120
7
4
營業時間
今日營業
07:00 - 23:00
星期一至日
07:00 - 23:00
公眾假期
07:00 - 23:00
公眾假期前夕
07:00 - 23:00
以上資料只供參考, 請與餐廳確認詳情
食家推介
相關文章
貴妃雞粥($59/另加皮蛋$6) + 香脆油條($12) + 紅燒元朗脆皮乳鴿($76) + 菠蘿咕嚕肉($61/另加$20跟飯及餐飲) + 蜜汁叉燒($66) + 豉油皇炒麵($34) + 杞子枸杞豬潤湯($57) ★－:+:－:+:－:+:－:+:－:+:－:+:－:+:－:+:—★元朗開咗有30幾年嘅新記雞粥都算幾出名，本店上年結業，呢刻唔驚唔覺又開返7間，分店有元朗+屯門+旺角兩間+佐敦+觀塘同筲箕灣，係勁嘅🔥是晚去元朗店，舖面光猛，如搭枱中間有隔板，出餐快，員工態度nice，客人滔滔不絕，外賣單超多，單機不停響🙉一場嚟到冇理由唔叫招牌雞粥，一兜二人分每人大約分到3碗，粥好綿，帶米香，唔會好水，帶米黃色充滿雞油香😋雞件大概有十舊，夠滑帶鹹香，果然馳名有因👍🏻注意粥會有碎骨要小心啲食；豉油皇炒麵麵炒得幾爽，豉油均勻，勁大碟😎脆皮乳鴿一開四，夠大隻好多肉，皮好脆，點少少准鹽好香口，唔使喺酒樓都食到乳鴿正✨菠蘿咕嚕肉唔係勁多粉漿嗰隻，半肥瘦梅肉甜甜酸酸送飯fit爆！
繼續閱讀
行經元朗新記雞粥，上次食咗雞粥，今日就試吓啲小菜和小食，點知出乎意料之外帶來左驚喜。新記雞粥除咗元朗店之外，仲有筲箕灣、佐敦及旺角分店。新記雞粥唔好似平時粥店咁單調，除咗粥、腸粉外，仲有多款精美小菜、雲吞麵、港式焗飯、公仔麵、三文治、多士等等菜式，而且價錢亦十分相宜，男女老少都適合。XO醬叉燒炒蛋 $71炒蛋賣相美觀，顏色鮮黃，生熟程度恰度好處，配上鋪面嘅XO醬，增強味道層次又不失炒蛋香味。椒鹽豬扒 $64 豬扒肉質鬆軟，入口微辣，㪚發出椒鹽嘅陣陣鹹香，即叫即炸好嘅豬扒肉汁豐富，半肥瘦嘅豬肉同香脆嘅炸蒜，食落好惹味。菠蘿咕嚕肉 $61 向來愛酸甜味道既我，咕嚕肉當然係必點嘅，酸中帶甜嘅醬汁，令人胃口大開。咕嚕肉表層炸到酥脆，外面粉漿唔會過厚，內裡肉質鬆化，豬肉亦唔會有太多肥膏，可以講係色、香、味俱全。腐乳通菜炒牛肉 $68 呢款必食小炒，最喜歡嘅炒通菜+牛肉，通菜翠綠爽口，牛肉嫩滑，加上腐乳嘅鹹香，椒絲嘅微辣，就係惹味小菜。沙嗲牛肉公仔麵餐 $37 配炒蛋、牛油厚多士，連飲品一杯。沙嗲牛肉份量唔少，口感嫩滑唔會好粉，仲食到醬汁少少花生味。公仔麵唔會煮得過腍，炒蛋浸埋落沙嗲牛湯底，吸收到啲汁又幾唔錯，牛油多士香脆可口。西多士 $35 新記雞粥另一款必吃之選係西多士，邪惡美食！西多士炸至金黃，帶有濃郁嘅牛油香氣同蛋味，以及香甜糖漿，口感鬆軟，食起嚟香氣十足。養顏蛋白杏仁茶 $29秋燥微涼既天氣，總係想食碗熱騰騰既滋潤甜品，蛋白杏仁茶幼滑細緻，杏仁味濃，香甜潤喉。餐飲凍檸檬茶，茶底清徹，檸檬清香。以及凍菊花蜜，淡淡菊花味，清爽解膩。七喜話梅柑桔冰 $13，清甜嘅柑桔和話梅味，潤喉解渴。
繼續閱讀
已經係常客，每次掛住雞粥必來！.每次一定叫的雞粥，大大件雞好足料👍🏻肉質嫩滑，粥味道濃厚，真係食過一次就會念念不忘！今次試埋碎牛粥也不錯，一樣足料👍🏻.點了幾款小食送粥超正，油炸鬼配粥一向perfect match，酥炸魷魚鬚又係每次都會點，金黃香脆炸得出色份量十足價錢親民，點喼汁好正🤤今次試埋多春魚同樣好味😋.天氣開始熱點少少冷盤，青瓜大條爽口，加xo醬清新開胃，海蜇手撕雞甜甜地，爽口清新啖啖肉👍🏻海蜇生腸甜甜辣辣好好味.真的元朗最喜歡的粥店！卡位坐得舒服，味道出色又唔貴，環境充滿港式情懷，難怪平日咁夜依然全店滿座！
繼續閱讀
原本係想去睇戲前食永順既沙嗲牛，但太多人排隊等唔切😂，所以食返呢間粥店～黎到啱啱好下午茶時間，雖然搭枱但都未算坐到好逼🔅沙嗲牛肉公仔麵餐 ($39)食唔到永順，男朋友話都要食沙嗲牛🤣，估唔到又幾出色喎💮～沙嗲味幾香濃，食晒成碗都唔會好膩，牛肉同麵就正常發揮。整體已經比普通茶記好食，幾滿意😚🔅菠蘿包 (+$3)跟餐個菠蘿包真係一般…菠蘿皮唔脆，包又唔係好鬆軟，唔使特登加錢試😂🔅貴妃雞粥餐 ($64)雞粥之前試過覺得好食所以encore，落完單10min唔使就有得食😚。食粥最怕太熱又無味，但呢到熱得黎又未至於食唔到😌，啲粥又入晒味。雞件都唔鞋口，有埋少量薑絲👍🏻。不過粥偏稀，鍾意食濃稠啲既朋友都未必啱～🔅蘿蔔糕有兩大塊，每塊都幾足料🔅凍奶茶🔅凍檸茶幾好飲，甜度啱啱好，平時唔飲凍0T既男朋友都偷飲左好多啖🤭💬Overall都好滿意，平價快餐但又中上質素，果然係老字號✨
繼續閱讀
[✨元朗新記•老字號港式風味🔥]#元朗新記 🔸紅燒元朗脆皮乳鴿 $78即叫即炸紅燒乳鴿，外皮炸至香脆，仍鎖住肉汁，必選菜式👍🏻🔸XO醬口水雞 $84口水雞嫩滑惹味，醬料辣度適中，辣辣地好過癮，好開胃唔錯🤤🔸椒絲腐乳炒通菜 $53通菜份量超級多，新鮮加上椒絲腐乳，真係食唔停口😍🔸鹹魚雞粒炒飯 $60飯粒炒至乾身，包裹住鹹香味，水準極高，夠哂鑊氣💯🔸酥炸魷魚鬚 (半份) $37必食嘅小食之一，金黃酥脆嘅外皮，粉漿亦唔會大厚身，魷魚新鮮彈牙，即使係半份份量都唔會敷衍你，真材實料❤️🔥🔸金錢煙鴨胸 $57鴨胸晶瑩通透，炆到剛好，厚身有咬口😋🔸凍檸檬茶 $9解渴解膩必嗌😊🔸凍阿華田 $9唔會太稀，正常發揮👌🏻————————♡♡♡♡♡♡————————✨總結餐廳環境寬敞舒適，食物價錢親民，份量十足，值得一再光顧嘅港式風味👍🏻💯📍元朗新記🏠元朗元朗安寧路21-35號鴻運樓地下7號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #中式小菜 #脆皮炸乳鴿 #魷魚鬚 #鴻運樓 #元朗新記 #sunkeerestaurant
繼續閱讀