嫩，海鮮新鮮靚味，炒飯香口，真係令人回味無窮。😋總括嚟講，板神嘅感謝祭真係值得一試！唔止係食物好好味，仲有個超抵嘅價錢！
繼續閱讀
第一次係嚟慶生，依家又嚟慶祝紀念日，已經落入咗本編嘅鐵板燒口袋名單😂。一到大時大節就拎出嚟，包穩陣😌。今次初嚐二人餐，感覺上幾抵，因為最多人食嘅感謝祭要加成三百幾蚊先食到龍蝦，而二人餐就已經包埋，除開嚟計平啲 (前提當然係對龍蝦有興趣啦～🦞)。不過就冇得一人嗌一樣share食試多啲品項，呢點要自己衡量下🤌🏻▪️大豐·鐵板燒二人前 $1680▪️/前菜、沙律、刺身、鮑魚、*龍蝦、帶子、野菜、*澳洲和牛、炒飯、漬物、麵豉湯、*抹茶奶凍/*當日嘅本日海鮮係龍蝦同帶子，主菜揀咗澳洲和牛，是日甜品係抹茶奶凍🌟重點提要：➪ 澳洲和牛食兩次，兩次都覺得厚燒正過薄燒。會問你要幾多成熟，小編例牌答5成，厚厚六件骰仔牛，燒得軟嫩多汁。下次可以挑戰3成，見隔離枱件粉紅色好靚。有別於日本/韓國和牛，澳牛肉感同脂香都兼顧得到，冇入口即融嘅感覺，但就有牛肉嘅𡁻勁，咬下咬下肉味齒頰留香。佢下面墊底塊包都幾有誠意，奶香奶香的，唔怕飽嘅話可以留返一兩舊夾住嚟食➪ 龍蝦、鮑魚用隻龍蝦本身嘅蝦膏，加埋袐製醬汁炒製而成，蝦味濃郁但調味偏鹹。算多肉食，有幾何啖啖龍蝦肉接連擺入口，可惜肉質唔夠結實爽彈。反而鮑魚就真係做到嫩、彈、脆，一啲都唔擦紙膠，不過對小編嚟講一樣鹹咗少少。其實原味已經好夠做，但仍然建議點埋海鮮醬食用，別有一番風味➪ 砂糖吐司公開嘅隱藏菜單，每枱例牌送一份。望住佢落海量牛油嚟煎，將砂糖堆成小山丘，健康關注組人士個心都離一離。唔好睇佢邪惡度max咁，實際上完全唔油膩感，煎得薄脆可口，牛油香氣四溢，仲甜度適中。真·係·好·出·色！成餐飯完美收結📒後記：今次觀塘店冇咗心型炒飯😢，師傅同我哋亦冇太多互動。仲記得尖沙咀嗰間個師傅好可愛，會幫客人set好個靚位影相，又會不厭其煩咁介紹每道菜式🥹。而且觀塘店內籠較細，冇乜私人空間，變相環境都會比較嘈吵🗣️，小編就建議book返其他區喇～
繼續閱讀
之前都聽過好多人提過板神見佢做感謝祭 最平$398就可以食到即刻book左黎試 (我食嘅時間個優惠的確出左冇耐)不過我太懶 又係latergram 而家先post番好彩佢個感謝祭優惠extend再extend而家都仲有食 不過大家都知有幾爆 盡早book定位首先講下套餐有啲咩先【鐵板燒十四品」感謝祭套餐】前菜 沙律 刺身三款 南非鮑魚 緬甸大蝦帶子 白鱈魚 法國鵝肝 季節野菜套餐附炒飯 漬物 麵豉湯 甜品 / 熱咖啡日本豚肉 薄燒$398美國牛肉 薄燒$398 厚燒$448澳洲和牛 薄燒$498 厚燒$548和牛A5 薄燒$598 厚燒$648一行三人 鐵板燒都會想食牛嘅關係我地就美國牛肉 澳洲和牛 和牛A5三種牛都試哂 都係揀厚切呢個套餐真心抵 以為佢做優惠啲食材會冇咁靚但係都仍然好高質 南非鮑魚非常大隻 又香又彈牙大蝦好肥美啖啖肉 帶子又係好大隻 好新鮮香煎白鱈魚 肉質鮮嫩師傅用細細嘅漢堡包包住厚厚嘅鵝肝 咁就唔會好漏牛方面真係有好明顯嘅分別 唔洗講都知和牛A5入口即溶最好食當日其實係母親節 師傅仲好好咁 炒飯時炒左個心形送俾在座嘅媽媽 又可以俾大家打卡影相甜品有抹茶奶凍 唔好睇佢細細杯 但苦澀抹茶味濃 好高質最後師傅送多個甜品用糖煎多士 成餐都非常完美
繼續閱讀
今日嚟同朋友慶祝生日，試下佢個anniversary set menu, 有sushi set 或者鐵板燒set揀。$398 per pax我哋一行四人，大家都食鐵板燒set大致上感恩材料係因貨就價，牛同海鮮都唔太新鮮，師父全程都好趕急，大慨40分鐘已經上甜品，對於慶祝來說實在唔夠。不過當係一次體驗都唔錯，因為平時食鐵板燒一個人起碼都$600-$700, 如果從來未試過食鐵板燒嘅人可以一試我建議一個周年慶set到今個月都仲有, 食之前最好book定位因為都幾full
繼續閱讀
今日同男朋友黎到觀塘呢間鐵板燒食飯慶祝下，知道佢地依家有個優惠套餐都幾抵食🫣不過我地之後加錢轉左好多野🤣我地叫左398套餐，當中包含14品鐵板燒，之後再可以加錢upgrade 轉其他野食1️⃣前菜蘆薈沙律🥗，酸甜開胃2️⃣刺身三款套餐個個係帶子、鯛魚、赤身，雖然好細塊，但係鮮甜，好新鮮❤️❤️，另外男友鍾意食生蠔，所以upgrade 左一份刺身，男朋友話全部都好食😽😽3️⃣鮑魚鮑魚用南非鮑魚，簡單用黑椒、牛油🧈、鹽調味已經好好食🤤，鮑魚彈牙嫩滑，廚師功力好😽4️⃣大蝦🦐每隻大蝦都好大隻，大過一隻手，廚師會將蝦頭同蝦身分開處理，再用蝦膏汁炒，先食蝦肉，再食蝦頭，蝦膏完全唔浪費，好鮮美🤤5️⃣鵝肝漢堡、白鱈魚、蠔本身係三揀一，但係職員話可以➕180要曬3樣，我地緊係要曬，好抵🫣鵝肝好肥美，燒完擺落迷你漢堡度，好香😽白鱈魚我估唔到煎完咁好食，好滑嫩。蠔都好好食😋6️⃣日本A5和牛厚燒、薄燒牛肉部分，我地upgrade 左做日本和牛，一份要厚燒，一份要薄燒。薄燒會捲蔥粒同蒜片、厚燒就會切成一粒粒比我地食，兩個都非常好味，牛肉味濃，肉質軟焾，無筋，🥰🥰🥰7️⃣炒飯本身諗住會唔會唔好食，但係炒飯加左蛋、蔥、蒜、櫻花蝦等材料後，廚師不斷翻炒，米飯粒粒分明，唔油膩，好食，但係太飽，只係食左一半😂8️⃣麵鼓湯正常麵鼓湯9️⃣綠茶紅豆奶凍奶凍好香濃牛奶味，配埋微甘綠茶汁加清甜紅豆🫘，好滿足😌🔟焦糖脆多士睇住廚師整就知道有幾邪惡，好多糖同牛油🧈整嘅甜品，香甜脆口，食一塊好啦🤣消費價錢：2人💰1960，人均💰980結論：（10分為滿分）味道：9/10性價比：7/10回頭指數：9/10餐廳名稱：板神鉄板燒日本料理（駿業街）餐廳地址：觀塘駿業街43號地下
繼續閱讀