港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
電話號碼
23079822
開飯介紹
食材自日本空運到港,有別於坊間的日式料理,提供愛媛立魚、橫須賀八爪魚、日本榮螺等。點餐後菜式會直接有「孔雀魚」由廚房直送到餐桌位置,感受嶄新體驗。餐廳引入全手機OpenRice App遙距攞位、落單服務。
繼續閱讀
營業時間
今日營業
12:00 - 22:00
星期一至日
12:00 - 22:00
*Last Order: 2100
以上資料只供參考, 請與餐廳確認詳情
有關獎賞計劃
食家推介
相關文章
又嚟食,又係2個人撐枱腳❤️一樣無令我失望,都唔逐樣慢慢講啦,因為呢間我上次嚟食已經推介👍🏼魚生新鮮,我鍾意食嘅軟殼蟹卷炸得好香口無油溢味,串燒都好得,五花腩唔會太肥膩,免治雞肉配埋生蛋黃又嫩又滑,呢2樣真係可以再encore🤤但係我個蕎麥湯麵🍜就好一般,湯底有啲淡之餘,仲要有一「注」麵未煮散,呢個唔係太推介。嚟第二次,侍應服務同態度都好好,好多嘢都話應該做同要做,斟水都密,下次嚟要book長枱坐,坐得再舒服啲。
繼續閱讀
平時去開朗豪坊,都係食開food Court,原來food court側邊有一間食壽司同刺身嘅地方,食材仲要係由日本空運到港。 雜錦魚生飯完全無諗過咁大碗,入面嘅海鮮都好豐富,有三文魚、油甘魚、赤蝦、海膽、海鰻,仲有碎蔥拿魚蓉同飛魚子。三文魚同油甘魚既口感鮮甜油脂豐富,帶子同赤蝦嘅彈牙爽口,海膽嘅濃郁醇香,碎蔥拿魚蓉,現在配埋飛魚子同魚子嘅酥脆爆汁,加上子薑同埋醬油竹筍做refresh 。刺身盛合入邊有厚切油甘魚、吞拿魚、三文魚,仲有有赤蝦同帶子,厚切咗嘅油甘魚同三文魚,更顯油脂同鮮甜。吞拿魚紅肉鮮嫩可口。食完已經十成飽,但係點可以冇咗甜品呢?時令雪糕芝麻雪糕,芝麻嘅香氣同雪糕嘅滑溜口感相得益彰,係一個一個完美嘅飯後甜點。
繼續閱讀
今日黎到唔太肚餓,主要點左唔同壽司食,過左一陣,好快就壽司就黎齊。深海池魚、油甘魚都好有油香,新鮮肥美。赤海蝦同甜蝦,好大隻,食得出蝦的香甜同新鮮,其中松露甜軍艦更多左一點松露的香氣,十分讚。火炙左口魚裙邊還有一份火燒過的味道,比左口魚裙邊更美味😋其他壽司都中上水準,今餐不錯。
繼續閱讀
今晚帶左朋友來[鮨之]慶祝生日,呢度的刺身丼新鮮好味,色彩繽紛好吸引。壽司杯亦都有特色,也想同朋友品嚐。環境舒適,因為座位寬敞,空間感大,牆上的畫也很靚,日式木系的裝潢,也可同朋友好好享受美食。服務有禮又貼心,上菜會輕輕講解,亦都會合適地收走食完的餐具,有經驗又細心的服務員。點左好多料理,滿滿一枱,非常滿足,最好味係刺身,很新鮮。白身魚柚子醋沙律 $88餐廳用油甘魚刺身,肥美油潤,入口甘香滑溜,魚油豐富,用柚子醋沙律中和膩感就岩岩好,柚子醋汁酸甜清爽,沙律菜新鮮乾淨,爽脆口感好輕盈的感覺,食完好開胃。壽司杯有3款,其中呢款就係 海膽縞蝦吞拿魚腩壽司杯 $148海膽甘甜軟綿,味道濃郁,最重要不腥,非常美味,而且味道久久不散,令人回味。縞蝦豐實飽滿,鮮甜清爽,細膩鮮美,比甜蝦更好味。吞拿魚腩蓉超多超肥美,入口快要溶化,留下滿口魚脂甘香,魚味濃郁。拌勻米飯食,每口都有魚香,非常滿足。吉列日本黑豚柳配黑松露醬 $72炸得金黃香脆,且不油膩,炸衣夠薄又香口,黑豚入口鬆化,有濃濃豬味,配松露醬真係超香,味道好夾。唐揚雞軟骨 $48脆卜卜好香,加左調味粉好惹味,脆脆的口感,食唔停口,配酒一流。北海丼 $188有三文魚籽、蟹肉絲、帆立貝、海膽、三文魚,非常豐富,色澤鮮艷,賣相好吸引。帆立貝好柔軟嫩腍,鮮甜可口。三文魚魚脂豐富,好肥美。海膽同樣鮮甜味濃,非常好味。最吸引係滿滿的蟹肉,味道鮮甜肉質細膩,口感濕潤,配咸鮮脆口的三文魚籽,爆發鮮味,令味道提升。
繼續閱讀
同朋友去朗豪坊shopping, 行到攰攰地本身想去food court食野但奈何未到食飯時間已經好多人,見鮨之位置較闊就決定去食喇~店員安排左我地坐卡位,旁邊就係送餐車軌道,有自助熱水,唔洗下下叫人斟水都幾方便 串燒三味包括翠肉瓜/雞翼/豬腩肉,調味適中,唔會過咸過淡~呢個三味係優惠價,原價$108,但係無係menu對比過單叫差幾多,大家去食可以留意下~大蜆麵豉湯天氣凍就叫個湯暖下胃,有2隻大蜆,我認為就有小小咸,size正常吞拿魚脆餅好食!作為小食同前菜,size岩岩好~黑松露大蝦壽司卷黑松露味好出,反而大蝦食落似打到變蝦膠咁,好黏口,個感覺好怪…個人唔建議叫,寧願就咁叫返牡丹蝦壽司食好啲~散叫壽司圖為大拖,蟹子,鰻魚,三文魚腩壽司另外再叫左中拖同牡丹蝦壽司但唔記得影相全部都新鮮好味~特別推薦大拖!! 以質素黎計,$7x一件性價比幾高!總結,不論環境服務食物質素都係滿意滿足既!想坐得舒服靜靜地傾計又享受食物,係絕對推介~
繼續閱讀