489
16
26
開飯介紹
餐廳主打90分鐘日式火鍋放題，提供不同牛肉套餐，包括鹿兒島黑毛和牛、美國SRF和牛等。設有自助區，提供不同的火鍋配料、飲品及甜品等。
繼續閱讀
營業時間
今日營業
11:30 - 23:00
星期一至日
11:30 - 23:00
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
有關獎賞計劃
食家推介
相關文章
最近大熱嘅大將都去試下先~ 裝潢以木系設計為主，卡位都寬敞，提供90至150分鐘火鍋放題套餐，最低$208就可以食到!期間任食鹿兒島黑毛和牛、美國SRF和牛、安格斯牛小排、Prime牛肩肉、西班牙黑毛豬同海鮮等，仲有自助區，提供有炸物類、蔬菜、丸頪、甜品及飲品等.係第3次試任食邊邊，不過今次就第１次食【一人火鍋】就來左大將啦~～我哋揀咗✨澳洲和牛牛小排150分鐘放題 $398—✨自己中意咩湯底就叫咩湯底，５洗就人！ me叫咗個 +$35羊腩煲湯底，好友就叫咗個麻辣味噌湯底~～期間任食鹿兒島黑毛和牛、美國SRF和牛、安格斯牛小排、Prime牛肩肉、西班牙黑毛豬同海鮮等，仲有自助區，提供有炸物類、蔬菜、丸頪、甜品及飲品等。。 —✨✨自助區✨🍢提供泡菜、中華沙律、拌八爪魚、玉子燒、炸雞、炸餃子、香芋地瓜、蔬菜、仲有好少有嘅關東煮等等！🔥仲可以自己整waffle 食，有圖可以跟住整，相當easy，仲可以自己加toppings，大人小朋友都大愛~雪糕質地似雪葩，又係可以自加toppings…大愛..Overall嚟講當日７點都full house，都多人排，價錢方面中等。湯底來說+$35羊腩煲味道夠濃稠，羊肉腍滑。麻辣味噌湯嗜辣嘅朋友仔必叫，非常惹味!另外店員會每人先上一份肉類、海鮮等，等妳試過邊款中意再encore~ 以免做大sai鬼，要惜食~食得sai先好嗌~~肉類有澳洲和牛牛小排，和牛空腹眼，油脂分佈平均，肉質軟滑，安格斯牛小排、豚肉、雞、羊等。海鮮有沙白、海蝦、日本帶子都ok大粒、杭州黑魚片、黑魚片同大蟹捧都可試。如果平時all you can eat試到悶，不妨一試！
繼續閱讀
主打日式一人火鍋嘅放題店大將最近推出和風羊腩煲，啱哂最近寒冷嘅天氣。食完羊腩之後更可以加入牛肉、豬肉、海鮮同埋其他配料變成shabushabu，暖胃又暖身。餐廳主打日式木系風格，燈光柔和，座位舒適闊落，環境整潔衛生，店員上菜快捷，服務態度都唔錯。澳洲和牛牛小排．嚴選和牛胸腹眼選擇咗呢個套餐嘅120分鐘放題，一坐低店員送上嚐味頭盤一碟，裏面分別有牛舌，嚴選和牛胸腹眼、鮑魚兩隻，廣島蠔兩隻。和牛牛小排脂肪多，肉質甘甜，牛味濃郁；和牛胸腹眼油花豐富均勻，質感軟腍。和風羊腩煲羊肉份量非常足料，充滿羶香，肉質鮮嫩，羊腩燜得惹味，羊腩近肋骨位嘅脂肪部位好香，好有咬口。除咗羊肉口感豐富外，亦具有暖胃驅寒、溫補氣血、開胃健脾之功效，非常健康。煲內嘅枝竹吸收咗醬汁同埋羊肉精華，食起嚟特別香濃。牛豬雞羊海鮮及其他配料店內另有多達28多款牛豬雞羊海鮮同埋其他配料可以向店員落單，牛肉有嚴選Prime牛肩肉、美國牛肩肉、美國牛板腱、滑牛肉、麻辣滑牛肉、一口牛肉粒、牛胸爽、牛百葉；豬肉有熊本豬梅花肉、伊比利亞五花肉；雞肉有昆布漬雞肉；羊肉有特選羊卷肉。海鮮有日本帶子、海蝦、青口杭州黑魚片、花膠、水魷魚、蝦滑、沙白同埋大蟹棒；其他配料有即炸午餐肉、即炸響鈴、雲吞及魚皮餃。嚴選Prime牛肩肉筋比較少，油脂比例多，牛肉味濃郁；伊比利亞五花肉肉味濃，肉質鮮嫩多汁；海鮮方面，杭州黑魚片好滑嫩，入口即溶，沙白好新鮮大隻，味道帶有鹹味。海蝦新鮮，口感彈牙。其他配料方面，即炸午餐肉上枱時熱辣辣，厚切香口，唔使落火鍋都可以即食。即炸響鈴非常薄脆，放入火鍋輕輕一淥就可以食，響鈴掛滿了濃郁嘅湯汁，好惹味。自助區自助區有各式蔬菜、丸類、炸物、前菜、即食麵、烏冬、醬料區、雪糕機、刨冰機、甜品同埋飲品，種類非常豐富。蔬菜有娃娃菜、生菜、冬菇、金針菇等；前菜有泡菜、中華沙律、涼拌青瓜；炸物有炸雞同埋炸餃子；甜品有泡芙、杯裝布甸、蛋糕等。飲品方面有大將自家製茶；韓國樂天忌廉溝鮮、蘆薈汁；屈臣氏白檸味汽水；凱米諾椰汁等。最特別係可以自製日式刨冰，係波子汽水嘅味道，好清爽；同埋有窩夫機，可以自製窩夫，整完可以加雪糕同其他配料；另外有一個關東煮自助區，有雞蛋、蘿蔔、蒟蒻、海帶結、竹輪等提供。
繼續閱讀
今日嚟到旺角，其中一個最熱門嘅商場，TOP地庫食sha bu sha bu，一人一煲。餐廳有提供唔同價位嘅菜單選擇，主要係牛肉嘅產地有小小唔同。澳洲和牛牛小排，嚴選和牛胸腹眼($368/人)若果點咗呢個任食套餐餐廳方面都會送嚐味頭盤一碟，裏面分別有(鮑魚兩隻，廣島蠔兩隻，牛舌同埋牛胸複眼)，餐廳同時間亦都有做優惠，follow返餐廳社交平台可以免費升級+$10湯底😬今日其中一款湯底，揀咗羊腩煲湯底，羊肉份量非常足料，亦都冇羊肉酥味，怕食羊嘅朋友唔使驚。另一半免費升級和風舞茸菇野菌湯，菇唔多，但可以自己係自助區拎再加入去，清甜之餘，意外地同牛肉一齊會愈煮愈濃稠，愈煮愈入味。肉方面，叫得$368呢個餐，當然Encore最多就係澳洲和牛牛小排及嚴選和牛胸腹眼，餐廳都保持到每一轉肉嘅質素，唔會話第一轉係最靚，其他嗰啲就質素下降，牛肉油花都好平均。肉類共有15款，我地主要食和牛，其他款都無點😂海鮮方面質素都OK唔會食落去成浸雪味，本身係熟蝦，但都唔會話煮一陣就霉哂。另外仲有青口、水魷魚、蟹棒、午餐肉等等。落單方面餐廳採用比較傳統係人手落單，有別於而家其他任食火鍋餐廳。其餘都係自助區拎，菜類都好新鮮，有豆苗、菜心、娃娃菜，我拎勁多豆苗，配菇湯啱哂，仲有平時任食火鍋必有嘅丸類、麵、菇類、粟米、冬瓜等。仲有少見嘅關東煮、小食、甜品，有窩夫機、刨冰機。飲品方面餐廳都有提供汽水機同埋雪櫃自助飲品吧，亦都可以選擇加$48升級啤酒或者清酒任飲，美中不足嘅係落單嘅時候只可以二選一，魚與熊掌，不可兼得。
繼續閱讀
𝕂𝕠𝕒𝕝𝕒𝕤 𝕒𝕣𝕖 𝕔𝕠𝕞𝕚𝕟𝕘 𝕗𝕠𝕣 𝕪𝕠𝕦𝕣 𝕙𝕠𝕥 𝕡𝕠𝕥🐨一年四季都岩打邊爐，都岩香港人打邊爐，呢句實無錯☄️。過去兩個月都無乜機會食蟹，幾乎要同蟹蟹擦肩而過💣，難得搵到呢間火鍋店做緊大閘蟹涮涮鍋套餐🤩，即刻約朋友去。每人5隻新鮮蒸好既大閘蟹 ohhhhh，唔好睇小佢細細隻咁，膏同肉既量都唔惹小架🧜🏽♀️。設備齊全，有剪刀✂️、即棄手套🧤、小匙羹🥄，包你可以煎皮拆殼😛。食完蟹蟹都好似4成飽咁🙉，可以開始 shabu shabu了～Crab x Shabushabu Set | $398 pax🦀Hairy Crab | 5 each每人一鍋當然揀兩款唔同湯底 share👯，一個係花生沙嗲湯，濃郁入味之餘仲香噴噴🤏🏽。另一個係黃金壽喜燒湯，非常甘甜👄，食菜食菇食芋絲都超吸味，仲送隻日本生雞蛋襯到絕呀！🥜Peanut Satay Soup🥚Golden Sukiyaki with an Egg | +$10放題任食當然包含任嗌任添既火鍋材料、小食、飲品同甜品💫。食物方面特別喜歡呢幾款：特選牛肩肉、西班牙五花肉片、杭州黑魚片、水魷魚、沙白。牛肉五花肉肉味十足lamlam 👅，魚片超滑幾乎溶掉，沙白新鮮到煮之前仲郁緊🤣；仲有好多蔬菜菇菇🍄可以自己出去攞。🐂Angus Chuck Flap Tail🐖Spanish Pork Belly🐠Snakehead Fish Slice🦑Squid🐚Hard Clam🤙🏽Unlimited refill of hot pot ingredients, snacks, drinks & desserts汽水甜水我同朋友都麻麻地啦，why not 直接來個清酒放題😈～呢個小瓶裝住冰凍 sake，唔好睇小佢呀🏵️，%都應該幾高架。最後我諗我地都飲左10瓶😂😂，計唔到了，不過打邊爐+吹水係絕對做到👌🏽，所以嗌放題就超級抵！🍶Sake all-you-can-drink | $48 pax原來餐廳今期同樂天熊仔餅 crossover🐨，店內擺滿熊仔餅既小板子打卡用，重點係甜品✨自製雪糕窩夫。嚴重體會到整甜品有幾複雜，無論係整窩夫時間精準度定係擠雪糕🍦，DIY 都幾過癮👨🏽🍳。加熊仔餅當然係點綴啦，有幾好食唔洗我講😗。🧇Ice Cream Waffle with LOTTE Koala’s March (dessert DIY zone)
繼續閱讀
呢期洗版式都係出外旅行，由於暫時未有出行計劃，所以相約友人留港消費到訪了旺角一間主打放題火鍋的「大將」享受呢餐晚餐❗餐廳員工招呼周到，好快就安排入座，裝修採用和式裝修如置身日本餐廳般，而且餐廳座位舒適，而且上餐速度快而準，同收碟都迅速！⭐️120分鐘澳洲和牛小排套餐 $368🍲湯底- 和風羊腩煲及雞白湯：湯底有好多選擇，而且採用一人一鍋的配置，我地選擇咗和風羊腩煲和雞白湯。和風羊腩煲湯底帶有濃郁的羊肉風味，能夠讓湯底更加香濃。而雞白湯則清爽鮮美，適合搭配各種食材。🥩肉食：肉食方面有多種高品質的牛肉選擇，包括澳洲和牛牛小排，和牛胸腹肉及滑牛肉等。這些牛肉品質優良，口感鮮嫩多汁，能夠滿足肉食愛好者的口味。🦐海鮮：海鮮方面除咗一次性頭盤有鮑魚及廣島蠔都有多種選擇包括日本帶子、海蝦、沙白和青口等。這些海鮮食材新鮮，口感鮮美，能夠為火鍋增添豐富的口味。🥟其他配料及小食：除了肉食和海鮮外，還提供多類型的配料和小食，如關東煮、日式煎餃和玉子燒。這些配料和小食豐富多樣，能夠滿足各種口味需求。🥤飲品及雪糕：在飲品方面提供蘆薈飲及罐裝汽水，自由斟飲料有咖啡及泡茶等，緊有款啱你心水。另外，日式甜品如奶凍是完美選擇，可以為用餐劃下完美的句點。總括而言，是次火鍋提供了多種高品質的肉食和海鮮選擇。配料和小食的選擇豐富多樣，能夠滿足各種口味需求，而且所在商場連接旺角站，值得推薦給大家去品味。
繼續閱讀