235
114
36
開飯介紹
餐廳提供的拉麵多元化，採用日本各地的材料，如長崎拉麵、熊本蒜油豬軟骨拉麵、博多豬軟骨拉麵等。根據時令食材，不時提供期間限定的拉麵。
繼續閱讀
營業時間
今日營業
11:30 - 21:45
星期一至日
11:30 - 21:45
以上資料只供參考, 請與餐廳確認詳情
有關獎賞計劃
招牌菜
食家推介
食評 (425)
每次行美麗華，都想試試哩間日本嘢，今日終於有機會試下。店鋪裝修得好似日本居酒屋，侍應都係外國人，好得意。日本蜜桃汁，會搭配埋冰塊一齊上，服務好好。熱生薑檸檬蜜，生薑味唔會好重，薑味透出淡淡蜜糖香味，唔錯。蔥花牛舌，牛舌火候掌握得唔錯，食落彈牙爽口唔會好韌。少少黑胡椒同海鹽調味，已經可以帶出牛舌鮮味。酥炸雞軟骨，即叫即整，送上來仲熱笠笠。雞軟骨面衣好薄，食落好脆口。燒明太子雞翼，雞皮烤得好香脆，內裡仲好juice。明太子鮮咸味道同雞肉好夾，唔洗落醬已經好夠味。特製熊本蒜油豬骨湯拉麵，配料勁豐富，有溏心蛋，叉燒，紫菜等。拉麵湯底好濃郁，飲得出落咗大量豬骨煲制，拉麵掛曬湯底味道，好食到停唔落口。日本和牛壽喜燒鍋，係期間限定菜品，必須試試。壽喜燒湯底係清甜果款，同蔬菜，豆腐都好夾。和牛會另上，仲會搭配埋日本蛋。和牛分量都幾多下，微微燙下可以食。如果覺得唔夠味，還可以點落塔塔醬一齊食，又係另一種風味。
繼續閱讀
喜歡食拉麵的人應該都有聽過「麵屋一平安」係香港首間拉麵店真係好有歷史，總店於1984年開業至今已有27年。最近才知道美麗華廣場也有分店環境氣氛不錯簡直神還原日本居酒屋的感覺，留意到都有唔少日本客人，食物價位也非常貼地，最近周年慶仲推出咗$10炸雞$19生啤，日日都有唔同特價菜式，性價比好高不可不說拉麵真的很不錯特製醬油豬骨湯拉麵$95湯頭很濃厚但係唔會太鹹，麵質好掛湯偏淋，同其他拉麵店最大分別係叉燒啖啖肉，就算幾大食都足夠老實講套餐價錢真係好超值，除咗有招牌拉麵可以揀，選擇都幾豐富，見到大家都揀咗八爪魚薯仔青醬幾有fusion感覺，作為餐前小食都幾開胃！ 幾鍾意安格斯牛扒，肉汁多賣相very good另外一款主食揀咗鰻魚飯，比起唔少專吃鰻魚飯的店認真製作，鰻魚肥美多汁，特別喜歡佢嘅汁唔會太甜晚市套餐$328 for 2(包含主食、小食、飲品x2)-八爪魚薯仔青醬汁-炸雞翼明太子-鰻魚飯-安格斯牛扒温泉卵蛋飯—————————————————麵屋一平安 (尖沙咀)尖沙咀彌敦道132號美麗華廣場1期2樓203號舖—————————————————⠀⠀⠀⠀⠀⠀⠀⠀⠀
繼續閱讀
尖東幸福中心地庫有間食日本嘢嘅餐廳，係小店經營，餐廳裝修好日系，晚巿坐滿晒客人，佢個二人餐做緊特價， $298兩位，有兩房主再加兩款小食，好抵食！香辣海鮮拉麵上面有好多海鮮，有帶子、蝦、魷魚、蜆肉，配埋個惹味嘅辣湯，我幾乎飲晒啲湯🤣🤣壽喜燒肥牛份量好多，仲用咗日本蛋，仲有好多其他配料，個湯唔會太甜，好味串燒盛盒有五款串燒，最鐘意係燒帶子同燒豬腩肉，加埋檸檬汁👍🏼清酒煮蜆個湯好清甜，蜆肉好多，唔錯
繼續閱讀
店名: 麵屋一平安 地址: 尖沙咀彌敦道132號美麗華廣場1期2樓203號舖尖沙咀站B1出口，行4分鐘環境: 4/5價錢: 4/5味道: 4.5/5之前行過美麗華成日都見到呢間拉麵店長期滿座，今日同朋友終於都去試下😆一如既往，佢都係好full🙈特製沾麵❤️❤️❤️❤️❤️$102黎到當然要試下沾麵，湯仲係熱辣辣，入面有洋蔥🧅、竹筍，麵身比較彈牙，有咬口，沾上湯去食用，好好食😍大推‼️鰻魚飯❤️❤️❤️❤️$168有半條同一條揀，貪心啲叫左一條，鰻魚十分肥美，油香十足😋而且勁大條，食半條已經好飽，好滿足🥰葱花牛舌❤️❤️❤️❤️❤️$70牛舌薄切，但一樣有口感，有咬口又有牛香，加上檸檬汁，層次就更提升😋鐵板豆腐❤️❤️❤️❤️❤️$58上枱熱辣辣，豆腐外脆內軟，入面口感嫩滑，配上蒜蓉十分惹味😚炸明太子雞翼❤️❤️❤️❤️$52雞翼去骨，釀入明太子再炸，皮脆肉嫩🤩
繼續閱讀
拉麵癮又起～左搵右搵決定去依間～雖然叫麵屋但其實我覺得似居酒屋多啲🤣食物類型多樣化，都好適合成班朋友吹水食飯👍🏻涼拌菠菜，菠菜新鮮爽口冇澀味♥️加埋木魚絲同胡麻醬～鹹香同麻醬香味十足🌟八爪魚薯仔青醬汁，薯仔係小焗薯～皮脆又綿密♥️八爪魚好爽脆，濕潤唔乾柴～青醬加上黑醋汁，香草味濃又有微微酸甜🌟味道有層次～冇睇錯😂真係1蚊雞🌟周年優惠叫滿$150就可以用$1換炸雞或其他指定嘅野食🤭咁抵唔叫就真係對自己唔住啦～炸雞肉一份四粒，每粒都係滿滿既肉肉♥️外脆內嫩～好食👍🏻辣味海鮮長崎拉麵、拉麵分量好多，兩個女仔開心share就剛好～湯底小辣，料超多😂滿滿既雜菜同海鮮～蝦仁大隻而且清左蝦腸👍🏻表示滿意♥️原隻帶子肉嫩鮮甜，同樣好味道～仲有豬肉片同數唔晒既蜆肉同魷魚♥️大滿足🌟
繼續閱讀