339
22
15
電話號碼
26119791
開飯介紹
餐廳採用藍白色為主調、拱門設計等意式元素,半開放式設計好開揚。主打石爐烤焗pizza,最巨型pizza足有30吋。
繼續閱讀
營業時間
今日營業
11:00 - 22:30
星期一至五
12:00 - 22:00
星期六至日
11:00 - 22:30
公眾假期
11:00 - 22:30
以上資料只供參考, 請與餐廳確認詳情
有關獎賞計劃
食家推介
相關文章
介紹返💁🏻♀️。。🇮🇹 Pizza 在將軍澳 🇮🇹。The Pizza Pig。MONTEREY Place 地下G10-11號舖。Signature Piggie Pizza 招牌鬼馬”豬"意薄餅。HKD198 + 10% @ M。HKD368 + 10% @ LWhite Truffle Spaghetti Carbonara卡邦尼松露蛋汁煙肉意粉。HKD178 + 10%Ahi Tuna Tartare 吞拿魚他他。HKD148 + 10%Pineapple Juice。HKD38 + 10%🤫 每個月總有幾日Work From Home嘅時候好想行出去將軍澳海濱嗰邊扮吓悠閒扮吓寫意..呢日約咗個鄰居去咗其中一間裝修好鬼度假Feel嘅餐廳食Lunch..講緊嘅就係以豬仔🐽為主題嘅連鎖餐廳The Pizza Pig🤫 Pizza Pig位於同Donki同一個商場嘅地下..餐廳係一個Open Area咁樣..秋冬天嚟呢度食嘢係勁舒服㗎..環境開陽空氣又夠流通仲有暖暖嘅天然光..淨係坐喺度都覺得Chill🤫 兩個生咗大食積嘅女人見到啲小朋友阿媽一齊Share食咗一個好鬼大嘅Pizza..好似好正咁樣..所以我哋都唔執輸叫咗個細嘅Signature Piggie Pizza..呢個招牌薄餅真係不得了..講得係豬仔薄餅梗係有齊晒豬仔嘅全身各個部位啦🤭外至脆卜卜嘅豬皮內至火腿辣肉腸同埋好好肉地嘅手撕豬手..口感多元化之餘仲要好好味..豬手鹹香味好重..配埋Mozzarella Cheese同埋新鮮嘅洋蔥圈..香口惹味冇得彈..仲有喎~話就話係細Size..其實都可以切成八塊咁多..睇嚟我哋都係眼闊肚窄㗎啦😵💫🤫 事關一開始唔知道個Pizza咁鬼大塊..我哋驚死唔夠飽仲叫多咗個Carbonara..問你死未🤣但係呢個Carbonara叫咗返嚟絕對唔會後悔..我真係超級推介大家嚟呢度一定要試..唔好睇佢外表平平無奇普普通通..佢個白松露嘅香氣係隻碟一放落張枱度已經聞到..然後成個Sauce都係好Creamy好Rich好香濃..配埋呢一啲比較厚身鹹鹹地嘅煙肉真係一啖一啖忍唔住放入口..最緊要連個Spaghetti都煮得啱啱好軟硬適中又夠掛汁..最後都係成碟食晒😳🤫 仲有呢..其實我哋仲叫咗個Appetiser😌係咪想死..你話係咪太過為食..不過都好彩~我哋揀嘅呢一個吞拿魚他他..個調味呢好重芝麻香㗎~加上有些少酸酸辣辣咁樣都幾開胃嘅..唯一就係牛油果粒粒唔夠青瓜粒粒多..兼且牛油果嘅味不嬲都係相對淡口啲..成碟他他唔係太食得出牛油果嘅味道..而吞拿魚粒粒應該就有醃製過所以係些少偏鹹嘅..但係夾埋脆口嘅蓮藕片一齊食嘅話就啱啱好嘞~🤫 橫掂都介紹咗咁多..順便提一提..Weekend嘅話呢度Lunch Time多人到爆..係好似我咁樣平日嚟先至可以玩Walk In..想嚟試嘅都係打電話Book位穩陣啲..佢哋呢度嘅豬仔Dishes其實真係幾好😬。。翻兜指數:🙆🏻♀️🙆🏻♀️🙆🏻♀️ (5個🙆🏻♀️為翻兜爆燈)💮已翻兜次數:3次💮。。
繼續閱讀
將軍澳澳南海岸有不少特色餐廳,同朋友在附近行完街,打算試試呢間西餐廳。Deluxe Mushroom (M) $178雜菌芝士薄餅雖然以不同的菇類作為主材料,可以食到椎茸、白玉菇、磨菇及杏鮑菇等等,加上香氣十足的松露油同惹味的芝士,味道不輸啖啖肉的薄餅,十分美味,味道濃而不膩。加上松子仁,口感更豐富。Steamed Clams (Small) $138蒜辣酒煮蜆出色,蜆肉飽滿,可以食到食材本身的鮮味,配合出色的調味,令粒粒蜆肉沾上白酒加上辣蒜同牛油煮成的醬汁,味道鮮味十足。伴碟之烤麵包沾上靈魂醬汁,更加美味,比較可惜是麵包邊烤得比較過火。Seared Prawn & Avocado Salad $165香芒牛油果鮮蝦沙律作為前菜很開胃,沙律汁甜中帶辣,份量大,爽口的鮮蝦大大隻,味道有驚喜。Crispy Calamari $138酥炸辣魷魚圈配青檸蛋黃醬,炸物出色,調味香辣惹味,口感脆身,炸粉同魷魚不會分離,而且青檸蛋黃醬令到魷魚圈味道更清爽開胃。Prime Seafood Risotto $198口感煙韌的海鮮意大利飯除了滿滿的海鮮,青口、蝦同蜆之外,更加入了西班牙辣肉腸,味道濃郁,除了海鮮鮮味,更多了一份濃厚風味,是邪惡開心的味道。Pork Tomahawk $298烤斧頭豬扒上菜十分吸精,份量驚人,但肉質不會鞋口,加上辣肉腸醬、忌廉蒜香蜜糖汁同菠菜,味道香濃出色。Tiramisu $88最後以Tiramisu作結,口感幼滑,芝士同蛋香味濃厚,酒味同咖啡味剛剛好。當下大家掛住食,忘記了拍照。 餐廳不論環境定食物水準都出色,如果有將軍澳一帶,十分推薦試一試。
繼續閱讀
今日去左將軍澳海旁嘅Pizza Pig,今次唔食鬼馬豬pizza, 一於試下佢哋嘅海鮮pizza!啲海鮮配料好新鮮,每一啖都食到海鮮嘅鮮味,而且啲pizza底脆到爆。除咗海鮮pizza,佢哋嘅雞肉沙律都好值得一試,啲雞肉烤得香脆但肉質嫩滑,加埋啲蔬菜嘅新鮮相得益彰,食落去真係清新得嚟又唔會覺得好油。另外叫左牛肋骨,嗰個味道真係無得頂,肉質腍滑到喺口裏面即刻化開,啲醬汁嘅香濃味道令人一試難忘。當然,食咁多好嘢,老公話1定要啤啤佢,所以叫左1664blanc啤酒,飲落去真係清涼解渴,令人精神為之一振。總括來講,無論係同朋友開心聚舊,定係同家人一齊都好適合。
繼續閱讀
🍴🍽🍴🍽🍴🍽️🍕🍕🍕🍕🍕🍴🍽🍴🍽🍴🍽🥢招牌鬼馬”豬”意薄餅 $198 🆗我哋嗌咗 M size 15吋長嘅pizza。Pizza base係薄脆底,配料有手撕豬手、意大利香草肉腸、辣肉腸、火腿、烤燈籠椒、紅洋蔥、水牛芝士、蕃茄醬,口感非常豐富。主角當然唔少得有脆卜卜嘅炸豬皮!Pizza加咗豬皮之後整體更加脆口,絕對值得一試😋!🥢意大利香草辣肉腸貓耳朵意粉 $168 🆗貓耳朵意粉嘅材料有意大利辣肉腸、青蔥、大蒜、辣椒、蕃茄、忌廉、帕瑪森芝士,整體食落好creamy,食幾啖已經覺得好飽肚🫢。🥢Lemon & Ginger $42 🆗檸檬薑茶係一整壺上,檸檬同薑味都幾重,好啱軀寒👍🏻。🥸評價 𝗥𝗮𝘁𝗶𝗻𝗴𝘀🥸食物 Food 7/10 環境 Environment 8/10服務 Service 7/10性價比 Value for Money 7/10整體 overall 7.25/10🍴🍽🍴🍽🍴🍽🍕🍕🍕🍕🍕🍴🍽🍴🍽🍴🗺️ The Pizza Pig (將軍澳)將軍澳澳南海岸唐俊街23號MONTEREY Place 地下G10-11號舖#bakdiu西式 #bakdiupizza #bakdiu將軍澳
繼續閱讀
將軍澳海邊有好幾間餐廳,周圍都好chill,好舒服,呢間啲食評好高分,所以二話不說去試下。1. Pasta超超超高質,我哋懷疑係餐廳自家整,因為唔似意大利粉乾煮出嚟,十分有彈性,又非常掛汁,個八爪魚汁超濃郁,味道有層次,必食推介。2. impossible meat burger 真係好似肉,薯條炸得意好脆好脆,蔬菜非常新鮮,good!3. pizza個皮好煙韌,好好食,見到有廚房差皮,非常有誠意,而且味道好正木,都係必食推介!
繼續閱讀