18
1
0
港鐵牛頭角站 B6 出口, 步行約6分鐘
繼續閱讀
電話號碼
93812885
98708573
營業時間
星期一至五
12:00 - 19:00
星期六至日
12:00 - 18:00
以上資料只供參考, 請與餐廳確認詳情
招牌菜
食家推介
之前係ig見過好多次，一直都覺得佢每件mini tart都做得好靚好精緻 ，上次有諗過訂做散水餅不過單買一件mini tart都要$24起，最少訂一盒/20件起，仲要唔係真係好大件，直徑5cm一件黎講真係有啲貴，normal size就$45起，中等價錢，唔係特別平，而且去自取又唔係好方便，地點比較隔涉，送貨又要額外比運費，但店家又建議即日食用，真係唔知點算好，所以上次最後都冇訂到！😀今次終於可以買比寶仔做生日蛋糕啦！😌9款mini tart + 1件皇牌dark chocolate truffle （$348）出乎意料之外嘅幾好食！👍🏻全部撻底都唔會太腍，不錯！其中最欣賞朱古力撻，❤️無論係crunchy chocolate或者chocolate都有好濃郁嘅朱古力味，啱晒寶仔呢個黑朱古力控！😋雖然我唔鍾意食綠茶味，但matcha tart嘅抹茶味好香濃，唔會死甜味。檸檬🍋撻酸甜美味，其他水果撻就比較普通，不過都值得一試嘅！
繼續閱讀
最初最初留意到呢間小店，係由於有朋友考慮訂購佢地嘅迷你撻作「生日蛋糕」，機緣下去年試到小店出品，十分滿意，及後亦曾經回購，相比起連鎖店，我諗好多人同我一樣，更喜歡支持小店經營今年同往年一樣，都有推出呢款中秋限定嘅mini tart set，造型可愛又有節日氣氛，唔想食月餅，又唔想切蛋糕，作為飯後甜品，最適合不過。九星映月 Mini Tart Set $398一拎出黎，眾人同眾人嘅相機又點忍得住呢，即刻相機食先。佢地嘅撻每日新鮮製作，撻皮、餡料一手一腳包辦。呢度分別有9件唔同口味嘅迷你撻，同埋一隻兔仔造型嘅黑芝麻軟心。兔仔黑芝麻軟心口感幾得意，冰冰涼涼，有少少似慕絲狀。迷你撻：伯爵茶、焦糖咖啡、檸檬、雜莓、雜果、綠茶、Tiramisu、柚子、朱古力基本上每一款都好好食，撻皮出色，香脆度高，即使我地有幾顆隔夜食都無損質素焦糕咖啡唔會太甜，兩者平衡。伯爵茶味難得濃，無香精感。Tiramisu甚有驚喜，估唔到咁好食，咖啡味出，口感豐富。朱古力撻味道香醇，經冷藏後有啲似生朱古力嘅質地，濃郁不過甜。呢幾款係個人推介抹茶口味大眾化，茶味出，不至於回甘，但一般茶控都應該收貨了。柚子芝士撻清新、檸檬酸尾尾，好開胃。至於兩款水果撻，亦足料有誠意
繼續閱讀
咁岩同幾個同事升職，苦惱緊買咩升職餅好又想買啲比較特別既，吾想買美，東開頭既餅聽其他同事都話食到怕就係fb搵到Duo patisserie 呢間觀塘一間小本基營既鋪頭佢地既menu 款式仲要好多，岩岩哂散水，升職，生日買尼食我地安排左幫手用gogovan幫手送貨，事關訂左都吾小自己去拎吾太方便出車前，鋪頭都會影相尼同你confirm 一下，餅既數目，仲要砌得好靚，每一盒都幫你分好，每一款餅都有吾洗自己係公司再汁，咁麻煩🤩🤩🤩每個同事見到都😍😍心心眼件件都好靚，仲要細細件岩哂減緊肥既同事，都話食罪惡咁冇咁重😆😆😆拿破崙個個都讚不絕口，話如果全盒都係咁就仲正，而且個吉士醬吾會太過甜拿破崙實在搶手喇，想試下都吾得，最後我自己都忍吾住同同事分左三件尼食，分別係mini Chocolate Truffle,mini chocolate tart and mini lemon tart 全部都勁，甜度適中，朱古力味香濃得尼又幼滑有層次，檸檬撻相比之下就中規中矩，但都吾錯👍🏻
繼續閱讀
吃完漢堡，移步到一旁的甜食店，買幾件cake回家和家人分甘同味....一路都很想來這裡買甜品，但只因對我講這商廈的位置太隔涉所以直到今天才抽身來到。心想若其出品是對口味的話，下次有親朋戚友生日就可以過來訂蛋糕了....一口氣點了三件餅 ---- Strawberry tart, Mango Mille-feuille以及我最喜歡的Yuzu cheese....士多啤梨撻賣相是三者之中最討好的。舖面的忌廉甜度夠而口感輕盈；士多啤梨稍覺酸了一點，用的不是品質最好的；撻底甚鬆化不死硬....千層酥質地有點偏硬難咬起不到flaky的感覺；芒果相對起士多啤梨就甜得多了；custard cream甚甜而軟滑....至於我非常期待的柚子芝士呢，柚子依舊酸咪咪令人醒胃；芝士口感挺smooth而幼滑；另外在cheese中加入了乳酪，和柚子同一樣帶來酸酸的味蕾感覺，讓人有追吃之衝動....三件餅，各有各的優劣點。加起來，便是不過不失的水平了....
繼續閱讀
@duopatisseriehk ————————————————————————❤️ 情人節都未到，未有人食過都正常嘅，等我哋嚟，哈哈。感謝 @duopatisseriehk.可能適合對象：#情人節蛋糕 #士多啤梨朱古力流心蛋糕 #流心蛋糕 甜度（5星最甜）：⭐️⭐️濃度（5星最濃）：⭐️⭐️⭐️🍴：餐刀 ✖️ / 蠟燭 ✖️ / 冰袋 ✖️/ 紙盒✔️🏷：✔️（免費寫名）💬：老闆親自介紹返個蛋糕，好大嘅面子。好有親和力。位置係係鴻圖中心入面，即係係個大廈入面，類似Food Court咁嘅。搵唔到，就利入鴻圖中心，問叔叔，就會帶你入到去。🛒：牛頭角 #cakeup_牛頭角站🔘：個裝（兩個人分量，歡迎 係7日前 inbox 或者 whatsapp 93812885 佢哋去預訂。）💰：$298————————————————————————性價比：高3幾日前嘅蛋糕Post，就介紹咗第一個情人節蛋糕！第二個就係𠵱個，嚟自Duo Patisserie嘅蛋糕！有成員見到之後，經已話「媽呀，靚爆燈」。其實佢哋嘅蛋糕，出咗名好味，但連賣相都贏埋，我好想佢哋𠵱個蛋糕好糕有好報，可以大賣。一眼望埋去，最矚目嘅當然係粒心啦。心心上面有金箔，矜貴。下面有扮Ring Pillow嘅蛋糕，好有隱藏結婚嘅意思（驚唔驚）。 首先個心做得好圓轆轆，已經好靚。你再睇埋佢個Ring Pillow，係真係好似個真嘅 Ring Pillow，好Impressive呀（有成員問，成個蛋糕得個心食得？唯有答佢，唔係呀，個Ring Pillow 食得㗎。可想而知，像真度幾高）！點知，佢仲鬼馬到可以開燈（個成員又問，吓，啲燈都食得？唉... 佢慢慢食啦）講重點，一切開，原來個心心係一粒特濃朱古力，入面仲有流心醬。Ring Pillow就係香濃幼滑嘅士多啤梨Mousses。入面就有一整層士多啤梨啫喱加新鮮果肉做夾心，個底就係士多啤梨脆脆底，口感大滿足。整體嚟講，絕對冇假士多啤梨味，佢個Mousses只有淡淡真嘅士多啤梨味，果肉再帶有士多啤梨味之餘，如果你再夾埋粒朱古力一齊味，味道有融洽，佢哋好襯呀！朱古力好濃同Rich，好好味！個蛋糕係真係幾靚，手工精緻。如果你話想食飽，$298一定喎飽。但以$298買味道同手工，佢做得到。食飽飯再食𠵱個蛋糕，唔會係負擔。有興趣的話，係2月12日到3月14日都接受預訂。不過始終蛋糕藝術品，數量唔會多，限量發售。仲有，情人節，要準備就早啲啦，唔好臨時臨急，好易「因小失大」呀，隨時上「十萬個激嬲女友的理由」呀。 ————————————————————————#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #兩口子蛋糕 #情侶 #十萬個激嬲女友的理由 #情人節蛋糕 #情人節禮物 #女朋友 #生日驚喜 #情人節驚喜 #放閃
繼續閱讀