404
14
20
附加資料
全新放題:日本料理、火鍋、即製甜品，超過200款美食二小時任飲任食
營業時間
今日營業
12:00 - 00:00
星期一至四
12:00 - 23:00
星期五至日
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
相關文章
2024年3月18日 星期一今晚放工之後等埋老婆係銅鑼灣打邊爐，選擇咗呢間餐廳，因為見網上評價唔錯，好多人都話性價比幾高到達餐廳嘅時候，好彩暫時未算太多人，所以一去到就可以入座，餐廳分咗三款唔同價錢嘅放題套餐，最平大人$218就有得食，如果係特價時段仲可以平至$198添，最後我哋選擇咗C餐最貴嗰款，因為除咗可以任食澳洲和牛同雪花牛小排之外，餐廳仲做緊九周年期間限定，可以任食拖羅壽司、原隻鮑魚同滋補花膠添！！等待食物期間就行咗出去調味區，有好多唔同嘅配料可以作為醬汁，除咗一般火鍋店見到嘅炸蒜、芫荽同芝麻醬之外，仲有泰式生蝦醬同柚子醋可以選擇食物配料除咗可以用QR code落單之外，仲可以出去凍櫃度拎，有唔同嘅蔬菜、生根同韓式年糕等等，全部都好新鮮，而且夠晒衛生大約5分鐘後食物就開始陸續送到，首先有原隻鮑魚同原隻帆立貝，睇落去都幾大隻，而且好新鮮，鮑魚同帆立貝仲已經清洗乾淨，完全冇內臟，可以放心淥熟之後即刻食，淥熟食落去一啲都唔韌，鮑魚同帆立貝都好有咬口，同埋充滿鮮味，一啲都食唔到腥味，我哋食完之後即刻再encore跟住到期待已久嘅牛肉，分別有澳洲手切牛肉同雪花牛小排，兩款牛肉嘅脂肪分布都好平均，完全見到牛肉上面嘅紋路，唔需要淥太耐已經熟晒，手切牛肉比較有口感，牛味都比較濃郁，至於雪花牛小排就入口即溶，油脂比較多仲有澳洲M5和牛添，餐廳喺上面仲溫馨提示牛肉大概淥幾耐係最好食嘅，呢一款牛肉同之前嗰兩款食落去口感完全唔同，真係好似食緊日本和牛咁，勁多牛既油份，食落去幸福感即時湧出黎小食方面餐廳都提供唔少，我哋分別點左章魚小丸子、吉列蝦、芝麻雞翼等等，大部分都炸得好香脆，其中芝麻雞翼特別出色，外皮脆卜卜而裡面既雞肉仍然保持幼嫩，一個人食連食三隻都無問題最後估唔到甜品都有咁多選擇，連芭菲同仙草芋圓都有，份量唔算太大，一個人食岩岩好，又唔怕浪費，芭菲有好多配料，抹茶雪糕勁大舊又有濃郁抹茶味，而下面既忌廉都唔會太甜，仲有脆片加添口感，食埋真係勁飽！！
繼續閱讀
天氣突然轉濕冷，最適合就是打邊爐。一位跟我一樣喜歡吃魚的朋友找到一間烤鰻魚鍋的餐店，正好今晚齊齊打邊爐。餐店設有多張闊落的二至四人卡座，還有多張大枱，坐得舒適，而自助飲品區和蔬菜區都集中在一處，好方便。A、B和C兩小時任飲任食放題，我們今晚就選了醬香味烤鰻+B套餐（$316），包有肉類、海鮮、火鍋配料、自選蔬菜吧、刺身、壽司、炸物、串燒、沙律、自家製甜品等，相當豐富。******************************等待烤鰻魚鍋滾起時先揀飲品，飲品自助區都分三處，除了有個巨大的凍櫃放滿汽水、自家製茶、紙包飲品、韓式果汁、咖啡等等外；另一處還有斟飲品機，包括熱茶、熱咖啡、熱朱古力等，很多選擇。我揀了白桃烏龍茶，淡淡的白桃味，茶味甘香，好喝！******************************醬香烤鰻火鍋吃很啦！鰻魚經炸，微脆嫩滑，烹調入味，非常美味，最開心是可追加，大滿足！鍋中還有不少配料，包括紫洋蔥、蓮藕、蘿蔔等，全部都好入味。******************************再點肉類和海鮮。肉類要了草飼牛舌、牛肩胛肉眼和極上牛肉。三款都透薄鮮紅，非常鮮嫩，牛肉味濃，特別是牛舌，嫩中帶爽，高質！海鮮就點了原隻鮑魚、大扇貝、濟洲蠔肉、脆肉鯇魚片、三文魚頭骨腩。各款也新鮮，脆肉鯇爽脆、大扇貝和蠔肉鮮嫩、鮑魚肉嫩、三文魚肥美，全部質素佳。******************************自助蔬菜區都好多選擇，挾了甜美粟米和南瓜、清爽油麥菜、生菜和娃娃菜、爽嫩腐竹，全部都新鮮。******************************除火鍋外還有很多選擇，點了幾款刺身和壽司。刺身有泰式生蝦、帶子、赤貝和希靈魚，四款鮮美，最喜歡是爽脆的希靈魚和柔軟的帶子，鮮甜美味。壽司選了花之戀、火炙芝士蝦和火炙三文魚和明太子龍蝦沙律軍艦，每件大小適中，正合我心意。火炙三文魚燒得剛好，迫出魚油，肉質油潤兼柔軟。另一款火炙芝士蝦壽司也吸引，鹹香爽彈，美味！******************************冷盤有爽口入味的海蜇沙律，還有香辣惹味的涼拌麻辣魚皮，好爽脆！******************************燒菠蘿微暖，非常新鮮，香甜多汁。******************************甜品全是自家製，又多選擇又有誠意。雖然已好飽，但我們都點了宇治抹茶芭菲、軟雪糕窩夫、楊枝甘露、芒果布甸和榴槤甘露。宇治抹茶芭菲好精美好豐富，抹茶味都好甘香；軟雪糕窩夫暖笠笠，外微脆內軟，配上軟雪糕，冷暖交融，有誠意！楊枝甘露和榴槤甘露都好足料，後者有榴槤肉，味道香濃！------------------------------烤鰻魚鍋真是不多地方有，而各款牛亦是精挑細選，質素佳！還有各款甜品都用心製作，並非簡簡單單雪糕或外購蛋糕仔，可見餐店有心思有誠意。
繼續閱讀
天氣凍冰冰，晚餐食火鍋一定係我必食之選。不過呢，我想花晚餐嘅quota食啲特別啲嘅火鍋，竟被我找不到呢個最近新出嘅醬香味烤鰻火鍋，係咪好特別呢？風味烤鰻火鍋放題 + C套餐 (HK$366/位)，可以任食任飲2小時。🥘 烤鰻魚．店員會先上一份烤鰻魚．烤熟嘅鰻魚肉真係特別爽滑、彈牙，因為鰻魚是每日新鮮即日劏的．一份唔夠，可以無限追加喔！🦀 麵包蟹．半隻放入醬香味醬底煮熱，非常入味又不失鮮甜味，啖啖有肉，仲有一層厚厚的蟹膏，蟹殼又軟又薄，輕輕一咬就可以啦，超正👍🏼📌 提提你：分享餐廳指定影片，每2位有半隻蟹食喔！鍋底食完鰻魚和麵包蟹之後，店員會直接加入秘製濃湯開始打邊爐啦🤤 掃code點嘢食，很多選擇，包括海鮮、刺身、牛肉、壽司、炸物、火鍋配料、甜品！蔬菜類、飲品和醬油及調味料，就自己去其區域自助攞。*🦐 刺身．珍寶赤蝦：肉質爽彈，味道鮮甜．珍寶帶子：厚身，肥美滑口．韓國生蠔：簡單加些檸檬汁已經好鮮甜！*🍤 炸物．紫心香芋丸：炸得香脆Q彈，芋泥餡好好味．酥炸韓國蠔：炸粉炸得酥脆、乾身，蠔肉嫩滑、多汁🥬 蔬菜 & 麵食．每張枱放咗一個白色盤，方便去自助區揀選蔬菜和麵食，大約有27款，包括有我鍾意食蟲草花、黑木耳、生根和蒟蒻，係咪好特別呢？🦪 海鮮 & 火鍋配料．原隻鮮鮑魚 ：鮮甜味道、肉質爽彈．滋補花膠：一煮就卷起，不一會就食得，好爽，多骨膠原！．台灣東鮑魚片 ：超甜，好好食．牛柏葉 ：爽脆、很掛汁、美味．布包豆腐：軟滑、多汁🥩 牛肉．澳洲M5和牛、澳洲手切牛、草飼牛舌、牛肩胛肉眼，各一碟先😁．看似薄切，但每片淥幾秒就熟，牛味濃郁，帶有油脂香，超正！🍮 甜品．一定要記得留肚食喔，因為真係好唔錯😋．比利時朱古力火鍋：將香蕉片、草莓和棉花糖點入濃郁熱朱古力，好好味😋．一口蘋果大福 ：味道出奇的冰涼和清甜，𥚃面嘅忌廉好輕滑．法式焦糖燉蛋 ：厚身奶滑口感，滿蛋香，但比較甜一啲．牛奶燉蛋白 ：滑一滑，滿牛奶香味，不太甜喎！．楊枝甘露 ：細細杯都好足料，食到2粒芒果肉和多西米㗎！．台式仙草麻糬：仙草味嘅麻糬少見，口感煙韌很好食😋🧃 飲品．雪櫃有多款選擇 — 汽水、啤酒、茶、果汁，也可以係另一邊倒熱茶和熱水．我就飲咗好幾包解茶，幫助解油膩😂*📌提提你：此店有收10%服務費喔！不過都值得俾，因為店員時常送碟、收碟、加湯，等等，服務很好👍🏼
繼續閱讀
雞煲 + 火鍋放題大家應該吃過不少，最近吃了一間頗特別的。牛之鍋推出風味烤鰻火鍋放題，而且有兩種口味可供選擇。放題價錢由 HKD 256 起，有三款套餐可供選擇。當中的美食包括了刺身、壽司、海鮮、炸物、燒物和甜品等，亦都有自助飲品吧。會有酒精類飲品，或是紙包、罐裝飲品。另外亦有咖啡機。我們選的是 烤鰻 + B套餐 (HKD 316/位)。烤鰻有兩種口味，能吃辣的可以選麻辣，不然就選醬香囉。上桌已聞到很香濃的味道，整體非常惹味。 無骨鰻魚入口帶點脆身，肉質軟嫩。醬料味道很入味，連蓮藕都能吃到那種醬香。另外讚好及分享牛之鍋 社交平台貼文2位送半隻麵包蟹，有很多蟹膏耶。刺身會有三文魚、帶子、北寄貝、甜蝦等，選擇幾多亦都很新鮮。還有多款壽司、炸物等。那個紫心香芋丸很好吃，推薦！之後選擇加湯落烤鰻個鍋開始吃火鍋，或是另外點一個湯底也可以。蔬菜、麵食、菇類在自助區。醬香湯底加公仔麵吃超邪惡。本身已經好夠味，不用額外再沾醬料。但想吃再濃點也有自助區能拿醬料。火鍋配料同樣都有幾多選擇，像鴨血、蠔、花膠、鵝腸之類也有。響鈴、魚皮、丸類這些是吃火鍋必點的吧。喜歡吃雞肉的可以點那個五香雞件，肉質滑嫩之外，醃得亦很惹味。肉類同樣有點花多眼亂。推薦澳洲羊肩肉，有微微的羶味、肉質嫩滑。喜歡吃牛肉味濃厚的可以點美國極上牛肉，薄切牛舌亦好彈牙。平時火鍋放題都專注在火鍋上，但來到這間絕對要留番個甜品胃。因為牛之鍋的甜品選擇比起其他放題店更多。而且是自家製的細細份，可以多嚐幾款，不是那種包裝好的雪糕雪條。吃了法式焦糖燉蛋、仙草、雪糕窩夫、抹茶芭菲，都很高質。
繼續閱讀
牛之鍋最近新增風味烤鰻火鍋放題，所以今日來到銅鑼灣，就選擇了牛之鍋。有自助及網點，有期間限定、刺身、肉類、壽司、丸類、主食粉面、蔬菜、飲品……等，非常多款式。炸物中的最喜愛芝麻雞翼、酥炸廣島蠔、榴槤炸彈、串燒雞軟骨、燒菠蘿……。風味烤鰻有 2 個味道選擇，麻辣味及醬香味，選擇的醬香味風味烤鰻魚，醬香帶出鰻魚特有的鮮，肉厚鮮甜很惹味，可以無限添加。食完加湯打邊爐超正，湯底非常惹味，而且餐廳九週年期間限定無限添加原隻鮮鮑魚、花膠、拖羅壽司……，超多選擇。鮑魚軍艦，細細只的鮑魚，很精緻，一口一件，都頗有鮑魚味……澳洲羊肩肉肥瘦適中，很油香！帶子、韓國蠔肉、紐西蘭青口、大白蜆、滋補花膠、還有新增新鮮爽口的原隻鮑魚……多款式的牛肉，有油香好味的美國極上牛肉、澳洲牛肩胛肉眼、美國肥牛肉、及有草飼牛舌、牛柏葉……放題款式多選擇，任飲任食而且頗高質，滿足的結尾，當然是多款的甜品……
繼續閱讀