1123
34
13
開飯介紹
餐廳供應多款日式料理,其中壽司卷系列更引入充滿創意、色彩豐富的美加風味。菜式定價合理,座位舒適,適合多人分享美食。
繼續閱讀
營業時間
今日營業
12:00 - 15:30
17:30 - 22:00
星期一至日
12:00 - 15:30
17:30 - 22:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
餐廳:古今地點:銅鑼灣澳門逸園中心菜式:日式居酒屋餐牌:主打特色創意卷物。主餐牌有前菜沙律,刺身,壽司,多款特色卷物,燒物,串燒,鍋物,天婦羅,小食炸物,飯類,清酒同飲品,仲有二人套餐。落單用QR code。埼玉網燒牛舌 $78 另加一琦玉網燒牛舌一客4大件,熱辣辣上枱,有返相當厚度。咬落去完全唔韌,口感超彈牙,味道夠鹹,伴有椰菜絲沙律可解膩同減鹹度。另外仲有酸汁可平衡鹹味。日式章魚小丸子 $48 另加一日式章魚小丸子一客6粒,熱辣辣上枱。面頭滿滿木魚花同紫菜絲,居然加埋椰菜絲同生菜。章魚小丸子整得脆皮,入面就滑溜,真係食到煙韌章魚粒,如果多d邪惡沙律醬就perfect啦。超級龍卷風 $98 另加一超級龍卷風一客8件,兩件尾六件身,飯卷包住紫菜,入面有啖啖肉炸蝦,加上鰻魚,忌廉芝士,青瓜絲同脆脆,面頭再加上脆脆同醬汁。食落口感好豐富,有脆口脆脆同滑溜忌廉芝士,而炸蝦都好脆口,味道口感豐富,又唔會過鹹或者膩。我特別鍾意有忌廉芝士。蜘蛛 $103 另加一蜘蛛一客5件,兩件尾三件身,紫菜外皮包住飯卷,飯卷加有好多蟹籽,入面就係炸軟殼蟹,加上蟹柳,青瓜絲,牛油果。食落口感有脆口炸軟殼蟹又有爽口青瓜絲,感覺都唔會太膩。兩款卷物一齊上碟,伴有日式芥末,酸薑片同食用花瓣,賣相不俗。裝修係以木材為主,非常日式,座位舒服,食物質素唔錯。
繼續閱讀
呢排忙住搬屋,大哥話好耐都冇同我食嘢,佢今日係希慎附近做嘢,所以近近地黎呢邊食…成棟都係食嘢嘅大廈😋😋好掛住佢哋嘅牛舌!食物埼玉網燒牛舌🔥必食!🫨佢唔點汁反而食到好香牛味🫢最緊要係佢個質感😂我會形容係𡁻緊一個咕𠱸😂一個有彈簧嘅cushions 😂😂😂自家玉子燒滿滿嘅蟹籽😳加上燒過嘅沙律醬🤭成個玉子燒好有質感😀我好怕食實的的個啲玉子🙄佢哋呢個好係海綿咁軟🤭好味火山🌋哥哥話天氣凍😂嗌個火山暖下🫣其實真係好暖…個一刻不過我肚餓🤤影好相下個卡就吹熄佢食😀我呢個角度😂望落好似火化緊🥹sorry超級龍捲風最鐘意佢呢個炸蝦🍤脆卜卜壽司🍣🥹🥹🥹啖啖幸福感🤭其他呢度開12點,我哋上去嘅時候,12點未到😂然後坐咗外面櫈一陣就入得去食!貪佢呢度地方舒服,又近地鐵站,又有地方行🩷🩷望住岀面好繁忙嘅步伐,自己坐喺咁休閑嘅地方,真係好講放鬆
繼續閱讀
之前去過尖沙咀 "古今二" 食日本菜,最近得悉銅鑼灣也有店舖,於是就試名物既日式卷物及料理,有好多款式選擇,好特別架。店內環境充滿日式風格及簡約嘅設計,地方雖然唔係好大,但都有些空間感,唔算擠逼,餐廳設有bar枱同2-4人枱,同朋友傾偈食吓飯都唔錯嘅選擇。嚟睇吓餐牌先,款式好多有刺身、特色卷物、壽司、鐡板燒、鍋物、丼飯、天婦羅、串燒、小食炸物、燒物、特色飲品、日本酒等等,日式卷物更是與別不同,值得一試!壽司薄餅 (辣味三文魚) $108圓圓Pizza形狀既壽司,底層外面係脆脆飯焦,中間軟糯口感,上面鋪滿帶少少辣既三文魚蓉同爽脆既蟹籽,食材新鮮,淋上自家醬汁,食落口感豐富,有創意既特色日本料理。蜘蛛 $103這款高質日式卷物壽司,軟殼蟹炸得酥脆但冇油膩感,即使放在飯卷入面都冇變腍,再加上蟹柳、牛油果同青瓜增加層次,口感更滋味。琦玉 網燒牛舌 $78每片牛舌都有一定既厚度,口感十足!燒烤至焦香,外脆內軟,牛舌嫩滑爽口,沾上特製日式醬汁,好美味。日式章魚小丸子 $48鋪上滿滿既木魚同紫菜,與小丸子一齊食,多重口感。小丸子外層脆口,入面軟綿綿,章魚好彈牙,配合日式醬汁好夾,唔錯。
繼續閱讀
好耐冇食過日本嘢啦,好懷念上次古今啲卷物,即刻訂位再食,次次嚟到呢間餐廳都感覺好似去咗日本居酒屋咁,裝修整潔,員工有禮貌粉紅佳人擺盤精美好吸引,裏面有三文魚,蟹柳,牛油果,味道有少少辣味,上面有大大舊吞拿魚蓉,好捉料 ☺️相撲力士呢條卷好有特色,師傅整得好好,佢將幾款唔同嘅魚生刺身放喺卷物上面,有三文魚,吞拿魚,立魚等,每嚿都有唔同嘅口感,仲有廚師嘅醬汁和沙律醬等配合埋一齊食,好正 🤗安格斯蔥牛卷牛肉厚切好鬆軟,多蔥,配合埋燒汁食好惹味 😉明太子雞翼明太子雞翼釀得脹卜卜,燒得香脆,味道十足 😆
繼續閱讀
店名: 古今地址: 銅鑼灣軒尼詩道525號澳門逸園中心21樓銅鑼灣站D2出口,行1分鐘環境: 4/5價錢: 4/5味道: 4.5/5古今一向以卷物出名,今次就同朋友黎到銅鑼灣分店試下,佢地仲有尖沙咀、觀塘、荃灣分店添😛東京爆脆❤️❤️❤️❤️❤️$98每件都大大舊,入口十分滿足,入面餡料脆卜卜,入口層次分明🥰果然必叫卷物😍海膽帶子炒飯❤️❤️❤️❤️$218上面放左幾大舊超新鮮海膽,海膽味道鮮甜,炒飯粒粒分明,加上帶子肉,更口感彈牙豐富😛自家玉子燒(6件)❤️❤️❤️❤️$55玉子燒入口蛋味香濃,口感綿密,加上蟹籽令口感更豐富🤩味道咸甜咸甜咁👅
繼續閱讀