20
0
1
港鐵藍田站 D1 出口
繼續閱讀
營業時間
星期一至日
11:00 - 21:30
公眾假期
11:00 - 21:30
公眾假期前夕
11:00 - 21:30
以上資料只供參考, 請與餐廳確認詳情
招牌菜
食家推介
相關文章
星期六沿茶果嶺道散步去到麗港城，呢頭主要得連鎖餐廳，不過仲有一間小店叫「椰小盅燉湯專門店」。椰小盅喺太子未成名之前，我已經幫襯過😊，但自從轉工後就未有機會一嚐。藍田店嘅面積比太子店更細，堂食座位只得十個左右，所以有唔少街坊都係嚟買外賣🥡。舖內有個電視不停播住飲食訪問，令我哋知道椰小盅嘅製作過程。餐廳當然主打燉湯，分為燉盅湯同椰小盅燉湯，餐牌款式超過十款，但實際上可能有部份售罄，所以要參考返舖內木牌。🍱燉湯定價由$50至$80不等，價錢都唔平，不過升級做套餐感覺又抵返啲。蟲草花幹貝土雞燉鮮鮑椰小盅($80)，功效係平肝固腎，提升免疫力。🥥椰小盅即係以椰子作為器皿，將椰水倒出後，再加入食材燉製四個鐘。呢款湯肉味濃郁，滲出椰子香，入面有鮑魚、土雞同蟲草花，全部都好食。織金竹笙烏雞椰小盅($66)，功效係益氣養血，美容養顏。呢款可算係招牌湯，入面有大大塊竹笙同其貌不揚嘅烏雞🐔，再加埋紅棗同杞子，所以味道份外清甜，但肉味就比另一款淡。題外話，烏雞湯所用嘅椰子殼無鮮鮑湯嗰個咁大，原來有分別。自滷牛腿肉(+$23套餐)，🥩滷水牛𦟌有五至六塊，肉質軟稔，滷水鹹香恰到好處，不過由於偏薄，口感爭少少。上網見其他食評嘅餸好似吸引啲🙈。肉燥紫薯飯，🍠🍚飯可選白飯或紫薯飯，我要咗後者，米飯粒粒分明，偏硬身。紫薯味道唔算突出，但就加添咗口感。撈公仔麵配祕製雞翼(+$9)，呢個係輕食，撈公仔麵幾惹味🍜，麵質爽彈，但無諗過喺度有得食。雞翼得一隻，亦即係餐牌上嘅椰小翅，雞翼滷得入味，肉質又嫩。另外，我哋再加咗$20要蠔油菜心，以及將啫喱升級做雲海紅豆仙草。🥦油菜無乜特別，但無摘到菜花，扣分。甜品細細兜，不過味道唔錯，甜甜的；花奶拼仙草又香又滑，而紅豆就煮至綿密🍮。飲品方面🍵，特式茶唔使加錢，有兩款口味，包括日式玄米茶以及山楂茶，兩款清茶唔錯，感覺養生，而山楂茶酸味比想像中輕。總括嚟講，椰小盅燉湯果然無令人失望，真材實料又好飲🤤，朋友第一次飲都表示頂呱呱。店舖得一個姐姐主理，佢一腳踢非常忙碌，但亦保持友善。
繼續閱讀
天氣熱都仲係會想飲嘅湯😚💁♀️可想而知有幾正❣️有睇開我post都可能知道我鍾意椰味😊最近發現呢間以椰子燉湯做主題嘅餐廳，湯真係好出色☺️纖金竹笙烏雞椰小盅椰子殼都幾保溫，冬天仲正🥰一入口所有椰味嘅清甜已經湧出嚟😍加埋雞嘅肉香同椰味好夾。成個湯好清好香，仲有湯渣食。非常推薦試下個湯。如果唔想咁熱嘅話，都可以試下啲椰子殼嘅凍甜品😋椰子盅嘅湯有好多款揀。仲可以配唔同嘅肉同飯成為餐，每位都唔使$100就食到超飽。肉類都好推薦😊🥰啲叉燒超多蜜味燶邊🥰燒腩燒得金黃，成舊嘅肥瘦好平均，又香口感又豐富，正呀。
繼續閱讀
今天來朋友這邊玩，我們經過麗港城這邊的商場的時候，發現了一間獨特的燉湯專門店，於是決定進入一探究竟。落座之後，服務生就馬上遞上了餐牌，服務態度特別好，環境也很光芒。我們點的是蓮藕排骨燉盅湯和織金竹笙烏雞椰小盅，兩款的湯頭都非常鮮美，用料也很講究，一入嘴就能聞到淡淡的椰香。不愧是湯中極品。蓮藕排骨燉中湯裡的蓮藕和排骨都是準備的較好的食材，排骨一點也不柴，口感醇厚，入口鮮香，有濃濃的肉香味。烏雞也是選用的上好的品種，雞肉鮮嫩，絲絲入扣，吃到嘴裡之後還想再吃下一口。總的來說，這真的是一間極具性價比的餐廳，因為我看過了餐牌，哪怕單點飯的話也是完全合理的價格，因此我都迫不及待了。想下次再和朋友來這間餐廳，享受這裡的獨家美食。
繼續閱讀
今日黎到來頭唔少既 *~椰小盅 ~食晚飯，係米芝蓮餐廳，今晚黎主要係想試呢度不落鹽，不落糖，不落味精，原個椰子既燉湯。蟲草花鮮飽魚燉土雞 $80椰盎好大個，真材實料，鮑魚彈牙，湯清甜滋補。燉湯+ $23 就可以轉套餐，有飯、有甜品，仲山楂茶飲。我地揀左店員姐姐推介既叉燒拼燒腩仔飯。叉燒係外脆肉軟，飯都好特別，係紫薯飯，上面有肉鬆粟米芝麻，口感豐富。飯同餸既份量都好多呀。月牙煎餃10隻 $39靚靚既煎餃，滿滿饀料，外皮超香脆。桂花鮮奶燉蛋白 $37蛋白加上桂花香，清香滋潤。親切既店員姐姐見我地係店避雨，仲比左個工具我地玩，摑啲椰肉出嚟食。😂好滿足，並非浪得虛名。
繼續閱讀
雖然天氣熱辣辣但都無阻湯怪想飲湯嘅決心🤣平時原粒椰子嘅甜品就食得多不過湯就真係未試過了所以今日一於去試吓先😋蟲草花鮮鮑魚燉土雞 - $80燉湯係原個椰子咁上入面都收埋咗幾多湯同料🤣鮮鮑魚爽口彈牙個湯十分清甜！椰子味都好岀而且雞湯嚟講佢一啲都唔油飲完唔會口乾，抵讚👍🏼。玫瑰露豉油大雞髀 - $23呢個係跟湯加餐嘅價錢嚟雞髀都幾入味而且肉質結實唔鞋口。紫薯飯呢個係跟雞髀加埋嘅有白飯同紫薯飯揀見紫薯飯好似幾得意平時又好少食到所以都想試吓加咗紫薯之後個口感豐富咗但又唔會好甜，幾好食不過同時因為有紫薯所以個飽肚感都快咗岀嚟🤣。啫喱呢個都係跟餐包埋的細細杯嘅啫喱入面竟然重有果肉係度開心！加埋花奶真係搵返童年回憶呀！🤣。飲品轉咗桂花酸梅湯 - $9唔會太酸而且凍凍哋咁好消暑😌個酸味又消滯夏天飲啱晒上面重有少少桂花係度都幾香同行友人叫咗個下午茶餐再加小食百合雪燕燉桃膠 - $45好冰涼嘅感覺雪燕份量好多加上桃膠食完感覺養顏🤣呢個下午茶餐仲有得配一個小食咁我哋就揀咗糯米雞都幾大隻而且入面啲餡都好足👍🏼。。秘製粉果 - $18/2PCS粉果皮幾薄入面嘅餡粒粒分明又幾好咬口沾埋辣椒油更加好食🤣。。椰香燒賣 - $20/8粒本身都好鍾意食燒賣見到個名好似有啲特別所以叫咗嚟試吓原來係上面加咗啲椰絲都幾得意增添咗燒賣嘅口感。。上素鮑菇(中份) - $7睇個顏色都知醃得好入味🤣少少辣都幾開胃。。爆爆青瓜(大份) - $13好爽口，好Juicy不過如果再辣啲就會再開心啲🤣
繼續閱讀