10
7
2
附加資料
Green Monday 餐單逢星期一全日供應。少量素食菜式每天供應。
營業時間
今日營業
06:00 - 00:00
星期一至日
06:00 - 00:00
以上資料只供參考, 請與餐廳確認詳情
食家推介
奇怪間野咁差服務點解仲未執，中秋節6點入座得幾枱客，6點15分落單後十多分鐘上菜還欠一個未上，6點50分追單說落漏要補單，等多二十多分鐘追幾次竟然在7點40分說厨房做唔切要我地取消，咁點解唔早講要我地白坐45分鐘，如果7點前落單都做唔切是否7點就不接散客呢。最離譜就是說客戶落單廚房竟然可以話唔做咁惡
繼續閱讀
今晚母親節晚，嬲到1個點....平時都有食開，但今晚簡直不能再接受...服務態度差到離曬譜，如果酒樓老闆睇到又想知情況....請親自感受一下。另外，我都好明白....酒樓員工都係要收工，但 8點15分開始將冷氣溫度校到 15度以下....開始趕客會唔會太早？9點或9點15分開始校會唔會合理？如果我3個人食4，5百蚊埋單，我無野講....但8百幾蚊埋單，咁既服務.....真係一肚氣著曬！唔想做，可以唔做....唔係咁做！如果老闆睇到留言，而又無問題....我無言。可以既話，酒樓老闆請自己去了解下....
繼續閱讀
下午茶🫖 四嗰人人均消費食咗$80，荔景嘅屋邨酒樓都真係幾抵食🤭 呢度今日覺得最好食嘅係椰香脆蛋散，佢完全無油益味，加埋蜜糖真係好正😛 我encore咗一碟🤭其次就係銀芽肉絲炒麵，雖然我自己就唔係中意食呢類嘅，但佢做到嗰麵好脆，再將肉絲放上面，即食嘅話啲麵都唔會淋😎 做得好好👍🏻 不過需時，俾啲耐性，隔離枱等咗半個鐘😂 其他點心質素都唔錯，加上下午茶有孖寶優惠🤭 蟹粉燒賣皇、鮮竹牛肉球、鮮蝦炸春卷同埋叉燒腸粉都稱得上好🤭 但係香煎蘿蔔糕、招牌蝦餃王同蠔皇鮮竹卷就無咁出色🤔
繼續閱讀
用餐體驗差到我要寫食評！平日11:00見荔景站附近冇乜餐廳，嚟酒樓食個早餐，冇乜客人 。叫左個臘味糯米飯，兩份點心 。點知等左半個鐘都未有，問個樓面佢好敷衍咁話「係咁㗎啦呢間酒樓」，問點心姐姐佢就話「我都冇㗎我㗎車冇都俾唔到你㗎啦」服務態度0分，可惜冇得俾0分。隔離枱燥底同樓面講仲俾人串「咁唔掂我地一早關門大吉啦」冇野食受氣都飽哂。等多十分鐘，終於嚟左碟蛋散，甜到不得了，食完即刻要去睇急症，糖尿病！好彩瑪嘉列醫院就喺隔離之後好似食高級西餐咁，食完一碟先到下一碟，有條牛肉腸粉，冇乜特別就係牛肉腸粉。仲有個冇乜湯汁既小龍包淡味燒賣同埋用時50分鐘既糯米飯，都唔知講咩好，先餓到覺得食到就是賺到，但不好味 夠料。食完馬上閃人，走嗰陣仲要俾收銀黑面，好似我食左太耐咁，但係我都冇計啊！下次食711撈麵好過食呢間。
繼續閱讀
父親節訂咗呢間酒樓食飯，二千幾蚊八個人，冇一樣嘢係好食㗎😂😂😂大家千祈唔好去食晚飯，真係好耐冇食過酒樓嘅晚飯咁麻麻。敬父宴 $2588 8人份鴻運乳豬拼盤 (5/10)有叉燒，豉油雞，燒腩仔，乳豬，燒鴨，正正常常燒味，肉質比較紮實，燒腩仔好食啲，個皮都係脆嘅。海皇魚肚燴翅 (5/10)鹹鹹地，食得出有雞湯味，個稠度剛好，魚翅都係比較少，魚肚比較多切到細細粒，加醋好食啲。琥珀明蝦球 (5/10)蝦球都爽口嘅，鹹鹹地有少少醃味，琥珀係甜甜地嘅果仁，個合桃幾好食嘅，翠玉瓜都爽脆。富貴螺片蚌片 (5/10)西蘭花都爽脆，螺片都爽口，蚌片淋身少少，OK的。原隻鮑魚扣玉掌 (0/10)鮑魚係罐頭鮑魚，都有口感但腥腥地😂玉掌有少少淋同偏酸，好似變壞咗，鮑汁麻麻哋。黃金百花球 (5/10)即叫即炸，蝦球都彈牙，不過都有蝦味嘅。清蒸沙巴龍躉 (6/10)條魚蒸得比較耐嗰啲，肉質未算好滑，真係比較紮實，正常有魚味，算係比較好少少。荷葉海皇焗飯 (4/10)係冇荷葉㗎😂個飯比較濕，正常鹹鹹地，有荷葉味，都有啲蝦仁蓮子魷魚😂😂唔好食懷舊鹽焗燒雞 (7/10)估唔到呢個有驚喜，果皮都幾香脆，雞肉係唔乾，鹽焗味都幾出幾香，又唔會太鹹，算係咁多樣裏面最好食！蒜蓉粉絲蒸扇貝 (7/10)由於個鴨掌係變壞咗，所以換咗個扇貝俾我哋。扇貝肉好細粒，但蒸得啱啱好，都唔會鞋口，粉絲蒜蓉都正常唔會太鹹。蓮蓉壽包 (5/10)普普通通，偏甜😂紅豆沙 (3/10)紅豆都煲到爛晒㗎，但真係太甜啦，食唔到😂推薦指數: 2/10冇一樣好食，但未去到好難食嘅，但唔會再嚟😂
繼續閱讀