-
椒鹽九肚魚
-
香煎蠔餅
-
粟米魚肚羹
-
芒果一口脆
-
WASABI蟹籽手撕雞+20
142
55
18
開飯介紹
之前於禾輋邨街市大牌檔開業超過30年，及後搬至石門，依然是沙田區內著名大牌檔的代表。招牌菜包括Wasabi手撕雞、芒果一口脆、椒鹽九肚魚等。
繼續閱讀
營業時間
今日營業
12:00 - 23:00
星期一至五
12:00 - 23:00
星期六至日
17:00 - 23:00
*最後落單時間: 22:00
以上資料只供參考, 請與餐廳確認詳情
食家推介
相關文章
之前去石門見這間 陳根記 超多人等位，所以就有興趣吃吃看。因為是大排檔就約埋朋友一起去吃，那就可以多點幾個餸。晚上6點前入座的話不用等位，6點後便見到坐滿人，用餐時間會是90分鐘。有實體餐牌，但下單的話會是用QR Code，另外會有店員走過時說今日有什麼招牌菜!?先點了 WASABI 魷魚鬚 (HKD 116) 聽說是這間必吃之一。預想那個醬會是嗆鼻的，但吃落竟然是帶甜味，像有點微微WASABI味的千島醬那樣子。外層炸粉不是脆的，魷魚則幾軟嫩。香煎蠔餅 (HKD 106) 有脆卜卜的口感。蠔好像沒什麼味道，這個一般。椒鹽九肚魚 (HKD 106) 非常酥脆可口，吃的時候還是有熱度的。魚肉也很滑，再加上香口的蒜粒之類更為惹味。而且是真的有吃到椒鹽的調味。聽到店員一直說今天有 芥菜 就點了。很大的一棵，吃落沒有苦味，多嚼幾口還有少許甘甜的味道。油鹽水琵琶豆腐 (HKD 92) 琵琶豆腐看起來跟鯪魚球很像。其實就是魚肉再加上豆腐，口感軟軟的，老人家也能吃。粟米魚肚羹 (HKD 88) 加了胡椒粉會比較有味。
繼續閱讀
陳根記搬左去石門既陳根記已經無以前咁多人，搬完之後食過一次覺得遜色左好多(不論氣氛定味道)，事隔年幾再比多次機會佢試下!黃金頭抽雞呀姐好主動過黎推介，見無咩心水菜就叫埋。不過都唔錯，雞夠滑，浸得夠味亦有雞味。椒鹽魷魚鬚炸得夠透夠甩脆，無食到一舊舊粉，但偏鹹生炒骨叫黎比D後生仔送飯一流，夠火喉，惟唔夠啖啖肉，肉粒較細。豉油皇鵝腸失望，無咩味，好韌身，咬唔開。砵仔焗蠔失望X2，咬落散開，食落粉粉地，無左蠔身爽口肉質，大家食左兩啖都無勇力KO佢。馬拉盞炒通菜份量比想像多，正常發揮豉油皇炒麵炒得算係咁， 唔會太濕亦唔係乾曾曾，可以食到1-2碗。野食整體黎講都係一般，無驚喜，無難忘，無咩想特別再Encore。唔知我地係咪晚巿較早食(6點半左右)，無咩人入座。雖然無咁好氣氛，但係可能少左野做反而D同事好好態度，又主動拎櫈比你放袋， 又主動跟單。呢樣係唯一令我受寵若驚既地方
繼續閱讀
今日嚟到陳根記晚餐，晚上7:00已經全場爆滿，座無虛席，呢度好多款餸菜選擇，真係眼花撩亂，我哋選擇咗三碟餸⋯豉汁蒸白鱔；好大碟，白鱔彈牙，吸晒豉汁嘅味道，好好味，豉汁配合白飯，絕配！炸蠔餅；炸得好脆口，粒粒蠔仔size適中，再配上魚露，增加風味～黑椒洋蔥牛仔骨；洋蔥、青椒、紅椒、再加埋牛仔骨顏色好豐富，賣相已經好好，非常夠鑊氣，好惹味～整體性價比高，其實陳根記呢間，我哋已經去過好幾次，食極都唔厭，哈！
繼續閱讀
呢兩年出左名諗住試一試佢，點知原來得個名，但真係好多人慕名而來，座無虛席。我同先生叫咗四樣嘢，分別係海蜇手撕雞，炸乳鴿，椒鹽魷魚同埋沙嗲牛肉粉絲煲…海蜇手撕雞同埋炸乳鴿都正正常常冇咩特別，椒鹽魷魚係冇落味的，要自己點鹽或者喼汁，沙嗲牛肉粉絲煲八十幾蚊但勁細碟，得兩啖粉絲，真係性價比極低！由於食物賣相唔吸引所以我地冇影低食物相。另外，叫左支蜜糖薏米檸檬水，$15支但勁細支，飲兩啖就冇晒！原來仲要收服務費，埋單都差唔多五百…唔好食又食唔飽，真係中伏了！可一不可再！
繼續閱讀
咁岩喱幾日凍左，除左打邊爐，大排檔都係個好選擇，今次係網上拎定飛，夾好時間過去都好快有枱，點了以下食物：1. 粟米魚肚羹：以4人計每人都可以飲到兩碗，粟米搞碎左，所以湯味幾香濃，魚肚就一粒粒。2. 金湯酸菜魚：個湯唔似酸菜魚，只係魚湯米線湯，又唔夠酸，魚片份量可接受，整體一般。3. XO醬炒花枝片：有韭黃、青椒絲一齊炒，花枝片量多，好惹味。4. 豉汁蒸排骨陳村粉：正宗陳村粉，絕不是採用腸粉，豉汁蒸排骨冇乜特別，如果醬汁多少少會更好。5. 椒盬豆腐：即炸大大粒，炸出黎唔散，份量幾多，放落口熱辣辣好正。6. 馬拉盞炒通菜：最佳配搭，夠鑊氣 & 惹味。7. (必試)甜品：芒果一口脆、榴槤忘反奶露、榴槤焦糖燉蛋。姐姐態度親切有禮，又提我地記得食甜品，讚讚讚!!
繼續閱讀
您可能會有興趣的...