港鐵馬鞍山站 A1 出口, 步行約7分鐘
繼續閱讀
營業時間
星期一至日
08:00 - 22:00
以上資料只供參考, 請與餐廳確認詳情
今次想同大家分享嘅係喺馬鞍山嘅KFC，相信大家都有食過薯格，但係芝士煙肉薯格，你又食過未呢？今次KFC推出嘅芝士煙肉薯格真係勁好味，佢係用芝士醬，同埋好多煙肉碎撈埋一齊，食落去除咗有以往嘅薯格味，仲有芝士煙肉嘅味道！
繼續閱讀
送囡囡上周未的興趣班後，有大約兩小時的空間，就到 KFC 吃個早餐，邊吃邊等。今天點了最喜歡的芝士家鄉雞扒包跟即磨咖啡。雞扒包比較多油，可能是這件雞脂肪比較多的關係，但情況仍是可以接受的。包中間夾有芝士及沙律醬，芝士帶來香口，沙律醬側消減雞扒的油膩。即磨咖啡極香，一定要小心燙口，入口香濃不酸，跟大型連鎖咖啡店可爭一日之長短。價錢只是HKD24.5，是 KFC 較平的早餐。以往手頭上的 KFC credit card 有 95 折，但現在已經取消了。
繼續閱讀
其實呢個餐都食左好多次~ 下午茶黎講真係幾抵~ 前提當然你唔係好肚餓, 否則唔會幾夠你食~一杯百事, 兩隻炸脆雞翼, 一隻原隻大雞翼, 仲有個葡撻, 只係2X 蚊咋~炸脆雞翼外皮真係夠脆辣, 油就緊係好油, 但係好食O既~入面O既雞肉又唔係太乾身~雞全翼外皮色澤真係一般, 睇到都無咩食欲, 幸好食落正常~好JUICY~葡撻皮微脆, 整體上都好食~而家KFC 好體心, 有洗手機供用, 其實幾好, 唔洗用O甘多手套好環保~ 食之前又可以洗, 保持大家衛生~不過再想講係呢間店設計怪怪地, 取餐等候位好唔夠, 買完都唔知企邊到等~
繼續閱讀
之前經過看見剛開張，D客排長龍好誇張。 開了兩星期新鮮感減退，今天經過見到冇嘜客，來看看有什麼新搞作。 這間門口有＂sweet box” ，方便外賣雪糕甜品。這部機程序幾好，快捷易明。排收銀處旁有一系列價錢牌，方便一路排一路睇，慳回時間。等顯示號碼出現，即可取食物。好细心有洗手水機及飲水機連紙杯。黑蒜脆雞雞炸得夠脆，外層帶有黑蒜香味及灑上黑白芝麻，不過味道有點似麥記shack shack 粉。太耐冇食家鄉雞，原來可以加錢轉凍檸樂，多D選擇又好似幾多喎。 不過建議餐廳提供飲品木攪棒，可代替膠管拮檸檬用。
繼續閱讀
馬鞍山新開KFC，唔使出沙田先有得食，今日突然想食脆辣雞腿包所以就去試下了(之前有聽人講話要等半個鐘，都想去睇下係咪真既)門口有點餐機但因為費事研究所以都係去左排隊叫餐。排左大概10分鐘就到我了，點餐都好順利。點完餐之後我就等啦，唔知點解明明佢地有顯示屏但又唔用，係間中先打d號碼上去，個個都係咁望住個顯示屏但望極都唔見號碼，得一個好細聲既女仔係前面叫號，所以有d人等等下都走上去問有未。我都打醒12分精神睇住邊個盤上面d野似我，見到執好就攞。(等餐都係用左18分鐘左右，可能我係平日下午4點幾所以好少少??? 仲要見到個師奶大叫等左成個鐘 ，搞到我隔離枱坐左無耐都忍唔住出番去及及有餐出未)當然食物先係重點啦! 我叫嘅係脆辣雞腿包餐配薯格，飲品係熱檸茶，另加一個葡撻。我人生未試過食咁硬咁乾既包(係佢底面都乾又硬，我估佢係烘過頭)，入面塊雞皮都幾厚無咩肉 (不過呢個又唔關馬鞍山分店事)個薯格第一舊我食到又濕又淋，好似蒸過黎咁。之後食嗰幾舊就正常少少，但都唔多香脆。熱檸茶就正正常常啦~ 反而我另叫既葡撻酥皮鬆脆，d蛋香甜幾好食wow! 成個餐最好食係呢樣!(如果我唔係趕時間我諗我會換過個包，搞到我俾我老公話你去KFC食包梗係中伏啦...... 明明我細個食呢隻包覺得好好食 ga ma...)同埋我等餐既時候發覺派餐那三位職員好似唔知點咁，明明見到後面d野食係整好曬但佢地搞黎搞去都諗唔到點樣出餐快d。只可以話新店需要時間磨合，期待見到馬鞍山分店遲d會有更好表現!
繼續閱讀