影片
港鐵西營盤站 B2 出口, 步行約2分鐘
繼續閱讀
電話號碼
53391987
附加資料
Last Order: 19:45
營業時間
今日營業
全日休息
星期一
全日休息
星期二至日
12:30 - 20:00
公眾假期
12:30 - 20:00
公眾假期前夕
12:30 - 20:00
以上資料只供參考, 請與餐廳確認詳情
招牌菜
相關文章
話說今日去咗西營盤一日遊，食完小滿定律同埋睡飽吃吃之後好想食鹹食，見這間店舖配搭創新，賣相又吸引🤩就去試下。店舖位置都算方便，橙色店面十分醒目，店員也十分有禮🥰不過留意番店舖做外賣為主，只有2-3張枱仔，當日去到好好彩還有位置。🌟慢煮豬腩肉配黑醋醬刈包 $58慢煮豬腩肉/自家製黑醋/炒酸菜/花生碎/芫荽/芝麻刈包今次揀咗蒸，個包好軟熟🫶🏻同埋即叫即製關係，食的時候還熱辣辣。入面的餡料就犀利啦，豬腩肉肥瘦比例好好😋食到油香之餘又唔會太肥膩，加上黑醋醬一點也不覺油膩，炒酸菜、花生碎、芫荽、芝麻增添香味之餘，又有咬口😚朋友話呢個好食點😄🌟香脆炸雞配青醬刈包 $58脆炸雞/自家製羅勒醬/自家醃製青瓜/糖心蛋/炸羅勒葉/芝麻雖然上一款已經好正😊但呢款我更加喜歡！炸雞啱啱炸起熱辣辣，一拎上手勁重手，相信一個女仔完全夠晒做午餐🤣食落去外脆內軟，雞肉係有肉汁的😍好嫩滑😁自家製羅勒醬味道剛好，唔會太濃味之餘又可提升炸雞嘅層次，兩者好夾！呢個我覺係必試。😝
繼續閱讀
今次去咗間唔係咁「出面」嘅店嘗鮮，真係話到做到，每款刈包都爆滿料，味道正到彈！一入門口，就被佢哋嗰個慢煮豬腩肉配黑醋醬吸引咗，一咬落去，豬腩肉嘅Q彈口感加上啲自家製嘅黑醋醬，變成咗正到跳舞嘅味道，芫荽、花生碎、都加埋上去，酸酸甜甜又唔會過於鹹膩，整個惹味過癮得滯！😋👍然後再嚟個韓式辣醬素包，預咗會好辣嘅，但食落又唔係咁辣，中和咗啲辣醬，仲有啲酸酸嘅泡菜同菠蘿，炸到脆口嘅刈包咬落去香甜又開胃，真係又辣又夠味，完美啊！🤤最後，真係要讚下佢哋自製麻辣肉醬同墨汁腸，一咬落去即刻有股「驚喜」味嚟，層次豐富到不得了，啲炸刈包仲保持到外脆內軟嘅完美比例，咸香嘅肉醬配合台灣小食嘅風味，款款都令人回味無窮！真係要推介俾大家，快啲嚟試下佢哋嘅美味吖！😎🥳🎉
繼續閱讀
店舖環境小型size，有兩個人嘅bar枱櫈(可能夏天天氣炎熱，將擺左外面嘅黑色bar枱搬番入去)和一張可以坐2-3人嘅格仔凳。刈包可以選擇蒸/炸，蒸刈包 soft Q彈，帶點微温，因為我同友人都偏好蒸包，驚炸包會太油啦。$58 香脆炸雞配青醬刈包 炸雞都有3-4件，炸粉唔厚，有肉汁，肉質鮮嫩唔霉，配以自家醃青瓜，中和濃、厚的羅勒醬。+ $38 香蔥魯肉薯條 炸薯條上枱以短薯條為主，口感外脆內軟，配以台式魯肉，魯肉唔多，肥瘦適中，meun寫話on top 加自家製黑醋醬，係食唔出嘅。$88 和風牛肉柚子漬蓮藕刈包 雖然價錢進取，但牛肉份量對得住個價錢，但咬落會連住唔易分離，表面有薄切蓮藕配以大量香蔥和數片炸蒜，口感豐富，醬汁係柚子芥末醬，濃、重芥末味蓋過柚子，柚子味來自表面一塊柚子漬，整體來講，唔會攻鼻，sauce質地偏liquid，夾埋牛肉汁，最尾流到成個紙袋都係。所有食物都係即叫即整，熱辣辣送到你手上👍🏻 所以口感上係加分架 (ps食呢個包係完全冇儀態可言，非常狼狽🫣)
繼續閱讀
🇭🇰BUN BUN 新式台灣刈包小店😋小店位於西營盤第三街 電梯位隔離 非常易搵方便小店外型用左貨櫃造型 雖然主打外賣不過都有少量位可以堂食 刈包全部自家新鮮製作Menu 幾特別 口味同配搭好創新🫣🫣值得一試🍖慢煮豬腩肉配黑醋醬蒸刈包 (💰$58)慢煮豬腩肉｜自家製黑醋醬｜炒酸菜｜花生碎｜芫荽｜芝麻刈包可以揀炸／蒸 即叫即製 需時10-15分鐘刈包賣相吸引 勁多餡足料 質地柔軟蒸刈包溫度控制得幾好👍🏻豬腩肉幾厚身Q彈😈😈肥美同蒸包幾夾配搭黑醋 芫荽 酸菜一齊食 完全唔會有任何油膩的感覺🍊和風牛肉柚子漬蓮藕蒸刈包 (💰$88)安格斯牛肉｜柚子漬蓮藕｜新鮮沙律菜｜自家制柚子芥末醬｜香蔥｜炸蒜安格斯牛肉份量一樣好多 帶少少微脆但都係好juicy🤤烤得香口又易咬 柚子芥末醬好突出 鐘意佢地芥末夠重可以吊起味道 成個感覺fushion得黎好清新 唔錯👍🏻🍵冷泡綠茶 (💰+$12)
繼續閱讀
這間小店位於西營盤，主打台式料理外賣，設有少量堂食位置。店家招牌菜刈包每日新鮮自家製作，可選炸刈包或蒸刈包，五款口味保留傳統風味之餘，又融入其他創新元素，可升級套餐及加配小食/飲品。和風牛肉柚子漬蓮藕刈包 - $88刈包近似饅頭質地柔軟，包裹著滿滿的肉餡，一片片嫩滑多汁的安格斯牛肉略帶焦脆，牛味好濃郁；爽脆的蓮藕有著酸甜的柚子漬，加上新鮮沙律菜很清新；淋上自家製柚子芥末醬、香蔥和炸蒜，好有層次。慢煮豬腩肉配黑醋醬刈包 - $58一塊塊肥瘦相間的慢煮豬腩肉鬆軟甘香，滿口油香，淋上自家製黑醋醬略帶酸溜溜，再有爽脆的炒酸菜、芫茜、花生碎和芝麻，平衡膩感。柚子鹽脆炸菇 - $58金黃酥脆的即炸雜菇毫不油膩，金菇較為香口，雞脾菇則較多汁，亦有菇味較重的冬菇，柚子鹽鹹中帶酸頗清新。柑桔熱情果冷泡綠茶 +$12酸酸甜甜的柑桔和熱情果充滿果香，清爽怡人的綠茶很清甜。蜂蜜梳打 +$12清爽的碳酸氣泡帶絲絲天然的蜂蜜微甜，滋潤解暑。
繼續閱讀
您可能會有興趣的...