107
91
64
港鐵葵芳站 D/ E 出口
繼續閱讀
開飯介紹
新加坡菜餐廳，匯萃各式星馬泰地道美饌，推介正宗口味海南雞、自家製喇沙、冬蔭功及泰式生蝦等。
繼續閱讀
特色
適合大夥人
營業時間
星期一至日
11:30 - 21:15
公眾假期
11:30 - 21:15
公眾假期前夕
11:30 - 21:15
以上資料只供參考, 請與餐廳確認詳情
食家推介
相關文章
今天剛好來葵芳新都會廣場逛街,媽媽看到這間泰國餐廳覺得十分有興趣 所以決定入去試試 🤔餐廳裏不算太多人 但門口的侍應態度十分普通 入座後 桌面上放好碗碟 亦有一個茶壺 但碗碟的乾淨程度有待改善 接著是食物 鹵水拼盤難食 鹵水完全不入味菠蘿炒飯更是令人大開眼界 賣相美觀但內在完全是垃圾 食落口咩味都無 腰果淋到不能入口 最好笑係印尼炒飯 份量又少又難食 蝦片係淋嘅 大家千祈唔好畀佢外面半價所欺騙 只有冇真材實料嘅餐廳先會用呢啲咁嘅優惠🤮🤮🤮
繼續閱讀
好味指數：🌟🌟🌟抵食指數：🤑🤑🤑🤑去親葵芳都係掃街，今次就去咗新都會廣場搵咗間餐廳坐低食。呢間係一間結合咗傳統同創新嘅星馬餐廳，餐廳環境夠大，就算一班人嚟都可以安排到座位，適合lunch time食飯，等位又唔耐✅燒雞髀煎蛋飯係大大隻嘅雞髀呀！幾乎佔咗半隻碟，雞髀燒得啱啱好，表皮爽口肉質嫩滑，而且用刀叉好容易就可以將佢切開，可以有儀態咁食，不過雞髀最正宗嘅食法梗係拎起來咬啦！煎蛋有少少流心，蛋汁配埋飯特別好味，而佢嘅秘製汁酸酸甜甜帶微辣，配雞脾食味道有層次仲解膩而且係新都會返工嘅人仲有八折，喺呢個廣場食飯呢間真係算好抵食，不過聽聞佢營業到九月中，要把握機會去試啦
繼續閱讀
原來已經好耐冇寫食評，太懶，前2日去左葵廣行街，之後走去尼間野食晚餐，見佢冇咩人排隊，唔洗點等，我地2個人，叫左半隻雞煲，加左個野菜拼盤同薯粉，肉骨茶，麥片蝦球，泰式奶茶及啤酒。尼到個環境其實真係好舒服，位與位之前隔得好開，服務態度非常好，但係食物呢…..你唔可以話佢唔好食，但你完全講唔出好食係邊！真係諗唔到有咩詞語可以形容到，連雞煲有雞味，我都唔係好夠膽講🤭🤭如果可以既話，大家去試下，就會明🤣🤣🤣但職員既服務真係好好！最後，埋單50x
繼續閱讀
禮拜四8點去拎位，都幾爆等左3,4個字就入得賣單先知茶位$6 個茶幾特別，荔枝味？入面裝修都幾靚，唔洗驚坐得迫我地4位，所以可以嗌一款半價泰式生蝦 原價$98 半價$49份量都足咸蛋黃軟殼蟹 $168對呢個頗失望因為無咸蛋味都唔會揾到有蛋黃，，炸係炸得夠既可能試新加坡辣椒軟殼蟹會惹味啲香茅蜜糖單骨雞翼 $68呢個都普普通通炸係炸得夠，但又係無蜜糖味麻醬雞絲撈起沙律 $98麻醬都比得夠合格木耳，青瓜，蘿蔔，薯粉？，中華沙律，紫椰菜，雞絲泰式炒金邊粉 $88同圖片一樣真係有3隻蝦係底！menu有個辣椒仔係側邊但其實無辣味唔係唔好食，但得勁甜的味，泰式辣醬果種蒜蓉炒通菜 $58炒得幾爽口同埋都多蒜星洲醬油參巴炒蘿蔔糕 $68好味好惹味好香，幾重味有蝦米，菜寶芽菜炒焦糖爆谷奶茶 $30奶茶味好淡，所以麻麻上菜速度好快，嗌左7樣野真係5分鐘內都上得七七八八外賣盒2蚊有紙袋比埋overall 都抵食既，坐得舒舒服服
繼續閱讀
之前有比較多分店，但係陸續執笠，只剩返呢度。叫咗海南雞半隻，佢係包括一個油飯同一個湯。呢度啲海南雞都幾好食，煮得幾滑同埋冇好大浸的冰鮮味道。另外馬拉盞炒通菜，都幾有鑊氣，菜都係新鮮的。而家晚市，有一啲半價嘅小菜，所以叫多咗咖喱牛筋腩，啲牛筋非常之硬，食唔到，牛腩都可以接受，因為唔算太肥，個咖喱汁可以。環境方面都係舒服，之前試過壞冷氣，所以夏天非常之熱。不過，最近已經維修好，所以坐都係舒服，不過啲凳可以抹乾淨，因為有時都幾污糟。
繼續閱讀