82
24
12
港鐵啟德站B出口, 步行約14分鐘
繼續閱讀
營業時間
今日營業
12:00 - 20:00
星期一至六
12:00 - 20:00
星期日
全日休息
以上資料只供參考, 請與餐廳確認詳情
食家推介
相關文章
今日放假突然之間很想吃粢飯, 就特意來吃「豆漿大王」, 順便朝聖這間「雞蛋仔」名店。 結果,四個字總結:嘥晒啲quota首先幫店主平反一下, 雖然佢個樣唔多友善,但係就無其他評論中講到咁惡劣,而且就算好多人排隊,都唔算極躁底。 忙碌製作中食物方面,平平無奇, 產品是比較厚, 所以有點特色? 但對我來講,厚底絕對無為佢嘅食物味道同口感加分因為都有唔少人介紹佢個格仔餅,而且自己下星期又會入元朗食雞蛋仔, 所以今日就試佢個原味格仔餅。 承惠$30由於整格仔餅同雞蛋仔部機唔同, 而且多數人買雞蛋仔,所以排左大約10 分鐘, 就比老闆安排落左格仔餅柯打先, 其他人就繼續排隊買雞蛋仔, 我再等多6分鐘左右的製作時間,就有得食了。原味格仔餅$25的確係比坊間的厚,燶燶地的外表,剛剛食第一啖係脆 脆地的,但好快已經唔脆,應該係第3啖左就唔脆。係 多醬, 但多醬都無用,佢有搽牛油,但無牛油味,佢有落好多花生「醬」,應該係花生汁,因為好稀,無花生粒,無花生味。 再加上稀稀地的煉奶一個字甜。 仲要搞到一邊的格仔餅淋pat pat. 至於呢個厚底格仔餅本體,厚但唔軟熟,內𥚃的粉漿有啲笠口,漿埋一patpat 咁,完全無鬆軟或者煙韌的口感,無蛋味,排隊期間都完全聞唔到蛋香。 有啲懷疑自己食咁咩。 呢個出品,要$25, 仲要排隊買, 性價比低。
繼續閱讀
買個雞蛋仔都要受氣呢對男女態度極度惡劣企喺側門等都唔得?條街你㗎?仲有啊…真係做善事嘅人係唔會大肆宣揚架!我見啲客問個女人攞個膠袋都反晒白眼,黑口黑面!真係冇下次…
繼續閱讀
629呢間雞蛋仔真係成日排長龍,今次平日放工有時間走去排隊,雖然都要等15分鐘,但我覺得係值得既!蛋香好濃,非常脆,同出面雞蛋仔唔同,下次有機會試埋佢個紫薯同香芋味!
繼續閱讀
終於黎到新蒲崗試呢間小食😍雖然淨係賣雞蛋仔同格仔餅,但口味超級多,有少見既烏龍茶、錫蘭紅茶、糖漬橙皮等,價錢大約$22-$36/底不少人有提及過老闆既服務態度,但我今次去老闆既服務係冇問題,反觀我覺得佢幾有幽默感,店面貼左不少他想表達既訊息,無論係咩人,都要排隊👍🏻🌟芝士格仔餅|$32🌟栗子蛋蛋|$36我覺得格仔餅真係好食好多,一來厚身,二來真係好多醬,攞上手個時老闆提我地要躺平個餅先食,如果唔係會漏哂醬落個袋到🤣雞蛋仔半脆半軟,有蛋香,不過都係厚身格仔餅有特色d!
繼續閱讀
而家既小朋友真係好忙, 今日囡囡就去新蒲崗到上堂. 我放工趕過去既時候.爸爸share佐個location俾我. 我一睇.... 係雞蛋仔???我心諗:之後都去食飯啦,食乜雞蛋仔呀. 之後再收到爸爸一張相.嘩咁多人排隊既.應該係好野. 試試先 (因為我仲未到.係爸爸排隊)當我去到既時候. 見到都仲係有好多人排隊, 時間岩岩好.我一去到就排到我地,可以order啦.我地點佐一個原味,一個朱古力味雞蛋仔, 再加一個原味格仔餅. 等緊既時間. 我俾門口貼佐既野吸引佐.老闆每年有4次義賣捐俾<兒童癌症基金>, 好有心呀. WOO..格仔餅攪掂,真係好厚身呀. 老闆仲要好細心咁幫我地分開做2份(仲入2個袋呀). 雞蛋仔唔太甜. 好食. 爸爸話見到好多人都叫芝士雞蛋仔, 下次可以一試.
繼續閱讀
您可能會有興趣的...