影片
開飯介紹
來自北海道函館的雪糕店，採用北海道函館近郊農場，經低溫殺菌處理，高級的「駒ヶ岳」牛奶，及部份材料契約農場的時令北海道生果及蔬菜，因此營養成分高之餘，味道亦特別香濃幼滑，特別鮮甜。亦有60隻以上口味，隨著季節等不定時更新提供，任君選擇。
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
招牌菜
相關文章
來自北海道函館的雪糕店，標榜採用北海道牛乳炮製 $39 兩隻味 (西西里開心果: 都係無果仁, 味道不算濃烈, 不過已經好似平時食緊糖水芝麻糊咁有個種程度既開心果味, 對我黎講岩岩好, 所以都揀左呢隻味; Rare Cheese: 呢隻無試味, 但係因為都鍾意芝士味, 一睇到就已經決定左揀呢隻味, 食落好似 cream cheese 咁既味, 有少少酸似似地食乳酪咁, 唔算好濃芝士味, 不過食落都好舒服, 唔錯)
繼續閱讀
左邊是：桃味、牛奶味、沙巴翁右邊是：榛子朱古力、梨子、菠蘿味$15購「Milkissimo」$30現金券，熱爆全日本的北海道牛奶鮮制Low Fat Gelato（低脂意式雪糕），買了總共買了三張，可換取兩杯珍寶雪糕，每杯價值$45，可選一至三種口味。當中只有牛奶比較好吃，較濃的奶香味，其他味道都是淡淡的，沙巴翁味更有點像火酒味，很怪。Gelato這種似溶非溶的雪糕，實在不太懂欣賞，低脂的食物都是不好吃，又一次証明了，我寧願吃高脂的哈記雪糕好了。
繼續閱讀
杯朱古力榛子味既gelato幾好味, 甜都黎又滑, 都幾香環境唔錯~ 唔怪得杯細細杯既gelato要成30蚊之不過我覺得有d奇怪就係, 同一個size如果你要兩個味佢之不過係每隻味放一半, 砌成一杯, 但佢都要加你成7,8蚊所以我覺得既然同一個size叫一隻味好似抵d囉
繼續閱讀
Milkissimo 係一間黎自日本北海道函館o既雪糕店2010年7月o係尖沙咀開設首間雪糕店,呢半年o係奧海城及九龍灣港鐵站都設有分店尖沙咀分店位於 THE ONE 商場四樓,由於雪糕有特色,最初開o既時候好多人幫襯,曾於2010年8月獲得 OpenRice 每月好評餐廳十強裝修用上銀色雪花圖案,落地玻璃與店內白色主題十分配合,令人感覺舒服店內擺設格調華麗,大家品嚐雪糕之餘仲可以有視覺o既享受Milkissimo 雪糕好似意大利雪糕 Gelato,不過佢地o既賣點係用左北海道牛奶做材料意大利雪糕發源地,與盛產頂級上質牛奶發源地北海道函館,同樣位於北緯41度,兩個地方交融形成最矜貴o既意大利雪糕Milkissimo 有超過 60 款北海道牛奶鮮制 Low Fat Gelato,隨著唔同季節唔定時更新提供雪糕店每日輪流供應廿幾款味道,不過我地當晚去到o既時候,好多款式已經售罄,幸好我想試o既幾款特式味道仲有得賣THE ONE 商場四樓全部都係食肆,之前有好多間餐廳都做過團購優惠,好似 Sprout Organic and Natural Café,金牌小龍,鈴木珈啡館及 Cowboy Seven早前o係網站見到有 Milkissimo o既團購優惠,就用每張$15 o既價錢買左三張雪糕 coupon,每張 coupon 可以當$30 用,每人每次最多可以用兩張 coupon今次優惠適用於全部三間分店,我地買 coupon 時唔駛事先選定享用優惠o既分店,只要拎住 coupon 去到邊間分店都可以用,十分方便近日雪糕店有團購優惠,不過雪糕價錢係低過之前,若果大家睇返以前o既收費,而家o既價錢係買到較大杯o既雪糕我地兩個人用三張 coupon,買到兩杯 JUMBO (210G) 雪糕 (每杯原價$45,可選1-3種口味),唔駛額外補錢美少女店員服務親切友善,隨時歡迎大家試食,不過我地冇試味就各自選左三款味道店員整好杯雪糕後,會特別提示我地分辨唔同雪糕味道,呢種服務態度o係其他雪糕店未遇過,實在值得一讚我地一杯要左北海道花梨,有機南瓜同埋沙巴翁,另一杯要左香芒皇,鮮木莓同埋沙巴翁本人杯雪糕要左三款出面少有o既特式口味,就係北海道花梨,有機南瓜同埋沙巴翁有機南瓜唔太甜,南瓜味唔造作,除左奶香,仲有清新o既甜香沙巴翁o既 Rum 酒味好重北海道花梨自然清爽,梨味新鮮純正,一入口就清甜透心 BabyBamboo 支持者o個杯要左香芒皇,鮮木莓同埋沙巴翁香芒皇味道較甜,芒果味唔重鮮木莓即係 Raspberry,色澤淺紅,呢款味道幾酸,令人開胃JUMBO (210G) 可以選三款味道,用大紙杯裝,唔係用的骰o既杯唔好睇個杯仔細細,店員o係杯內將o的雪糕整到好實,再整成尖尖地高高地,我地食左差不多半個鐘先食完杯雪糕當晚冇乜人用團購優惠,好多人都只係買細杯裝,佢地見到我地食緊大杯裝都投以好奇o既目光呢間雪糕店除左有 Gelato 雪糕,仲供應心太軟,亦有多款飲品可供選擇,若果購買雪糕,仲可以優惠價錢購買飲品今次呢個優惠十分抵食,每人$22.5 就可以試到大杯裝o既三款美味頂級牛奶 Gelato 意大利雪糕若果日後再有團購優惠應該會再買,到時可以試下其他特式o既味道呢間雪糕店值得推介,大家日後有機會可以一試
繼續閱讀
女朋友本身極鍾意食雪糕，咁岩又係團購網見到依到既coupon，二話不說就買黎試下。我地用左$15買左$30 coupon，由於兩個人share食，所以最後決定加多$15要Jumbo size，有210g又有3種味可以試。所以其實整體黎講我地係用$30買$45既雪糕，平左$15已算不錯去食之前，特登上黎openrice睇下評語，抄低左想食同評語好既味道。點知去到時，發現網上提既大部份味都無，當中仲有十分多空箱（共有１０個箱係空的）。女朋友當然十分失望，我地又唔係一開店既時候去，而且當時已經係下午，我唔期望一間已經開左幾個鐘既雪糕店，竟然係有咁多味係無的，要扣分講番重點：雪糕。由於係Jumbo size，所以可以叫３種味，我地要左鮮牛奶，特濃朱古力同焦糖咖啡。有一點值得提提的，３種味既份量十分不平均，雖然雪糕係好難去計份量，不過相差真係太遠，焦糖咖啡食左幾下就已經無哂了每隻味道都講下喇鮮牛奶：牛奶味十分香同滑，而且不會太甜，唔錯！特濃朱古力：個人最鍾意依個，朱古力味十分重。不過對於唔太鍾意甜的人食，可能會覺得太甜，而我就覺得ok，食完會繼續想食。焦糖咖啡：三個中比較失色既一個。咖啡味不重，其實可以講係不足。我已經係食朱古力之前去試，但都仲係覺得唔夠味。另外，焦糖更係完全消失左，失望。所以我唔推薦大家試依個，寧願試下其他味道更好。整體上，雪糕係十分不錯的，係依家香港四周都係乳酪雪糕既時候，得閒可以有個地方食下日式雪糕係唔錯既選擇，更可以保持新鮮感。不過我期望佢下次可以係味道選擇上準備得更好，起碼唔好有３份１既箱係空的。I will be back
繼續閱讀