193
59
5
開飯介紹
生活概念店當中的餐廳，供應咖啡及多款西日Fusion美食，旨在創造一個讓人擺脫日常工作，放鬆身心的空間。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
🌻熊妹一早聽聞過《How To Live Well》呢間休閒Cafe，以前係觀塘工廈總店，同傢俬品牌聯成一齊開店，時代變遷，搬到而家喺銅鑼灣希慎廣場、尖沙咀K11同埋荃灣廣場做自己嘅獨立Cafe店，實行港九新界都有一間分店，三個區域都有，想食又唔洗話過海咁麻煩，絕對係屬於香港人的餐廳。📌今日同瑪姬皇后喺尖沙咀行街🛒，諗到K11有呢間久違了又未試過的《How To Live Well》Cafe，一於去試吓。📌《How To Live Well》K11分店位於2樓，環境好大，以木系🧱同埋黑白色的裝修為主，樓底好闊落，感覺好似入咗一間Studio入面。有好多張梳化枱，🛋，有靠場邊的四人枱，有靠窗邊望窗的二人自修室枱，中間有張好大的多人工作枱💻，真係過嚟休閒嘆杯咖啡又得，過嚟聚吓舊食吓飯又得，過嚟工作都得，🉐咗。📌餐牌入面大路Cafe美食通通有，意粉🍝、漢堡包🍔、咖喱飯🥘、封門柳🐮、西冷、Pizza🍕、小食🍢、沙律🥗都有齊。想輕食又得，想飽肚食又得，齋飲杯咖啡都得。Classic Pizza，$193瑪姬皇后話佢啲Pizza幾吸引想試下。要試一款Pizza，食classsic就最好不過啦。有蔥油腸、煙肉、蘑菇、洋蔥同蕃茄醬，傳統Pizza就係應該蕃茄醬做底，跟住有啲肉，有啲蘑菇再連埋啲芝士，一款Pizza嘅樣🍕，黃色的熱溶芝士🧀襯托住粒粒紅色嘅蕃茄🍅就出左黎。餅底係薄批，係厚少少的餅乾餅底，食落去批邊幾脆，薄批又唔會好似食厚批麵包咁飽。蕃茄醬底，餡料鋪滿好豐富的芝士，仲有一片片厚切的蔥油腸，而唔係平時食開好薄一片嘅辣肉腸，變成口感有咬口啲豐富啲，仲有啲焗熟左嘅蕃茄粒🍅，咬落爆出新鮮嘅蕃茄汁，又可以解下pizza的鹹度及油膩，熊妹食pizza嘅愛好係一定要點埋tabasco🌶，帶多點微酸辣嘅味道，可以同鹹芝士同蔥油腸夾。唔使整色整水新口味，傳統口味就已經可以食得出經典味道，明太子忌廉汁煙肉意粉， $178📌其實熊妹一直由觀塘店關注《How》，就係關注佢呢個招牌明太子忌廉汁煙肉意粉，因為熊妹就係明太子愛好者。嘩！一上枱，明太子忌廉汁的味道真係芬香撲鼻，仲可以見到面頭的木魚絲同紫菜絲被意粉嘅熱氣吹到郁吓郁吓♨️，感覺到廚師嘅做功好細膩。明太子忌廉汁嘅濃郁程度真係澎湃到呢，每條意粉都係掛滿杰身嘅忌廉汁同埋粒粒明太子，食落去唔會好鹹，重奶油味🍼再吊出明太子嘅鹹味，特別在啲煙肉🥓係超級重煙燻味，就算撈上明太子忌廉汁都唔會蓋過佢本身醃製過嘅煙燻味道♨️，好明顯這些煙肉一定唔會係平價貨，熊妹真係冇揀錯。💪🏻唔好以為盤大碟細份量少，原來隻碟係好有深度㗎。成碟意粉份量多到兩個人食咗五六轉一大注都仲有忌廉汁係個盤底，其實好飽㗎，但係好味到一定想清晒佢。日式甜泡菜炸雞配日式芥末醬，$88📌食咗兩款主食，好味到未夠喉，就揀多款小食喇。本身熊妹都幾鍾意食炸雞🐥同泡菜，好少見到呢兩樣嘢會擺埋一齊。炸雞有好多舊，炸皮炸到超級薄，完全唔覺得有塊炸皮喺度，咬落去一啲都唔油膩，雞肉入邊嫩滑唔鞋口，再點埋跟上嘅日式芥末醬，瑪姬皇后話呢個醬有驚喜🤩，芥末嘅味道唔會好辣，又帶少少甜，點落炸雞度味道又唔係好濃又幾清新，跟手又可以食吓啲甜泡菜清下油膩，然後再食返一口炸雞，本身係一口小食但係都食到停唔到口，呢款炸雞小食黎真係可以值得一試。Affogato，$68不嬲鐘情espresso的瑪姬皇后見到餐牌有呢個黑芝麻味嘅Affogato，真係唔試唔得。Affogato其實不嬲都可以當甜品咁食，因為係黑咖啡撞落雪糕入邊🍨，今次係黑芝麻味雪糕，黑黑配搭，生生不息。絕對係冇得頂！當黑芝麻雪糕遇上黑咖啡☕️，黑芝麻嘅芝麻香味，再撞落超級濃烈嘅黑咖啡，兩種重味道嘅食材撞埋一齊，又不失自己嘅風格之餘，但突顯各自濃烈的獨特味道，比起平時一般用的雲呢拿雪糕係更勝一籌，冷熱相撞又帶出另一種味蕾的感受，呢杯黑黑Affogato真係世一，《How》唸到呢種配方的Affogato真係好聰明，讚！Baby Cigar，$78📌實不相瞞，其實熊妹都係咖啡愛好者，每一日都要飲一杯咖啡先可以為之醒神。瑪姬皇后食Affogato食得咁過癮，熊妹都唔執輸，發現咗呢杯Baby Cigar，包含coffee jelly, milk, double espresso, tiramisu sauce 。呢杯Baby Cigar 果然係《How》的有一傑作，以咖啡同Tiramisu為主，直程有成塊Tiramisu的主角招牌手指餅托係杯頂，可以浸落咖啡入面自製Tiramisu手指餅。透明玻璃杯可以睇到Baby Cigar入邊層次分明，面頭有一層唧咗tiramisu sauce的牛奶奶蓋，然後中間係加咗Double shot expresso☕️嘅牛奶咖啡，底層就有粒粒咖啡啫喱，成件事好咖啡之餘，又食到Tiramisu嘅精髓，所以《How》做的咖啡果然係名不虛傳，係會令人飲上癮的。📌How to live well? You can find the answer at Shop 201, K11 Art Mall.
繼續閱讀
12點去到唔使等位。餐廳環境舒適，好有文青feel。叫咗2個lunch set。明太子忌廉汁煙肉意粉($148)第一眼望落去好細碟，但原來意粉疊到好高，撈勻就好大碟。意粉軟硬適中，明太子忌廉汁超多，可以掛哂係意粉到，好味，但食咗三分一已經覺得個汁好膩。兩個人share食就岩岩好。另外加$22有餐湯同麥茶。今日餐湯係南瓜湯，好creamy，好飲。跟餐湯仲有餐包，熱既餐包，軟熟香口，唔錯。（個人口味Ｓ：４/５分） 慢煮美國封門柳 脆薯角 烤雜菜($198)封門柳七成熟岩岩好，唔會太韌，有肉汁，有牛味，係邊邊位乾身咗d。配菜既番茄、脆肉瓜、蛋同薯角既調味唔錯，幾好食。（個人口味Ｅ：４/５分） 設加一服務費。如果lunch set唔使加錢就包埋餐湯同茶就性價比高d。
繼續閱讀
位於K11 Art Mall嘅HOW to live well分店 裝修簡約 環境舒服🤍食物質素高 店員服務態度仲超好 值得大家一試✨.📌吉列金文畢芝士條•吉列埃文達一口芝士粒•無花果醬 $88芝士條同芝士粒炸得好乾脆 完全唔油膩👍🏻金文畢芝士條鹹香中帶酥香 口感有啲似薯蓉 好綿密 又有少少顆粒感🧀埃文達芝士粒鹹香十足 外脆內軟 仲好拉絲添🧡芝士配清甜無花果醬 味道好夾😋.➿Pizza (12”)➿Pizza可以揀兩款口味雙拼 以較高價錢嘅pizza再加$28🙌🏻Pizza比平時薄批厚身啲 外脆內軟🔥.📌Six Cheese (12”) $168Pizza用上六種芝士 分別係: Mozzarella, Gorgonzola, Fontina, Emmental, Cheddar, Parmigiano Reggiano 鹹香十足 啱晒芝士控🧀批邊脆卜卜 而芝士令pizza更軟熟濕潤 口感好正🍕簡單芝士同蕃茄醬嘅配搭 個人最鍾意🥰再點埋香甜蜜糖 鹹甜鹹甜 一流🍯.📌Seafood (12”) $188海鮮Pizza內餡豐富又足料: 有三文魚, 墨魚, 蝦滑, 蟹肉棒, 蘑菇, 洋蔥同鰹魚乾🍕鰹魚乾除左令賣相加分 同Pizza味道仲好夾🐟最驚喜係用左三文魚肉 唔係煙三文魚 份量好多 唔乾柴🍣其他海鮮就正常發揮🦑🦐🦀配埋蘑菇同洋蔥 更清新有口感🍄🟫🧅Pizza仲加左芝士 拉到絲又增添鹹香🧀Pizza底有千島芥末醬 同海鮮真係超夾😎.📌咖啡啫喱配雲呢拿雪糕•濃縮咖啡 $78一球雲呢拿雪糕底下係咖啡啫喱🤎淨食雪糕會偏甜 不過加入fruity濃縮咖啡 味道就好完美🍦☕熱咖啡令冰凍雪糕半融 甘香咖啡加埋香滑雪糕 超正😍咖啡啫喱口感似仙草 咖啡味濃郁 帶微甜🍮呢個甜品無論鍾唔鍾意咖啡都一定啱食 好推薦啊👅.📌Four Season Green Tea $42四季春茶底清香濃醇🍵
繼續閱讀
值得推薦的餐廳❤️昨天與朋友們聚埋一起晚餐，我第一次選擇這間餐廳，因為餐廳裏面寬敞舒適，很適合與朋友聚埋一起傾偈，冇諗過食物真係唔錯，尤其是封門柳5乘熟剛剛好，好有牛肉味好腍👍👍明太子忌廉煙肉意粉好夠味好好食，反而係Parma Ham Pizza比較咸左D，凱撒沙律都唔錯，整體如果10分我都會比8分半呢間餐廳，而且侍應都好有禮貌喎，好有耐性，現在很少有這種服務態度👍下次會再去。
繼續閱讀
好耐之前同朋友嚟過一次～嗰次感覺都唔錯，就再嚟多次先星期日大約2點到～就咁睇座位都有9成full上次同朋友叫咗1款意粉同2款小食，我哋都比較鍾意Pasta多過小食今次叫咗2款主菜: Pasta🍝+Pizza🍕煎大蝦•龍蝦鰹魚湯扁意粉 $148意粉面頭鋪上2隻煎香咗嘅大蝦同埋沙律菜，配上一小壺龍蝦湯～賣相幾有文青feel龍蝦湯質感比較濃稠，都有陣陣嘅龍蝦香味，但配上扁意粉後唔太掛汁，味道稍淡～面頭2隻大蝦唔會煎得過熟，亦都煎得幾香，最重要係唔使剝殼Classic Pizza $193正正常常嘅大Pizza~面頭鋪上香腸、煙肉、蘑菇，配上芝士同蕃茄醬整體感覺焗得唔夠香，食材味道唔突出，被蕃茄醬掩蓋晒餅皮屬於比較簿脆類型，食落偏硬～整體嚟講算唔錯，位置方便，環境都舒服～嚟到嘅話我會比較推薦大家試Pasta
繼續閱讀