影片
營業時間
星期一至日
11:30 - 20:30
以上資料只供參考, 請與餐廳確認詳情
食家推介
屋企樓下間齊柏林熱狗開左好耐，但都未幫襯，今日係Christmas Day，就決定幫襯下。叫左兩個一人套餐，一個係經典漢堡，另一個係澳式風情漢堡，每個一人套餐都配一個小食同一款飲品，小食就叫左個紫心薯餅，同埋薯條，飲品就係罐裝汽水。講返個經典漢堡有一片芝士片、安格斯漢堡扒、生菜同蕃茄，味道都算唔錯，塊安格斯漢堡扒落去都算有小小Juicy，唔會太乾。而澳式風情漢堡就有安格斯漢堡扒、菠蘿、煙肉片、芝士、秘製Burger醬，唔知係唔係佢有秘製Burger醬，我感覺比較好食，同埋菠蘿應該係用新鮮菠蘿，都多汁，個配搭唔錯。個紫心薯餅份量略嫌細左小小，但都好食。而薯條都keep 到個脆口感覺，再配搭埋佢個蕃茄千島醬，算係中上。價錢當然貴過連鎖式，但偶然試下新口味，都覺得唔錯。
繼續閱讀
係網上外賣平台買左個二人餐同一份松露醬既薯條，攞餐果陣剩係講左句「果度」乜都無提，以往買一份都有兩盒醬，到食果陣先知得一盒，失望感極高，下次講聲都好呀😟
繼續閱讀
事緣今日去買左4個包，其中一個係墨西哥勁辣雞堡，結果佢一開始無辣椒就入袋，完全無同我提起過無辣椒，之後我返到屋企見到無就嬲嬲地落去叫佢比返啲辣椒我，結果我落到去佢同我講無晒！？嘩我即刻嬲到要打負評，一早唔同我講無，我落到去先黎同我講無晒，真係勁失望
繼續閱讀
芝味熱狗好出色，芝士味濃厚又拉絲，好食好味好玩，除芝士味濃醬料仲有粟米、蛋黃醬，腸是法蘭克福腸爽脆彈牙，熱狗包鬆軟配上腸仔各款配料出色美味小食牛油粟米正正常常無特別驚喜。伯爵奶茶本期望唔高，但開口已聞到伯爵茶香味，配上濃滑奶，變成伯爵茶奶茶，香甜美味，驚喜好飲火焰芝士辣肉醬熱狗，芝士味濃厚，辣肉醬又酸又甜感覺複雜，我自己唔太喜歡，但唔係難食，個人比較喜歡芝味熱狗多D。另薯條亦是即叫即炸，薯味十足，香炸可口，配上茄汁或芥末蜜糖醬，好味非常菠蘿冰是一塊菠蘿雪硬了，有著兒時的回憶 熱狗、薯條即叫即整，新鮮可口，值得一讚
繼續閱讀
第一次嬲到要即刻出食評 件雞出事係小事 嬲嘅係店員態度由買到拎件炸雞 男店員可以做到機不離手/ 眼睇片無客睇下片hea 下， 人之常情但係有客落order ， 佢都懶懶行如果男店員佢又真係可以一心兩用我都算，但事實唔係 呀男店員炸出嚟嗰件炸雞係凍嘅（下半件部分）即係呀店員哥其實都要係放低部手提電話專心咁處理件雞先至可以比到一件正常温度嘅雞個客食 講返件炸雞🍗半份$15 大細就係手掌✋心細少少唔係厚扒， 粉漿都厚可取係厚嘅粉漿都脆肉質嫩滑無羶味唔算太油所謂嘅辣味， 就係m 記嘅脆香雞翼味$15 我自己唔會再食P.s 無同店員講佢炸嗰件雞係凍唔好阻人睇片起碼件雞係熟齊柏林出品其實ok , 食過佢其他分店人嘅問題😩最後都係唔出男店員樣✔️希望佢會自己檢討下劣評比整個用餐體驗
繼續閱讀